ಪವಿತ್ರ ಅಮರನಾಥ ಗುಹೆಗೆ ರಕ್ಷಣ ಸಚಿವ ರಾಜನಾಥ್ ಸಿಂಗ್: ಪಾಕ್ ಕುತಂತ್ರ ನಡೆಸಿದರೆ ತಕ್ಕ ಶಾಸ್ತಿ ಮಾಡಲು ಸೂಚನೆ

ರೈಸಿಂಗ್​ ಕನ್ನಡ :

ಶ್ರೀನಗರ :

ಪವಿತ್ರ ಗುಹೆ ಅಮರನಾಥ ಕ್ಷೇತ್ರಕ್ಕೆ ಕೇಂದ್ರ ರಕ್ಷಣ ಸಚಿವ ರಾಜನಾಥ್​ ಸಿಂಗ್ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸಿದರು. ಎರಡು ದಿನಗಳ ಕಾಲ ಕಣಿವೆ ರಾಜ್ಯದ ಪ್ರವಾಸದಲ್ಲಿರುವ ರಾಜನಾಥ್​ ಸಿಂಗ್ ಎರಡನೇ ದಿನದ ಪ್ರವಾಸದಲ್ಲಿ ಇಲ್ಲಿನ ಅಮರನಾಥಕ್ಕೆ ಭೇಟಿ ಕೊಟ್ಟು ಒಂದು ಗಂಟೆ  ಕಾಲ ಕಳೆದರು. ಅಮರನಾಥ ಕ್ಷೇತ್ರ ಕೋಟ್ಯಂತರ ಹಿಂದೂಗಳ ಆರಾಧ್ಯ ಕ್ಷೇತ್ರ . ವರ್ಷಕೊಮ್ಮೆ ಸಾವಿರಾರು ಭಕ್ತರು ಬೆಟ್ಟಗುಡ್ಡಗಳನ್ನ ಹತ್ತಿ ದೇವರ ದರ್ಶನ ಪಡೆಯುತ್ತಾರೆ. 

ರಾಜನಾಥ್​ ಸಿಂಗ್​ ಜಮ್ಮುಗೆ ಭೇಟಿ ನೀಡಿದ ಬೆನ್ನಲ್ಲೆ ಪಾಕಿಸ್ತಾನ ಗಡಿಯಲ್ಲಿ ಅಪ್ರಚೋದಿತ ಗುಂಡಿನ ದಾಳಿ ಮಾಡಿ ಗಡಿ ನಿಯಮಗಳನ್ನ ಉಲ್ಲಂಘಿಸಿದೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಸಚಿವ ರಾಜನಾಥ್​ ಸಿಂಗ್​, ಪಾಕಿಸ್ತಾನ ಕುತಂತ್ರ ನಡೆಸಿದರೆ ಸರಿಯಾದ ಉತ್ತರ ಕೊಡಿ ಎಂದು ಸೂಚನೆ ನೀಡಿದ್ದಾರೆ. 

ಗಡಿ ನಿಯಂತ್ರಣ ರೇಖೆಯಲ್ಲಿ ಪಾಕಿಸ್ತಾನದ ಜೊತೆ ಜಾಗರೂಕತೆಯಿಂದ ಇರಬೇಕೆಂದು ಸಭೆಯಲ್ಲಿ ರಕ್ಷನ ಸಚಿವರು ಸೇನೆಗೆ ತಿಳಿಸಿದ್ದಾರೆ.