Featured
ರಾಜಸ್ಥಾನ ರಾಜಕೀಯಕ್ಕೆ ಟ್ವಿಸ್ಟ್: ಸಿಎಲ್ಪಿ ಸಭೆ ನಡುವೆ ಕೈ ನಾಯಕರಿಗೆ ಐಟಿ ಶಾಕ್..!
ರೈಸಿಂಗ್ ಕನ್ನಡ
ನ್ಯೂಸ್ ಡೆಸ್ಕ್:
ರಾಜಸ್ಥಾನದಲ್ಲಿ ರಾಜಕೀಯದ ಚದುರಂಗದಾಟ ಜೋರಾಗಿದ್ದು ಇಲ್ಲಿನ ಕೈ ನಾಯಕರ ಮನೆ ಮೇಲೆ ಐಟಿ ದಾಳಿ ನಡೆದಿವೆ. ಇದರ ನಡುವೆಯೂ ಸಿಎಂ ಅಶೋಕ್ ಗೆಹ್ಲೋಟ್ ಶಾಸಕರ ಸಭೆ ನಡೆಸುತ್ತಿದ್ದಾರೆ.
ಮುಖ್ಯಮಂತ್ರಿ ಗೆಹ್ಲೋಟ್ ಅಪ್ತರು, ಬೆಂಬಲಿಗರ ಮನೆ ಮೇಲೆ ಐಟಿ ದಾಳಿ ನಡೆದಿದ್ದು ಶೋಧನಾ ಕಾರ್ಯ ಮುಂದುವರೆದಿದೆ. ದಾಖಲೆಗಳಿಲ್ಲದ ಲಾಕರ್, ಚಿನ್ನ ಮತ್ತು ಆಸ್ತಿಪತ್ರಗಳನ್ನ ವಶಕ್ಕೆ ತೆಗೆದುಕೊಂಡಿದ್ದಾರೆ.
ಕೈ ನಾಯಕರಾದ ಬಿಲ್ವಾರಾ ಹಾಗೂ ಝಲಾವಾಡ್ಗೂ ಮನೆ ಮೇಲೂ ದಾಳಿ ನಡೆಸಿದ್ದು ಪರಿಶೀಲನೆ ಹಂತದಲ್ಲಿದೆ. ಬಿಜೆಪಿ ತನ್ನ ಕೆಲಸಗಳನ್ನ ಈಡೇರಿಸಿಕೊಳ್ಳಲು ತನಿಖಾ ಸಂಸ್ಥೆಗಳನ್ನ ಈ ರೀತಿಯಾಗಿ ದುರ್ಬಳಕೆ ಮಾಡಿಕೊಳ್ಳುತ್ತಿದೆ ಎಂದು ಕಾಂಗ್ರೆಸ್ ನಾಯಕ ಮಹೇಶ್ ಜೋಷಿ ಆರೋಪ ಮಾಡಿದ್ದಾರೆ.
ಐಟಿ ದಾಳಿ ನಡೆದ ಹಿನ್ನಲೆಯಲ್ಲಿ ಸಿಎಲ್ಪಿ ಸಭೆ ಅರ್ಧ ಗಂಟೆಗಳ ಕಾಲ ಮುಂದೂಡಲ್ಪಟ್ಟಿತ್ತು. ಸಭೆಗೆ 74 ಕೈ ಶಾಸಕರು ಆಗಮಿಸಿದ್ದಾರೆ ಎಂದು ತಿಳಿದು ಬಂದಿದೆ.
