ಪ್ರಧಾನಿ ಮೋದಿಗೆ ಭದ್ರತಾ ಲೋಪ : ಸುಪ್ರೀಂಕೋರ್ಟ್​​ನಿಂದ ವಿಶೇಷ ಸಮಿತಿ ರಚನೆ

ರೈಸಿಂಗ್ ಕನ್ನಡ :

ನವದೆಹಲಿ–  ಪ್ರಧಾನಿ ನರೇಂದ್ರ ಮೋದಿ ಪಂಜಾಬ್​​​ ಭೇಟಿ ವೇಳೆ ಭದ್ರತಾ ಲೋಪ ಆದ ಪ್ರಕರಣದ ತನಿಖೆಗೆ ಸುಪ್ರೀಂಕೋರ್ಟ್​ ವಿಶೇಷ ಸಮಿತಿ ರಚನೆ ಮಾಡಿದೆ. ಸುಪ್ರೀಂಕೋರ್ಟ್​ನ ನಿವೃತ್ತ ನ್ಯಾಯಮೂರ್ತಿ ನೇತೃತ್ವದಲ್ಲಿ ತನಿಖೆ ನಡೆಯಲಿದೆ. ಕೇಂದ್ರ ಸರ್ಕಾರ ಮತ್ತು ಪಂಜಾಬ್ ಸರ್ಕಾರ ನಡೆಸುತ್ತಿದ್ದ ತನಿಖೆಯನ್ನು ಸ್ಥಗಿತ ಮಾಡ್ಬೇಕು. ಉನ್ನತ ಮಟ್ಟದ ತನಿಖಾ ಸಮಿತಿಗೆ ಎರಡೂ ಕಡೆಯವರು ಸಹಕಾರ ನೀಡ್ಬೇಕು ಎಂದು ಸುಪ್ರೀಂಕೋರ್ಟ್ ಮುಖ್ಯ ನ್ಯಾಯಮೂರ್ತಿಗಳು ಆದೇಶದಲ್ಲಿ ತಿಳಿಸಿದ್ದಾರೆ.

ಪಂಜಾಬ್​​ನ ಬಠಿಂಡಾ ಬಳಿಯ ಫಿರೋಜ್​ಪುರ್​​​ ಫ್ಲೈ ಓವರ್​ ಮೇಲೆ ಪ್ರಧಾನಿ  ಮೋದಿ ಅವರ ಕಾರು ಸೇರಿದಂತೆ ಇಡೀ ಕಾನ್ವಾಯ್​ಅನ್ನ ಜನವರಿ 5ರಂದು ಸುಮಾರು 20 ನಿಮಿಷ ನಿಂತಲ್ಲೇ ನಿಂತಿತ್ತು. ಕಾರ್ಯಕ್ರಮದಲ್ಲಿ ಭಾಗಿಯಾಗಲು ಬಂದಿದ್ದ ಪ್ರಧಾನಿ ವಾಪಸ್ ತೆರಳಿದ್ದರು. ಹೀಗಾಗಿ ಪ್ರಧಾನಿ ಭದ್ರತೆಯಲ್ಲಿ ಭಾರೀ ಲೋಪವಾಗಿದೆ ಎನ್ನೋ ಆರೋಪ ಕೇಳಿ ಬಂದಿತ್ತು. ವಕೀಲರೊಬ್ಬರು ಈ ಸಂಬಂಧ ಸುಪ್ರೀಂಕೋರ್ಟ್ ಮೊರೆ ಹೋಗಿದ್ದರು.