ಪುರಾಣ ಎಂದರೇನು? ಎಷ್ಟು ಪುರಾಣಗಳಿವೆ ? ಯಾರು ರಚಿಸಿದ್ದಾರೆ?

ಹೆಸರೇ ಹೇಳುವಂತೆ ಪುರಾಣಗಳು ಪುರಾಣಗಳೇ ಆಗಿವೆ ಇವುಗಳನ್ನು ಇತಿಹಾಸ ಎಂದು ಕರೆದಿಲ್ಲ. ಪುರಾಣಗಳು ಒಟ್ಟು ಹದಿನೆಂಟು ಇವೆ. ಹಾಗೆಯೇ ಹದಿನೆಂಟು ಉಪ ಪುರಾಣಗಳೂ ಇವೆಎನ್ನಲಾಗಿದೆ. ಒಂದೊಂದು ಪುರಾಣಗಳು ಒಂದೊಂದು ದೇವರನ್ನು ವೈಭವೀಕರಿಸಿ ರಚಿಸಲಾಗಿದೆ ಒಂದಕ್ಕೊಂದು ವಿರೋಧಾಭಾಸ ಇದೆ. ಪುರಾಣಗಳಲ್ಲಿ ಎಲ್ಲಾಗುಣಗಳ ಮಿಶ್ರಣ ಇದೆ.

ಪುರಾಣಗಳಲ್ಲಿನ ಉತ್ತಮ ಅಂಶವನ್ನು ಮಾತ್ರ ನಾವುಗ್ರಹಿಸುವ ಅಗತ್ಯವಿದೆ. ಹಲವು ದೇವರುಗಳಾದಮೇಲೆ ದೇವರಲ್ಲಿ ಹೆಚ್ಚುಕಡಿಮೆ ಉತ್ತಮ ಕನಿಷ್ಠ ಮುಂತಾಗಿ ತಾರತಮ್ಯ ಮಾಡಿಕೊಂಡು ಒಂದೊಂದು ದೇವರನ್ನು ಬೆಂಬಲಿಸಿ ಒಂದೊಂದು ಗುಂಪುಗಳು ಹುಟ್ಟಿಕೊಂಡವು ಹೀಗೆ ವಿಷ್ಣು ಆರಾಧಕರು, ಶಿವನ ಆರಾಧಕರು,ಶಕ್ತಿ ಆರಾಧಕರು , ಗಣಪತಿ ಆರಾಧಕರು, ಷಣ್ಮುಕನ ಆರಾಧಕರು ಮುಂತಾಗಿ ಹಲವು ಗುಂಪುಗಳಾಗಿ ಅವರುಗಳು ತಮ್ಮ ದೇವರೇ ಶ್ರೇಷ್ಠೆಂದು ಬಿಂಬಿಸುವ ಪುರಾಣಗಳನ್ನು ರಚಿಸಿಕೊಂಡರು. ಇವುಗಳೆಲ್ಲವನ್ನೂ ವ್ಯಾಸರೇ ಬರೆದಿದ್ದಾರೆ ಎಂದು ಪ್ರಚಾರ ಮಾಡಿಕೊಂಡಿದ್ದಾರೆ, ಯಾರು ಬರೆದಿದ್ದಾರೆ? ವ್ಯಾಸರಾದರೆ ಯಾವ ವ್ಯಾಸರು? ಮಹಾಭಾರತ ಬರೆದ ವೇದವ್ಯಾಸರೋ ಅಥವಾ ಅಧುನಿಕ ವ್ಯಾಸರೋ ಇವೆಲ್ಲಕ್ಕೂ ಉತ್ತರ ಕೊಡುವುದು ಕಷ್ಠ, ವಿರೋಧಾಭಾಸದ ಕೃತಿಯನ್ನು ಮಹಾಭಾರತ ಬರೆದ ವೇದವ್ಯಾಸರು ಬರೆದಿಲ್ಲ ಎಂದು ನಾವು ನಂಬಬಹುದು. (ಆದರೆ ಕೆಲವು ಸಂಪ್ರದಾಯವಾದಿಗಳು ವಿಮರ್ಷೆಯನ್ನು ಒಪ್ಪುವುದಿಲ್ಲ.) ಈ ಪುರಾಣಗಳ ರಚನೆ ನಂತರದ ಕಾಲಘಟ್ಟದಲ್ಲಿ ದೇವರಬೆಂಬಲಿಗರು ತಮ್ಮ ತಮ್ಮ ಇಷ್ಠದೈವದ ಕುರಿತಾಗಿ ರಚಿಸಿಕೊಂಡ ಕೃತಿಗಳೇ ಪುರಾಣಗಳೆನ್ನುವುದು ನಿಜವಾಗಿದೆ ಎನ್ನಬಹುದು. ಅನೇಕ ತೀರ್ಥ ಕ್ಷೇತ್ರಗಳಲ್ಲಿ ಸ್ಥಳಪುರಾಣ ರಚಿತವಾಗಿದೆ. ಪುರಾಣಗಳು ಪುರಾಣಿಕರಿಂದ ಪ್ರಚಾರಪಡೆಯಿತು.

