Puneeth Dhruva SriMurali : ತೆಲುಗು-ತಮಿಳು ಚಿತ್ರರಂಗದಲ್ಲಿ ಕನ್ನಡ ನಟ ದರ್ಬಾರ್ ಶುರು

ರೈಸಿಂಗ್ಕ ಕನ್ನಡ :- ಕನ್ನಡ ನಟರ ಸಿನಿಮಾಗಳು ಕೇವಲ ಕರ್ನಾಟಕದಲ್ಲೇ ಅಲ್ಲದೆ, ಈಗ ಹೊರ ರಾಜ್ಯಗಳಲ್ಲೂ ಸಡ್ಡು ಮಾಡ್ತಿವೆ. ಬೇರೆ ಭಾಷೆಗಳ ಸಿನಿಮಾಗಳು ಮೊದಲು ಕರ್ನಾಟಕದಲ್ಲಿ ಅಬ್ಬರ ಮಾಡ್ತಿದ್ವು. ಇದೇನಪ್ಪ ಇದು ಹೊರ ರಾಜ್ಯಗಳ ಸಿನಿಮಾಗಳು, ನಮ್ಮ ಸಿನಿಮಾಗಳನ್ನ ನುಂಗಿ ಹಾಕ್ತಿವೆ ಅನ್ನೋ ಆರೋಪ, ಮಾತು ಕೇಳಿ ಬರ್ತಿದ್ವು. ಇದೀಗ ಟೈಮ್ ಬದಲಾಗಿದೆ.

ಯೆಸ್, ಕನ್ನಡ ಸೂಪರ್ಸ್ಟಾರ್ ನಟ ಸಿನಿಮಾಗಳು ಈಗ ತೆಲುಗು ಹಾಗೂ ತಮಿಳು ಭಾಷೆಗೆ ಡಬ್ ಆಗ್ತಿವೆ. ಅದ್ರಲ್ಲೂ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅಭಿನಯದ ಯುವರತ್ನ ಬಿಡುಗಡೆಗೆ ರೆಡಿಯಾಗಿದೆ. ಈಗಾಗಲೇ ತೆಲುಗಿನಲ್ಲಿ ಹಾಡುಗಳ ಬಿಡುಗಡೆ ಕೂಡ ಆಗಿದ್ದು, ಅಪ್ಪು ಡ್ಯಾನ್ಸ್ಗೆ ಫುಲ್ ಫಿದಾ ಆಗಿದ್ದಾರೆ. ಅಪ್ಪು ಅಭಿನಯದ ಯುವರತ್ನ ಕನ್ನಡ ಸೇರಿದಂತೆ ತೆಲುಗಿನಲ್ಲೂ ಏಕಕಾಲದಲ್ಲಿ ಬಿಡುಗಡೆ ಆಗ್ತಿದ್ದು, ಡೇಟ್ ಕೂಡ ಅನೌನ್ಸ್ ಆಗಿದೆ.

ಇನ್ನು, ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಪೊಗರು ಕೂಡ ಕನ್ನಡದ ಜೊತೆ ತೆಲುಗು ಹಾಗೂ ತಮಿಳಿನಲ್ಲಿ ಅಬ್ಬರಿಸೋಕೆ ರೆಡಿಯಾಗಿದೆ. ಈಗಾಗ್ಲೇ ಪೊಗರು ಸಿನಿಮಾದ ಶೂಟಿಂಗ್ ಕಂಪ್ಲೀಟ್ ಆಗಿದ್ದು, ಬಿಡುಗಡೆ ದಿನಾಂಕ ಫೈನಲ್ ಆಗ್ಬೇಕಿದೆ. ಪೊಗರು ಸಿನಿಮಾದ ಡೈಲಾಗ್ ಟ್ರೈಲರ್ ತಮಿಳು ಹಾಗೂ ತೆಲುಗಿನಲ್ಲಿ ಟ್ರೆಂಡಿಂಗ್ ಆಗಿದೆ. ಜೊತೆಗೆ ಖಾರಬು ಹಾಡು ಕೂಡ ಸಖತ್ ಕ್ರೇಜ್ ಕ್ರಿಯೇಟ್ ಮಾಡಿದೆ..

ಇಷ್ಟೇ ಅಲ್ದೆ, ಉಗ್ರಂ ಸ್ಟಾರ್ ಶ್ರೀ ಮುರಳಿ ಅಭಿನಯದ ಮದಗಜ ಕೂಡ ತೆಲುಗು ಮತ್ತು ತಮಿಳು ಇಂಡಸ್ಟ್ರಿಯಲ್ಲಿ ಹವಾ ಎಬ್ಬಿಸೋಕೆ ರೆಡಿಯಾಗಿದೆ. ವಿಶೇಷ ಅಂದ್ರೆ, ಮದಗಜ ತೆಲುಗು ಹಾಗೂ ತಮಿಳು ಟೀಸರ ಹೊಸ ವರ್ಷಕ್ಕೆ ರಿಲೀಸ್ ಆಗಿ, ಸಖತ್ ಪಾಸಿಟಿವ್ ರೆಸ್ಪಾನ್ಸ್ ಸಿಕ್ಕಿದೆ. ಜೊತೆಗೆ ತೆಲುಗು ಟೀಸರ್ಗೆ ಶ್ರೀಮುರಳಿಯೇ ವಾಯ್ಸ್ ಡಬ್ ಮಾಡಿದ್ದು, ಸಖತ್ ಥ್ರಿಲ್ ಕೊಡ್ತಿದೆ.

ಇದರ ಜೊತೆ ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್ 2 ಹಾಗೂ ಡಿಬಾಸ್ ದರ್ಶನ್ ಅಭಿನಯದ ರಾಬರ್ಟ್ ಸಿನಿಮಾ ಕೂಡ ತೆಲುಗು, ತಮಿಳಿನಲ್ಲಿ ಹವಾ ಎಬ್ಬಿಸೋಕೆ ರೆಡಿಯಾಗಿದೆ..