Featured
ಕರಿಬೇವು, ಪುದಿನಾ ಕಡ್ಡಿಯಲ್ಲಿದೆ ಕರೋನಾ ಗೆಲ್ಲುವ ಶಕ್ತಿ- ಆಯುರ್ವೇದದಲ್ಲಿದೆ ರೋಗ ಗೆಲ್ಲುವ ಶಕ್ತಿ..!
ಪುರಾಣಿಕ್ ಆಯುರ್ವೇದ ಚಿಕಿತ್ಸಾ ಕೇಂದ್ರ ಮತ್ತು ಅನುವಂಶೀಯ ವೈದ್ಯ ಪರಿಷತ್ ರೈಸಿಂಗ್ ಕನ್ನಡ ಮೂಲಕ ಮನೆಮದ್ದುಗಳನ್ನು ಪರಿಚಯಿಸುತ್ತಿದೆ. ಮನೆಯಲ್ಲೇ ದಿನನಿತ್ಯ ಬಳಸುವ ವಸ್ತುಗಳಿಂದಲೇ ವಿಟಮಿನ್ಗಳನ್ನು ಪಡೆಯುವ ಬಗ್ಗೆ ಮಾಹಿತಿ ನೀಡುತ್ತಿದೆ. ಮಹಾಮಾರಿ ಕರೋನಾ ವಿರುದ್ಧ ಜನ ಗಟ್ಟಿಯಾಗಿ ನಿಲ್ಲಬೇಕು ಅಂದ್ರೆ ವಿಟಮಿನ್ಗಳು ಮತ್ತು ರೋಗ ನಿರೋಧಕ ಶಕ್ತಿಗಳು ಹೆಚ್ಚು ಇರಲೇಬೇಕು. ಇದಕ್ಕಾಗಿ ಆಯುರ್ವೇದದಲ್ಲಿ ಮನೆಯಲ್ಲೇ ತಯಾರಿಸಬಹುದಾದ ಕಷಾಯಗಳ ಬಗ್ಗೆ ಮಾಹಿತಿ ಇಲ್ಲಿದೆ.
ಬೇಕಾಗುವ ಸಾಮಾಗ್ರಿಗಳು
- ಕರಿಬೇವು 4 ಕಡ್ಡಿಗಳು
- ಪುದೀನ 4 ಕಡ್ಡಿಗಳು
- ಜೀರಿಗೆ 1 ಸ್ಪೂನ್
- ಹಸಿಶುಂಠಿ- 25 ಗ್ರಾಂ
- ಕಲ್ಲು ಸಕ್ಕರೆ
- 2 ಗ್ಲಾಸ್ ನೀರು
- ಕಷಾಯ ಮಾಡುವುದು ಹೇಗೆ..?
ಮೊದಲು ಕರಿಬೇವು ಮತ್ತು ಪುದಿನಾದಿಂದ ಎಲೆಗಳನ್ನು ಬೇರ್ಪಡಿಸಿ, ಕೇವಲ ಕಡ್ಡಿಗಳನ್ನು ಮಾತ್ರ ಇಟ್ಟುಕೊಳ್ಳಬೇಕು. ಈ ಕಡ್ಡಿಗಳನ್ನು ಕೈಯಿಂದ ಸಣ್ಣ ಸಣ್ಣ ತುಂಡುಗಳನ್ನಾಗಿ ಮಾಡಬೇಕು. ಅದಕ್ಕೆ 1 ಸ್ಪೂನ್ ಜೀರಿಗೆ ಜೊತೆಗೆ 25 ಗ್ರಾಂನಷ್ಟು ಹಸಿಶುಂಠಿಯನ್ನು ಚಿಕ್ಕ ಚಿಕ್ ಪೀಸ್ ಮಾಡಿ 2 ಗ್ಲಾಸ್ ನೀರಿಗೆ ಹಾಕಬೇಕು. ರುಚಿಗೆ ಬೇಕಾದಷ್ಟು ಕಲ್ಲುಸಕ್ಕರೆಯನ್ನು ಸೇರಿಸಿಕೊಂಡು ಕುದಿಸಬೇಕು. ನೀರು ಒಂದು ಗ್ಲಾಸ್ ಅಥವಾ ಒಂದೂವರೆ ಗ್ಲಾಸ್ ಆಗುವ ತನಕ ಕುದಿಸಿ ಕಷಾಯ ಮಾಡಿಕೊಳ್ಳಬೇಕು.
ಏನು ಉಪಯೋಗ..?
ಬಿಸಿ ಕಷಾಯ ದೇಹಕ್ಕೆ ಸಾಕಷ್ಟು ವಿಟಮಿನ್ಗಳನ್ನು ನೀಡುತ್ತದೆ. ಅಷ್ಟೇ ಅಲ್ಲ ದೇಹದ ಉಷ್ಣತೆ ಕಡಿಮೆ ಮಾಡುತ್ತದೆ. ಪುದಿನಾ ವಿಟಮಿನ್ Cಯನ್ನು ಒದಗಿಸಿಕೊಟ್ಟರೆ, ಕರಿಬೇವು ವಿಟಮಿನ್ Kಯನ್ನು ತಂದುಕೊಡುತ್ತದೆ. ಜೀರಿಗೆ ವಾಯು ಮತ್ತು ವಾತಕ್ಕೆ ರಾಮಬಾಣವಾದರೆ, ಶುಂಠಿ ಗ್ಯಾಸ್ಟ್ರಿಕ್ಗೆ ಮನೆ ಮದ್ದು.
