Featured
ಅಯೋಧ್ಯೆ ರಾಮಮಂದಿರ ಶಿಲಾನ್ಯಾಸಕ್ಕೆ ಕ್ಷಣಗಣನೆ – ಯಾದಗಿರಿಯಲ್ಲಿ ಕರಸೇವಕರ ಹರ್ಷೋದ್ಘಾರ..!
ರೈಸಿಂಗ್ ಕನ್ನಡ :
ಪ್ರತಿನಿಧಿ : ದುರ್ಗೇಶ್ ಮಂಗಿಹಾಳ, ಯಾದಗಿರಿ :
ದೇಶದ ಜನರ ರಾಮಮಂದಿರ ನಿರ್ಮಾಣ ಕನಸು ಸಾಕಾರಗೊಳ್ಳುತ್ತಿದ್ದಕ್ಕೆ ಕರಸೇವಕರು ದೇಶಾದ್ಯಂತ ಸಂಭ್ರಮಪಟ್ಟಿದ್ದಾರೆ. ಅಯೋಧ್ಯೆಯಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ರಾಮಮಂದಿರ ನಿರ್ಮಾಣಕ್ಕೆ ಭೂಮಿ ಪೂಜೆ ನೆರೆವೇರಿಸಲಿರುವ ಪ್ರಯುಕ್ತ ಯಾದಗಿರಿಯಲ್ಲಿ ಕೂಡ ಕರಸೇವಕರ ಸಂಭ್ರಮ ಮುಗಿಲುಮುಟ್ಟಿದೆ.
ರಾಮಮಂದಿರ ವಿಚಾರವಾಗಿ ಯಾದಗಿರಿಯಲ್ಲಿ ಕರಸೇವಕರು ಜೈಲು ಪಾಲಾಗಿ ಅನೇಕ ನೋವು ನಲಿವು ಅನುಭವಿಸಿದ್ದಾರೆ. ರಾಮ ಮಂದಿರ ನಿರ್ಮಾಣದ ಬಗ್ಗೆ ಕರಸೇವಕರು ಯಾದಗಿರಿಯಲ್ಲಿ ಜನರಲ್ಲಿ ಜಾಗೃತಿ ಮೂಡಿಸುವ ಕೆಲಸ ಮಾಡಿದ್ದಾರೆ.
1992 ರಲ್ಲಿ ಯಾದಗಿರಿಯಿಂದ ಕೂಡ ಕರಸೇವಕರು ಅಯೋಧ್ಯೆಗೆ ತೆರಳಿ ಶ್ರೀರಾಮನ ದರ್ಶನ ಪಡೆದು ಸೇವೆ ಸಲ್ಲಿಸಬೇಕೆಂದಾಗ ಅಲ್ಲಿನ ಸರ್ಕಾರ ಅನೇಕರನ್ನ ಬಂಧಿಸಿ ಜೈಲಿಗಟ್ಟಿತ್ತು. ಯಾದಗಿರಿ ಜಿಲ್ಲೆಯ ಕರಸೇವಕರು ಮಂದಿರ ನಿರ್ಮಾಣಕ್ಕೆ ಅಂದು ಇಟ್ಟಿಗೆ ಹಾಗೂ ವಿವಿಧ ಸೇವೆಯನ್ನು ಕೂಡ ಮಾಡಿದ್ದಾರೆ.
