ಸುರಪುರ ಪೊಲೀಸ್ ಠಾಣೆ ಸೀಲ್ ಡೌನ್ – ಸಿಬ್ಬಂದಿಗಳಿಗೆ ಕೊರೊನಾ ಭೀತಿ

ರೈಸಿಂಗ್​ ಕನ್ನಡ :

ದುರ್ಗೇಶ್​​ ಮಂಗಿಹಾಳ, ಯಾದಗಿರಿ:

ಯಾದಗಿರಿಯ ಸುರಪುರ ಠಾಣೆಯ ಪೊಲೀಸ್ ಪೇದೆಗೆ ಕೊರೊನಾ ಪಾಸಿಟಿವ್​​ ಹಿನ್ನಲೆ ಸುರಪುರ ಪೊಲೀಸ್ ಠಾಣೆ ಸೀಲ್ ಡೌನ್ ಮಾಡಲಾಗಿದೆ. ಠಾಣೆ ಸಿಬ್ಬಂದಿಗೆ ಕೊರೊನಾ ಬಂದ ಹಿನ್ನಲೆ ಅಧಿಕಾರಿ ಹಾಗೂ ಸಿಬ್ಬಂದಿಗಳಿಗೆ ತಲೆ ನೋವಾಗಿದೆ.

ಸೋಂಕಿತ ಪೇದೆ ಹಲವು ಕಡೆ ಕರ್ತವ್ಯ ನಿರ್ವಹಿಸಿದ್ದಾರೆ. ಬೋನಾಳ ಹಾಗೂ ವಿವಿಧೆಡೆ ಕರ್ತವ್ಯ ನಿರ್ವಹಿಸಿದ್ದು, ಪೊಲೀಸರ ಜೊತೆಗೆ ಪ್ರಾಥಮಿಕ ಸಂಪರ್ಕ ಹೊಂದಿದ್ದ ಜನರು ಆತಂಕ ಪಡುತ್ತಿದ್ದಾರೆ. ಕೊರೊನಾ ಸೋಂಕಿಗೆ ಸುರಪುರ ಪೊಲೀಸ್ ಠಾಣೆ ಈಗ ಸೀಲ್ ಡೌನ್ ಮಾಡಲಾಗಿದ್ದು.

ತಾಲೂಕಿನ ಜನರು ಸಹಕರಿಸುವಂತೆ ಪೊಲೀಸ್ ಠಾಣೆ ಗೇಟಿಗೆ ನೋಟಿಸ್ ಬೋರ್ಡ್ ಹಾಕಲಾಗಿದೆ. ತುರ್ತು ಪರಿಸ್ಥಿತಿಯಲ್ಲಿ ಮಾತ್ರ ಕೆಲಸ ಮಾಡಲು ಸಾರ್ವಜನಿಕ ಸಂಪರ್ಕ ನಂಬರ್ ನೀಡಿ ಸಹಕರಿಸುವಂತೆ  ಪೊಲೀಸ್ ಇಲಾಖೆ ಮಾಹಿತಿ ನೀಡಿದೆ. ಸೋಂಕಿತ ಪೇದೆ ಜೊತೆಗೆ 30ಕ್ಕೂ ಮಂದಿ ಜೊತೆ ಪ್ರಾಥಮಿಕ ಸಂಪರ್ಕ ಹೊಂದಿದ್ದು ಜನರು ಆತಂಕಗೊಂಡಿದ್ದಾರೆ.