ಆಸ್ಕರ್​ ಪ್ರಶಸ್ತಿಗೆ ಎಂಟ್ರಿ ಕೊಟ್ಟ ರಶ್ಮಿಕಾ ಮಂದಣ್ಣ ಡಿಯರ್​ ಕಾಮ್ರೇಡ್​ ಸಿನಿಮಾ..!

ರೈಸಿಂಗ್ ಕನ್ನಡ : ವ್ರತ ಕೆಟ್ಟರೂ, ಫಲಿತಾಂಶ ಸಿಗುತ್ತೆ ಅನ್ನೋ ರೀತಿ, ಕರ್ನಾಟಕದ ಕ್ರಶ್​ ರಶ್ಮಿಕಾ ಮಂದಣ್ಣ ಅಭಿನಯದ ಡಿಯರ್ ಕಾಮ್ರೇಡ್​ ಸಿನಿಮಾ ವಿಷಯದಲ್ಲೂ ಇದೇ ರೀತಿಯಾಗಿದೆ. ಇತ್ತೀಚೆಗಷ್ಟೇ ಕನ್ನಡ, ತೆಲುಗು ಸೇರಿದಂತೆ ನಾಲ್ಕು ಭಾಷೆಗಳಲ್ಲಿ ಬಿಡುಗಡೆಯಾದ ಸಿನಿಮಾ ಡಿಯರ್ ಕಾಮ್ರೇಡ್​. ಆದ್ರೆ, ನಿರೀಕ್ಷೆಯಷ್ಟು ಸಕ್ಸಸ್​ ಕಾಣದೆ, ಸಿನಿಮಾ ಫ್ಲಾಫ್​ ಆಯ್ತು. ಇದರಿಂದ ರಶ್ಮಿಕಾ ಹಾಗೂ ಹೀರೋ ವಿಜಯ್ ದೇವರಕೊಂಡ ಇಬ್ಬರೂ ಸೇರಿದಂತೆ ಇಡೀ ಸಿನಿಮಾ ತಂಡ ಬೇಸರದಲ್ಲಿತ್ತು.

ಇದೀಗ, ಸಿನಿಮಾ ಫ್ಲಾಫ್​ ಆದ್ರೂ, ಡಿಯರ್ ಕಾಮ್ರೇಡ್​ ಸಿನಿಮಾ ಆಸ್ಕರ್​ ಪ್ರಶಸ್ತಿ ರೇಸ್​​ಗೆ ಹೋಗಿದೆ. ಯೆಸ್​, ಇದು ಶಾಕಿಂಗ್ ಆದ್ರೂ ನಿಜ. ಫೆಡರೇಷನ್​ ಆಫ್​ ಇಂಡಿಯಾ ಕಮಿಟಿ, ಡಿಯರ್ ಕಾಮ್ರೇಡ್​ ತೆಲುಗು ಸಿನಿಮಾವನ್ನ ಆಸ್ಕರ್ ಎಂಟ್ರಿಗಾಗಿ ಲಿಸ್ಟ್​ ಮಾಡಿದೆ. ಇದರಿಂದಾಗಿ ರಶ್ಮಿಕಾ ಹಾಗೂ ವಿಜಯ್ ದೇವರಕೊಂಡ ಸೇರಿದಂತೆ ಇಡೀ ಸಿನಿಮಾ ತಂಡ ಸಂಭ್ರಮ ಮಾಡ್ತಿದೆ. ಭಾರತದ ವಿವಿಧ ಭಾಷೆಗಳ ಒಟ್ಟು 28 ಸಿನಿಮಾಗಳು ಆಸ್ಕರ್​ ಪ್ರಶಸ್ತಿ ಲಿಸ್ಟ್​​​ನಲ್ಲಿವೆ. ತೆಲುಗಿನಿಂದ ಡಿಯರ್ ಕಾಮ್ರೇಡ್ ಮಾತ್ರ ಸೆಲೆಕ್ಟ್​​ ಆಗಿದೆ.

ಡಿಯರ್ ಕಾಮ್ರೇಡ್​ ಸೇರಿದಂತೆ ಒಟ್ಟು 28 ಸಿನಿಮಾಗಳ ಸ್ಕ್ರೀನಿಂಗ್ ನಡೀತಿದೆ. ಸ್ಕ್ರೀನಿಂಗ್ ಕಮಿಟಿ ಎಲ್ಲಾ ಸಿನಿಮಾಗಳನ್ನ ನೋಡಿದ ಮೇಲೆ ಒಂದು ಸಿನಿಮಾವನ್ನ ಭಾರತದಿಂದ ವಿದೇಶಿ ಸಿನಿಮಾ ಲಿಸ್ಟ್​ನಲ್ಲಿ ಆಸ್ಕರ್​ ಪ್ರಶಸ್ತಿಗೆ ಕಳುಹಿಸಲಿದೆ.