ಸಹೋದರ ಸತೀಶ್​​-ಲಖನ್​​ಗೆ ರಮೇಶ್​ ಜಾರಕಿಹೊಳಿ ಡಬಲ್​ ಶಾಕ್​..! ಇದೇನ್ ಗುರೂ ಇದು..

ಬೆಳಗಾವಿ : ಸಮ್ಮಿಶ್ರ ಸರ್ಕಾರದ ಪತನಕ್ಕೆ ಕಾರಣವಾಗಿ, ಕಾಂಗ್ರೆಸ್ ತೊರೆದು ಬಿಜೆಪಿ ಸೇರಲು ತುದಿಗಾಲಲ್ಲಿ ನಿಂತಿರೋ ರಮೇಶ್ ಜಾರಕಿಹೊಳಿ ಹೊಸದೊಂದು ಶಾಕ್ ನೀಡಲು ತಯಾರಿ ನಡೆಸಿದ್ದಾರೆ. ಅದರಲ್ಲೂ ಈ ಬಾರಿ ಕಾಂಗ್ರೆಸ್ ಪಕ್ಷದ ಜೊತೆ ಸಹೋದರರಾದ ಸತೀಶ್ ಜಾರಕಿಹೊಳಿ ಮತ್ತು ಲಖನ್ ಜಾರಕಿಹೊಳಿಗೆ ಭರ್ಜರಿ ಶಾಕ್ ನೀಡ್ತಿದ್ದಾರೆ.

ಯೆಸ್​, ಕಾಂಗ್ರೆಸ್​ ವಶದಲ್ಲಿರೋ ಬೆಳಗಾವಿ ಜಿಲ್ಲಾ ಪಂಚಾಯತಿಯನ್ನು, ತನ್ನ ವಶಕ್ಕೆ ತೆಗೆದುಕೊಳ್ಳಲು ರೆಡಿಯಾಗಿದ್ದಾರೆ. ಜಿಪಂ ಅಧ್ಯಕ್ಷೆ ಆಶಾ ಐಹೊಳೆ, ಉಪಾಧ್ಯಕ್ಷ ಅರುಣಾ ಕಟಾಂಬ್ಳೆ ವಿರುದ್ಧ ಅವಿಶ್ವಾಸ ಮಂಡಲಿಸಲಾಗ್ತಿದೆ. ಇದಕ್ಕಾಗಿ, ರಮೇಶ ಜಾರಕಿಹೊಳಿ ಬೆಂಬಲಿತ 22 ಜಿಪಂ ಸದಸ್ಯರು ಬೆಂಬಲ ವಾಪಸ್ ಪಡೆಯೋ ಸಾಧ್ಯತೆ ಇದೆ. ಅಲ್ಲದೆ, ಕಾಂಗ್ರೆಸ್ ಪಕ್ಷದ ಪ್ರಾಥಮಿಕ ಸದಸ್ಯತ್ವಕ್ಕೆ ರಾಜೀನಾಮೆ ನೀಡಲು ಮುಂದಾಗಿದ್ದಾರೆ.

ಗೋಕಾಕ ಸ್ಥಳೀಯ ಸಂಸ್ಥೆಗಳ ಬಳಿಕ ನೇರ ಜಿಪಂಗೆ ಸಾಹುಕಾರ್ ಕೈ ಹಾಕಿದ್ದು, ಕಾಂಗ್ರೆಸ್​​ಗೆ ಸವಾಲು ಹಾಕಿದ್ದಾರೆ. ಇನ್ನೆರಡು ಮೂರು ದಿನಗಳಲ್ಲಿ ರಮೇಶ ಜಾರಕಿಹೊಳಿ ಬೆಂಬಲಿತ ಜಿಪಂ ಸದಸ್ಯರು ಸಾಮೂಹಿಕ ರಾಜೀನಾಮೆ ನೀಡಲಿದ್ದಾರೆ. ಸದ್ಯ, ರಮೇಶ ಜಾರಕಿಹೊಳಿ ಗ್ರೀನ್ ಸಿಗ್ನಲ್​​ಗೆ ಸದಸ್ಯರು ಕಾಯ್ತಿದ್ದು, ಇನ್ನೇನು, ಬೆಳಗಾವಿ ಜಿಲ್ಲಾ ಪಂಚಾಯ್ತಿಯಲ್ಲಿ ಮತ್ತೆ ಕಮಲ ಅರಳುವ ಸಾಧ್ಯತೆ ಇದೆ.