ವೇದಗಳ ಕಾಲದಲ್ಲಿ ಪ್ರಕೃತಿಯ ರೂಪವಾದ ಅಥವಾ ಅದರ ಪ್ರತಿನಿಧಿಗಳಾದ ಇಂದ್ರ, ಅಗ್ನಿ, ವಾಯು, ವರುಣ, ಯಮ, ಮುಂತಾಗಿ ದೇವತೆಗಳಿದ್ದರು. ವೇದಾರ್ಥದಲ್ಲಿ ಈ ಎಲ್ಲಾಹೆಸರುಗಳೂ ಒಬ್ಬನೇ ಭಗವಂತನದ್ದಾಗಿದೆ. ಆದರೆ ಪುರಾಣಗಳಲ್ಲಿ ಇವುಗಳಿಗೆಲ್ಲಾ ವಿವಿಧ ರೂಪ ಪಾತ್ರ ಕೊಡಲಾಗಿದೆ. ನಂತರದಲ್ಲಿ ಶ್ರೀ ರಾಮ, ಶ್ರೀ ಕೃಷ್ಣ ಇವರುಗಳು ತಮ್ಮ ಮಾದರೀ ಆದರ್ಷ ಬದುಕಿನಿಂದಾಗಿ ದೈವತ್ವಕ್ಕೆ ಏರಿ ಅವತಾರಪುರುಷರೆನಿಸಿಕೊಂಡರು. ಪುರಾಣಗಳಿಂದಾಗಿ ಹಲವು ದೇವದೇವತೆಗಳು ಬೆಳಕಿಗೆ ಬಂದರು. ಇವುಗಳಲ್ಲಿ ವಿಷ್ಣು . ವಿಷ್ಣುವಿನ ಹೆಸರಿನಲ್ಲಿ ದಶಾವತಾರ, ನಂತರ ದೇವಿ ಅಕೆಯಹೆಸರಿನಲ್ಲಿ ಹಲವು ಅವತಾರರೂಪಗಳು ನವದುರ್ಗೆಯರು, ಶಿವ ಆತನ ಮಕ್ಕಳಾದ ಷಣ್ಮುಖ ಗಣಪತಿ ಮುಂತಾದವರು ದೇವರೆಂದು ಪೂಜೆಗೊಂಡರು ನಂತರದಲ್ಲಿ ದೇವರ ವಾಹನ ರೂಪಗಳಾದ ನಂದಿ ಶಿವನ ಆಭರಣವಾದ ನಾಗ, ರಾಮಭಕ್ತ ಹನುಮ ಎಲ್ಲರೂ ಪೂಜಿಸಲ್ಪಡತೊಡಗಿದರು. ಮುಂದುವರಿದು ಶೀವಗಳಣಗಳು, ಶನಿದೇವರು, ಮಾರಮ್ಮ, ಚೌಡಮ್ಮರೂ ಅಣ್ಣಮ್ಮ ಮುಂತಾಗಿ ದೇವರಾದರು, ಹಾಗೆಯೇ ನಂತರದಲ್ಲಿ ಚೌಡಿ ಭೂತಗಳಿಗೂ ಪೂಜೆಶುರುವಾಯಿತು ಹೀಗೆ ಸಂಸ್ಕೃತಿಯ ಉದಯ ಹಾಗೂ ವಿಕಸನವಾಯಿತು.
ಸನಾತನ ಸಂಸ್ಕ್ರತಿಯಲ್ಲಿ ಪ್ರತಿಯೊಂದು ಆಧ್ಯಾತ್ಮಿಕ ವಿಚಾರ ಅಮೂಲ್ಯವಾದದ್ದು ಸ್ನೇಹಿತರೇ….ನಮ್ಮ ಸನಾತನ ಸಂಸ್ಕೃತಿ ಮರೆಯಬೇಡಿ.