ಕೋವಿಡ್​ 19 ಪಾಸಿಟಿವ್​- ಪೊಲೀಸ್​ ಸ್ಟೇಷನ್​ ಸೀಲ್​ಡೌನ್​ಗೆ ಚಿಂತನೆ

ರೈಸಿಂಗ್​ ಕನ್ನಡ:

ಬೆಂಗಳೂರು ಗ್ರಾಮಾಂತರ:

ಕರ್ನಾಟಕದಲ್ಲಿ ಕೊರೊನಾ ಅಬ್ಬರ ಹೆಚ್ಚಾಗುತ್ತಿದೆ. ಬೆಂಗಳೂರಿನಲ್ಲಿ ದಿನದಿಂದ ದಿನಕ್ಕೆ ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತಿದ್ದರೆ, ರಾಜಧಾನಿಯ ಸುತ್ತಮುತ್ತಲ ಜಿಲ್ಲೆಗಳಲ್ಲೂ ಪಾಸಿಟಿವ್​ ಪ್ರಕರಣಗಳು ಒಂದರ ಹಿಂದೆ ಮತ್ತೊಂದು ಅನ್ನುವಂತೆ ಬೆಳಕಿಗೆ ಬರುತ್ತಿದೆ. ಕೊರೊನಾ ಮಹಾಮಾರಿ ಎಲ್ಲಾ ಕಡೆಗೂ ಹಬ್ಬಿದ್ದು, ಚಿಕ್ಕಬಳ್ಳಾಪುರ ಜಿಲ್ಲೆಯ ಶಿಡ್ಲಘಟ್ಟ ಗ್ರಾಮಾಂತರ ಪೊಲೀಸ್ ಠಾಣೆಗೂ ಕೊರೊನಾ ವಕ್ಕರಿಸಿಕೊಂಡಿದೆ.

ಇಷ್ಟು ದಿನ ಬೆಂಗಳೂರು ನಗರದ ಠಾಣೆಗಳು ಮಾತ್ರ ಪಾಸಿಟಿವ್​ ಕೇಸ್​ಗಳಿಂದ ಸೀಲ್​ ಡೌನ್​ ಆಗಿದ್ದವು. ಈಗ ಬೆಂಗಳೂರು ಬಿಟ್ಟು ಚಿಕ್ಕಬಳ್ಳಾಪುರದ ಶಿಡ್ಲಘಟ್ಟದ ಗ್ರಾಮಾಂತರ ಠಾಣೆಗೂ ವಕ್ಕರಿಸಿಕೊಂಡಿದೆ. ಶಿಡ್ಲಘಟ್ಟ ಗ್ರಾಮಾಂತರ ಠಾಣೆಯ ಪಿಎಸ್ಐ ಗೆ ಕೋವಿಡ್​ 19 ಪಾಸಿಟಿವ್ ಬಂದ ಹಿನ್ನೆಯಲ್ಲಿ ಇಡೀ ಠಾಣೆಯನ್ನು ಸ್ಯಾನಿಟೈಸ್ ಮಾಡಲಾಗಿದೆ. ಸೋಂಕಿತನ 26 ಪ್ರೈಮರಿ ಕಾಂಟ್ಯಾಕ್ಟ್ ಮತ್ತು 86 ಸೆಕಂಡರಿ ಕಾಂಟ್ಯಾಕ್ಟ್ ಗಳ ಪರೀಶೀಲನೆಗೆ ಅರೋಗ್ಯ ಇಲಾಖೆ ಮುಂದಾಗಿದೆ.