ಸೋಮಶೇಖರ್​ ಡೆಸ್ಪರೇಟ್​ ಆಗಿದ್ದಾರೆ ಪಾಪ..! : ದಿನೇಶ್​ ಗುಂಡೂರಾವ್ ಕೂಲ್​ ರಿಯಾಕ್ಷನ್​

ಬೆಂಗಳೂರು : ಕೆಪಿಸಿಸಿ ಅಧ್ಯಕ್ಷ ದಿನೇಶ್​ ಗುಂಡೂರಾವ್ ವಿರುದ್ಧ ಸೋಮಶೇಖರ್​ ಏಕವಚನದಲ್ಲಿ ವಾಗ್ದಾಳಿ ನಡೆಸಿದ್ರೆ, ದಿನೇಶ್ ಗುಂಡೂರಾವ್ ಕೂಲ್​ ಆಗಿಯೇ ರಿಯಾಕ್ಟ್​ ಮಾಡಿದ್ದಾರೆ. ಸೋಮಶೇಖರ್​ಗೆ ಕಾಂಗ್ರೆಸ್​​​​ನಲ್ಲಿದ್ದೇನಾ..? ಬಿಜೆಪಿಯಲ್ಲಿ ಇದ್ದೀನಾ ಅನ್ನೋದೇ ಗೊತ್ತಿಲ್ಲ. ನಾನು ಎಲ್ಲಿದ್ದೇನೆ ಅನ್ನೋದನ್ನೆ ಮರೆತು, ಈ ರೀತಿ ಬಾಯಿಗೆ ಬಂದಂತೆ ವಿಚಲಿತರಾಗಿ ಮಾತ್ನಾಡ್ತಿದ್ದಾರೆ ಎಂದು ವ್ಯಂಗ್ಯವಾಡಿದ್ರು.

ಬೆಂಗಳೂರಿನಲ್ಲಿ ಮಾತ್ನಾಡಿದ ದಿನೇಶ್ ಗುಂಡೂರಾವ್, ಮನುಷ್ಯನ ಸಹಜ ಸ್ವಭಾವ ಅದು. ನೋವಲ್ಲಿ ಇದ್ದಾಗ ಹೇಗೇಗೋ ಮಾತಾಡ್ತಾರೆ. ಸೋಮಶೇಖರ್ ಬಗ್ಗೆ ಯಾರೂ ಮಾತನಾಡಬಾರದು ಎಎಂದು ಸುಪ್ರೀಂಕೋರ್ಟ್​​ನಲ್ಲಿ ಮಾತಾಡಲಿ ಎಂದ್ರು. ಅಲ್ಲದೆ, ಸೋಮಶೇಖರ್​, ಹೊಸ ಸಂಬಂಧದ ಜೊತೆ ಚೆನ್ನಾಗಿ ಇದ್ರೆ ಸಾಕು ಎಂದ್ರು.

ಅನರ್ಹ ಶಾಸಕ ಸೋಮಶೇಖರ್​, ಸಾಕಷ್ಟು ಆಸೆ. ಕನಸು ಇಟ್ಕೊಂಡು ಹೋಗಿದ್ದಾರೆ. ನನಗೆ ನೂರಕ್ಕೆ ನೂರು ವಿಶ್ವಾಸ ಇದೆ ಅವರು, ಉಪ ಚುನಾವಣೆಯಲ್ಲಿ ಭಾಗಿಯಾಗಲ್ಲ. ಪಾಪ, ಡೆಸ್ಪರೇಟ್​​ ಆಗಿ ಹೀಗೆಲ್ಲಾ ಮಾತ್ನಾಡ್ತಿದ್ದಾರೆ ಎಂದ್ರು. ಇನ್ನು, ನಾನು ಯಾರ ಪರವೂ ಅಲ್ಲ. ಸಿದ್ದರಾಮಯ್ಯ, ಪರಮೇಶ್ವರ್ ಪರವೂ ಇಲ್ಲ. ಸಿದ್ದರಾಮಯ್ಯ ವಿರುದ್ಧ ನಾನು ಎಷ್ಟೋ ಬಾರಿ ವಾದ ಮಾಡಿದ್ದೀನಿ. ನಾನು ಯಾರಿಗೂ ಬಕೆಟ್ ಹಿಡಿದಿಲ್ಲ, ಯಾರ ಚೇಲಾನೂ ಅಲ್ಲ. ನಾನು ಪಕ್ಷದ ಪರ ಇದ್ದೇನೆ ಎಂದು ಸೋಮಶೇಖರ್​ಗೆ ತಿರುಗೇಟು ನೀಡಿದ್ರು ದಿನೇಶ್ ಗುಂಡೂರಾವ್.