Featured
ನಮಗೆ ಡಿಬಾಸ್ ಗ್ರೇಟು.. ನಮ್ಮ ಹೀರೋ ಸಿನಿಮಾನೇ ಗ್ರೇಟು : ಪೈಲ್ವಾನ್ ಪೈರಸಿ ಆರೋಪಿ ರಾಕೇಶ್ ತಪ್ಪೊಪ್ಪಿಗೆ
ಬೆಂಗಳೂರು : ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಸಿನಿಮಾ ಪೈರಸಿ ಮಾಡಿ, ಸ್ನೇಹಿತರಿಗೂ ಹಂಚಿ, ಲಿಂಕ್ ಕಳುಹಿಸಿದ್ದ ಆರೋಪಿ ರಾಕೇಶ್ ಬಂಧನವಾಗಿದೆ. ಬೆಂಗಳೂರಿನ ಸಿಸಿಬಿ ಪೊಲೀಸರು ನೆಲಮಂಗಲ ಸಮೀಪ ಆರೋಪಿ ರಾಕೇಶ್ನನ್ನ ಬಂಧಿಸಿದ್ದಾರೆ. ಆರೋಪಿ ರಾಕೇಶ್ ವಿಚಾರಣೆ ವೇಳೆ ತಪ್ಪೊಪ್ಪಿಕೊಂಡಿದ್ದು, ದರ್ಶನ್ ಅಭಿಮಾನಿ ಅನ್ನೋದು ಕೂಡ ಬಹಿರಂಗವಾಗಿದೆ.
ವಿಚಾರಣೆ ವೇಳೆ ತಪ್ಪೊಪ್ಪಿಕೊಂಡಿರೋ ಆರೋಪಿ ರಾಕೇಶ್, ನನಗೆ ದರ್ಶನ್ ಅಂದ್ರೆ ಪ್ರಾಣ. ನಮಗೆ ನಮ್ಮ ಡಿಬಾಸೇ ಗ್ರೇಟು. ಅವರ ಸಿನಿಮಾಗಳೇ ಗ್ರೇಟು. ನಾನು ಹಣಕ್ಕಾಗಿ ಪೈರಸಿ ಮಾಡಿಲ್ಲ ಎಂದು ತಪ್ಪೊಪ್ಪಿಕೊಂಡಿದ್ದಾನೆ. ಅಲ್ಲದೆ, ತನ್ನ ಸ್ನೇಹತರಿಗೆ ಲಿಂಕ್ ಕೊಟ್ಟಿದ್ದು ತಾನೇ ಅನ್ನೋದನ್ನ ರಾಕೇಶ್ ಒಪ್ಪಿಕೊಂಡಿದ್ದಾನೆ.
ಈ ಮೂಲಕ ಪೈಲ್ವಾನ್ ಪೈರಸಿಯಂದ ಶುರುವಾಗಿದ್ದ ಸ್ಟಾರ್ ವಾರ್ ಹಾಗೂ ಫ್ಯಾನ್ಸ್ ವಾರ್ಗೆ ಟ್ವಿಸ್ಟ್ ಸಿಕ್ಕಿದೆ. ತನ್ನ ದೇವರುಗಳಿಗೆ, ಸೆಲಬ್ರಿಟಿಗಳಿಗೆ ಅವಮಾನ ಮಾಡಿದ್ರೆ ಎಚ್ಚರ ಎಂದಿದ್ದ ದರ್ಶನ್ ಈಗ ಯಾವ ರೀತಿ ರಿಯಾಕ್ಟ್ ಮಾಡ್ತಾರೋ ಕಾದುನೋಡೋಣ.
