Featured
ಚಳಿಗಾಲದಲ್ಲೂ ಗಡಿ ಕಾಯುತ್ತೇವೆ… ಸಂಸದೀಯ ಸಮಿತಿಗೆ ಸೇನೆಯಿಂದ ಸ್ಪಷ್ಟನೆ..!
ರೈಸಿಂಗ್ ಕನ್ನಡ ನ್ಯೂಸ್ ಡೆಸ್ಕ್:
ಚೀನಾ ಮತ್ತು ಭಾರತ ಗಡಿ ನಡುವೆ ಸಾಕಷ್ಟು ಬೆಳವಣಿಗೆಗಳು ನಡೆಯುತ್ತಿವೆ. ಲಡಾಖ್ ಭಾಗದಲ್ಲಿ ಚೀನಾ ಗಡಿ ಕ್ಯಾತೆ ತೆಗೆದಿದೆ. ಹೀಗಾಗಿ ಭಾರತೀಯ ಸೇನೆ, ಗಡಿ ಸುರಕ್ಷತೆಗಾಗಿ ನಾವು ಸಂಪೂರ್ಣ ಸಜ್ಜಾಗಿದ್ದೇವೆ ಎಂದು ಸಂಸದೀಯ ಸಮಿತಿಗೆ ಮಾಹಿತಿ ನೀಡಿದೆ.
ಈ ಬಾರಿಯ ಚಳಿಗಾಲದಲ್ಲಿ ಲಡಾಖ್ ಗಡಿಯಿಂದ ಸೇನೆಯನ್ನು ಹಿಂಪಡೆಯುವುದಿಲ್ಲ ಎಂದು ಸೇನೆ ಸ್ಪಷ್ಟಪಡಿಸಿದೆ. ಭಾರತದ ರಕ್ಷಣಾ ಸಿಬ್ಬಂದಿ ಮುಖ್ಯಸ್ಥ(ಸಿಡಿಎಸ್) ಬಿಪಿನ್ ರಾವತ್ ನೇತೃತ್ವದಲ್ಲಿ ಲಡಾಖ್ ಗಡಿಯಲ್ಲಿನ ಸಿದ್ಧತೆ ಕುರಿತು ಸಂಸದೀಯ ಸಮಿತಿಗೆ ಸಂಪೂರ್ಣ ಮಾಹಿತಿ ನೀಡಲಾಗಿದೆ.
ಲಡಾಖ್ ಗಡಿಭಾಗದಲ್ಲಿ ಚಳಿಗಾಲದಲ್ಲಿ ಗಡಿ ಕಾಯುವುದು ಸುಲಭದ ಮಾತಲ್ಲ. ಇದಕ್ಕಾಗಿ ಸೇನೆ ಈಗಾಗಲೇ ಸೈನಿಕರಿಗೆ ಅಗತ್ಯ ಸಲಕರಣೆಗಳನ್ನು ಪೂರೈಸುವ ಪ್ರಕ್ರಿಯೆಗೆ ಚಾಲನೆ ನೀಡಿದೆ. ಇನ್ನು ಗಡಿಭಾಗದಲ್ಲಿ ಚೀನಿ ಸೈನಿಕರು ಕೂಡ ಬೀಡು ಬಿಟ್ಟಿದ್ದು, ಇದಕ್ಕೆ ಪ್ರತಿಯಾಗಿ ಭಾರತೀಯ ಸೈನಿಕರೂ ಗಡಿ ಕಾಯಲಿದ್ದಾರೆ ಎಂದು ಸಂಸದೀಯ ಸಮಿತಿಗೆ ಭಾರತೀಯ ಸೇನೆ ಭರವಸೆ ನೀಡಿದೆ.
