ಮೋದಿ, ಅಮಿತ್ ಶಾ & ಅಜಿತ್ ದೋವಲ್​ ಹತ್ಯೆಗೆ ಉಗ್ರರ ಸಂಚು : ಸ್ಫೋಟಕ ಸತ್ಯ ಬಹಿರಂಗ

ರೈಸಿಂಗ್ ಕನ್ನಡ : ಪ್ರಧಾನಿ ನರೇಂದ್ರ ಮೋದಿ, ಗೃಹ ಸಚಿವ ಅಮಿತ್ ಶಾ ಹಾಗೂ ಭದ್ರತಾ ಸಲಹೆಗಾರ ಅಜಿತ್ ದೋವಲ್​ ಹತ್ಯೆಗೆ ಉಗ್ರರು ಸಂಚು ರೂಪಿಸಿರೋ ಸ್ಫೋಟಕ ಮಾಹಿತಿ ಬಹಿರಂಗವಾಗಿದೆ. ಜಮ್ಮು ಮತ್ತು ಕಾಶ್ಮೀರಕ್ಕೆ ನೀಡಲಾಗಿದ್ದ ವಿಶೇಷ ಸ್ಥಾನಮಾನ ರದ್ದು ಮಾಡಿರೋದ್ರಿಂದ ಉಗ್ರ ಸಂಘಟನೆಗಳು ಆಕ್ರೋಶಗೊಂಡಿದ್ದು, ಭಾರತೀಯ ನಾಯಕರ ಹತ್ಯೆಗೆ ಸ್ಕೆಚ್​ ಹಾಕಿದ್ದಾರೆ.

ಪಾಕಿಸ್ತಾನದ ಜೈಷ್​ ಇ ಮೊಹಮ್ಮದ್​ ಉಗ್ರ ಸಂಘಟನೆ ಈ ಹಿನ್ನೆಲೆಯಲ್ಲಿ ಭಾರೀ ವಿಧ್ವಂಸಕ ಕೃತ್ಯ ಎಸಗಲು ಸಂಚು ರೂಪಿಸಿದೆ ಎನ್ನುವ ಮಾಹಿತಿ ಗೊತ್ತಾಗಿದೆ. ಮೋದಿ, ಅಮಿತ್ ಶಾ ಹಾಗೂ ಅಜಿತ್ ದೋವಲ್​ ಅಷ್ಟೇ ಅಲ್ಲದೆ, ಭಾರತದ ಪ್ರಮುಖ 30 ನಗರಗಳಲ್ಲಿ ಸ್ಫೋಟಕ ನಡೆಸಲು ಸ್ಕೆಚ್​ ನಡೆದಿದೆ ಎನ್ನಲಾಗಿದೆ. ಇದೇ ಹಿನ್ನೆಲೆಯಲ್ಲಿ 500 ಉಗ್ರರು ಭಾರತ ಪ್ರವೇಶ ಮಾಡಲು ಸಂಚು ನಡೆಸ್ತಿದ್ದಾರೆ.

ಈಗಾಗಲೇ ಶ್ರೀನಗರ, ಜಮ್ಮು, ಪಠಾಣ್​ ಕೋಟ್​, ಹಿಂಡನ್​ ಸೇರಿದಂತೆ ಗಡಿ ಭಾಗದಲ್ಲಿರೋ ವಾಯುನೆಲೆಗಳ ಮೇಲೆ ಉಗ್ರರು ದಾಳಿ ನಡೆಸೋ ಭೀತಿ ಇದೆ ಎನ್ನಲಾಗಿದೆ. ಇದಕ್ಕೆ ಪೂರ್ವ ಭಾವಿಯಾಗಿ ಎಲ್ಲಾ ರೀತಿಯ ಎಚ್ಚರಿಕೆ ಕ್ರಮ ಕೈಗೊಳ್ಳಲಾಗಿದೆ ಎಂದು ಭಾರತದ ಭದ್ರತಾ ಪಡೆಗಳು ಹೇಳಿವೆ.

ಉಗ್ರರ ಪ್ರಮುಖ ಟಾರ್ಗೆಟ್​ ಮೋದಿ, ಅಮಿತ್ ಶಾ ಹಾಗೂ ಅಜಿತ್ ದೋವೆಲ್​. ಮೂವರು ಭಾರತದ ಭದ್ರತಾ ವಿಚಾರದಲ್ಲಿ ಸಾಕಷ್ಟು ಸ್ಟ್ರಾಂಗ್​ ಆಗಿದ್ದಾರೆ. ಹೀಗಾಗಿ, ಮೂವರಲ್ಲಿ ಒಬ್ಬರನ್ನಾದ್ರೂ ಹತ್ಯೆ ಮಾಡಿದ್ರೆ, ಭಾರತದ ಭದ್ರತಾ ವಿಚಾರ ವೀಕ್​ ಆಗಬಹುದು ಅನ್ನೋದು ಉಗ್ರರ ಪ್ಲಾನ್ ಎನ್ನಲಾಗಿದೆ.