ಅನರ್ಹರ ತೀರ್ಪು ಏನೇ ಬರಲಿ : ನಮ್ಮ ನಿಲುವು ಸ್ಪಷ್ಟ ಎಂದ ಡಿಸಿಎಂ ಅಶ್ವತ್ಥ್ ನಾರಾಯಣ

ಬೆಂಗಳೂರು : ಇಡೀ ದೇಶವೇ ನಾಳೆಯ ಸುಪ್ರೀಂಕೋರ್ಟ್​ ತೀರ್ಪಿಗೆ ಕಾಯುತ್ತಿದೆ. ಅನರ್ಹರ ಪ್ರಕರಣಲ್ಲಿ ಏನಾಗುತ್ತೋ ಏನೋ ಅನ್ನೋ ಕುತೂಹಲ ಇದೆ. ಇದೇ ವಿಚಾರವಾಗಿ ಬೆಂಗಳೂರಿನಲ್ಲಿ ಮಾತ್ನಾಡಿರೋ ಡಿಸಿಎಂ ಡಾ. ಸಿ.ಎನ್. ಅಶ್ವತ್ಥ್ ನಾರಾಯಣ, ನಾವು ತೀರ್ಪಿಗೆ ಕಾಯುತ್ತಿದ್ದೇವೆ. ತೀರ್ಪು ಬಂದ ಬಳಿಕ ಸರ್ಕಾರ ಮತ್ತು ಪಕ್ಷದಲ್ಲಿ ನಿಲುವು ಸ್ಪಷ್ಟವಾಗಿರುತ್ತದೆ ಎಂದಿದ್ದಾರೆ.

ನಮ್ಮಲ್ಲಿ, ನಮ್ಮ ನಿಲುವಿನಲ್ಲಿ ಯಾವುದೇ ಗೊಂದಲ ಇರುವುದಿಲ್ಲ. ಇದರ ಬಗ್ಗೆ ಸಾಕಷ್ಟು ದಾರಿಯಲ್ಲಿ ಯೋಚನೆ ಮಾಡಲಾಗಿದೆ. ತೀರ್ಪು ಬಂದ ಕೂಡಲೇ ನಮ್ಮ ನಿಲುವನ್ನು ಪಕ್ಷ ಮತ್ತು ಸರ್ಕಾರದಿಂದ ಬಹಿರಂಗಪಡಿಸುತ್ತೇವೆ ಎಂದಿದ್ದಾರೆ. ನ್ಯಾಯಾಧೀಶರು ಯಾವ ತೀರ್ಪು ಕೊಡ್ತಾರೆ ಅಂತಾ ಹೇಳಲು ಆಗುವುದಿಲ್ಲ. ಹಲವಾರು ಸಾಧ್ಯತೆಗಳು ಇರುತ್ತವೆ. ಯಾವ ನಿರ್ಣಯ ಬರುತ್ತದೆ ಎಂಬುದನ್ನು ನೋಡೋಣ ಎಂದು ಡಿಸಿಎಂ ಅಶ್ವತ್ಥ್ ನಾರಾಯಣ ಹೇಳಿದ್ರು.

ನಾವು ಎಲ್ಲವನ್ನು ಎದುರಿಸಲು ಮಾನಸಿಕವಾಗಿ ತಯಾರಾಗಿದ್ದೇವೆ. ನಮ್ಮ ಜೊತೆಯಲ್ಲಾದರೂ ಬರಬಹುದು. ನಮ್ಮ ಎದುರಾಗಿ ಆದರೂ ಬರಬಹುದು. ಏನೇ ಬಂದ್ರೂ, ನಾವು ಸಿದ್ಧ ಎಂದು ಅಶ್ವತ್ಥ್ ನಾರಾಯಣ ತಿಳಿಸಿದ್ರು..