Featured
ನರಿಬುದ್ಧಿ ಚೀನಾಕ್ಕೆ ಭಾರತೀಯರ ಶಾಕ್..! ವರ್ಷದೊಳಗೆ ಚೀನಾ ಖಾಲಿ ಖಾಲಿ- ಭಾರತೀಯರ ನಿರ್ಧಾರಕ್ಕೆ ದಂಗಾದ ಡ್ರ್ಯಾಗನ್ ನೇಷನ್..!
ರೈಸಿಂಗ್ ಕನ್ನಡ :
ಬೆಂಗಳೂರು:
ಲಡಾಕ್ನ ಗಲ್ವಾನ್ ಪ್ರದೇಶದಲ್ಲಿ ಕಾಲು ಕೆರೆದುಕೊಂಡು ಜಗಳಕ್ಕೆ ನಿಂತಿರುವ ಚೀನಾಕ್ಕೆ ಬುದ್ಧಿ ಕಲಿಸಬೇಕೆಂದು ಭಾರತೀಯರು ನಿರ್ಧರಿಸಿದ್ದಾರೆ. ಫೈಟಿಂಗ್ ಮಾಸ್ಟರ್ಗಳಂತೆ ಭಾರತೀಯ ಯೋಧರ ಜೊತೆ ಕುಸ್ತಿ ಮಾಡಿದ್ದ ಚೀನಾ, ಬೆನ್ನು ತಿರುಗಿಸಿದ ತಕ್ಷಣ ಫೈರಿಂಗ್ ಮಾಡಿ 20 ಯೋಧರ ಪ್ರಾಣ ತಿಂದಿತ್ತು. ಈಗ ಚೀನಾಕ್ಕೆ ತಿರುಗೇಟು ನೀಡಲು ಭಾರತೀಯರು ಸಜ್ಜಾಗಿದ್ದಾರೆ. ಮುಂದಿನ ವರ್ಷದೊಳಗೆ ಚೀನಾದ ಎಲ್ಲಾ ವಸ್ತುಗಳನ್ನು ಖರೀದಿ ಮಾಡಲ್ಲ ಅಂತ 87% ಪ್ರತಿಶತ ಭಾರತೀಯರು ಪ್ರತಿಜ್ಞೆ ಮಾಡಿದ್ದಾರೆ.
ಗಲ್ವಾನ್ನಲ್ಲಿ ಚೀನಾ ತೋರಿಸಿದ ನಡಿ ಬುದ್ಧಿಯಿಂದ ಸಿಟ್ಟಿಗೆದ್ದಿರುವ ಭಾರತೀಯರು ಮೇಡ್ ಇನ್ ಚೀನಾ ವಸ್ತುಗಳನ್ನು ಬಾಯ್ಕಾಟ್ ಮಾಡಲು ತಯರಾಗಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಕರೆಕೊಟ್ಟಿರುವ ಆತ್ಮನಿರ್ಭರ ಭಾರತ ಮಿಷನ್ ಭಾಗವಾದ ಮೇಡ್ ಇನ್ ಇಂಡಿಯಾ ವಸ್ತುಗಳ ಖರೀದಿಗೆ ಭಾರೀ ಮನಸ್ಸು ಮಾಡಿದ್ದಾರೆ.
ಸ್ಥಳೀಯ ಸಂಸ್ಥೆಯೊಂದು ನಡೆಸಿದ ಸರ್ವೇಯೊಂದರಲ್ಲಿ ಮೇಡ್ ಇನ್ ಚೀನಾ ವಸ್ತುಗಳ ಬಹಿಷ್ಕಾರಕ್ಕೆ ಭಾರತೀಯರು ಮುಂದಾಗಿರುವುದು ಸ್ಪಷ್ಟವಾಗಿದೆ. ಭಾರತದ 235 ಜಿಲ್ಲೆಗಳಲ್ಲಿ 32000 ಜನರಿಂದ ಸಂಗ್ರಹವಾದ ಅಭಿಪ್ರಯಾದಲ್ಲಿ ಸುಮಾರು 87% ಪ್ರತಿಶತ ಜನರು ಮೇಡ್ ಇನ್ ಚೀನಾ ವಸ್ತುಗಳಿಗೆ ಬಹಿಷ್ಕಾರ ಹಾಕಲು ತೀರ್ಮಾನಿಸಿದ್ದಾರೆ. ಒಂದು ವೇಳೆ ಇದು ನಿಜವಾದ್ರೆ ಭಾರತದಲ್ಲಿ ಅತೀ ದೊಡ್ಡ ಮಾರುಕಟ್ಟೆಯನ್ನು ಹೊಂದಿರುವ ಚೀನಾ ಆರ್ಥಿಕವಾಗಿ ಹಿನ್ನಡೆ ಅನುಭವಿಸುತ್ತದೆ ಎಂದು ಅಂದಾಜಿಸಲಾಗಿದೆ.
