ರಾಮ ಮಂದಿರ ನಿರ್ಮಾಣಕ್ಕೆ ಆಗಸ್ಟ್ 5ರಂದು ಪ್ರಧಾನಿಯಿಂದ ಶಿಲಾನ್ಯಾಸ – ಏನೇನಿದೆ ಗೊತ್ತಾ ವಿಶೇಷ..?

ರೈಸಿಂಗ್ ಕನ್ನಡ :

ವೆಬ್ ಡೆಸ್ಕ್ :

ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಾಮಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ. ಆಗಸ್ಟ್ 5 ರಂದು ರಾಮಮಂದಿರ ನಿರ್ಮಾಮಕ್ಕೆ ಪ್ರಧಾನಿ ನರೇಂದ್ರ ಮೋದಿಯವರು ಶಿಲಾನ್ಯಾಸ ನೆರವೇರಿಸಲಿದ್ದಾರೆ.

ಶ್ರೀರಾಮ ಜನಿಸಿದ್ದು ಮಧ್ಯಾಹ್ನ 12.15ರ ಸಮಯವಾಗಿರೋದ್ರಿಂದ, ಅದೇ ವೇಳೆಗೆ ಶಿಲಾನ್ಯಾಸ ನೆರವೇರಿಸಲಾಗುವುದು ಎಂದು ಶ್ರೀರಾಮ ಜನ್ನಭೂಮಿ ತೀರ್ಥಕ್ಷೇತ್ರ ಟ್ರಸ್ಟ್ ತಿಳಿಸಿದೆ.

ವೇದ ಮಂತ್ರ ಘೋಷಗಳ ನಡುವೆ, ಬೆಳ್ಳಿಯಿಂದ ಮಾಡಿದ ಇಟ್ಟಿಗೆಯನ್ನ ಅಡಿಗಲ್ಲಾಗಿ ಇಡುವ ಮೂಲಕ ಪ್ರಧಾನಿ ಮೋದಿ, ನಿರ್ಮಾಣ ಕಾರ್ಯಕ್ಕೆ ಚಾಲನೆ ನೀಡಲಿದ್ದಾರೆ. 40 ಕೆಜಿ ಬೆಳ್ಳಿಯಿಂದ ಶಿಲಾನ್ಯಾಸದ ಇಟ್ಟಿಕೆಯನ್ನ ತಯಾರಿಸಲಾಗಿದೆಯಂತೆ.

ಈ ಮೊದಲು ಸಿದ್ಧಪಡಿಸಿದ್ದ ವಿನ್ಯಾಸದಂತೆ ಮಂದಿರದ ಎತ್ತರ 121 ಅಡಿ ಇತ್ತು. ಪರಿಷ್ಕೃತ ವಿನ್ಯಾಸದಲ್ಲಿ ಈ ಎತ್ತರವನ್ನ 161 ಅಡಿಗೆ ಹೆಚ್ಚಿಸಲಾಗಿದೆ. ಅದರಂತೆ, ಮೂರರ ಬದಲಾಗಿ ಐದು ಗೋಪುರಗಳನ್ನೂ ರಾಮಮಂದಿರ ಹೊಂದಿರಲಿದೆ.