ಮಹಿಳೆಯರ ಆರೋಗ್ಯ ವಿಚಾರದಲ್ಲಿ ಬೂಟಾಟಿಕೆ ಪ್ರದರ್ಶನಕ್ಕೆ ವಿರೋಧ..!

Health Tips : ಮಹಿಳೆಯರ ಲೈಂಗಿಕ ಆರೋಗ್ಯ ವಿಚಾರದ ಮಾಹಿತಿ ನೀಡುವ ವಿಚಾರದಲ್ಲಿ, ಸಾಮಾಜಿಕ ಜಾಲತಾಣ ಕಂಪನಿಗಳು ಬೂಟಾಟಿಕೆ ಪ್ರದರ್ಶಿಸುತ್ತಿವೆ ಎಂದು ಲೈಂಗಿಕ ಆರೋಗ್ಯ ಮಾಹಿತಿ ಹಂಚಿಕೊಳ್ಳುವ ಮಹಿಳೆಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಮಹಿಳೆಯರ ಲೈಂಗಿಕ ಆರೋಗ್ಯ ವಿಚಾರವಾಗಿ ಪ್ರಕಟವಾಗುವ ಪೋಸ್ಟ್ ಗಳಲ್ಲಿ ಲೈಂಗಿಕತೆಗೆ ಸಂಬಂಧಿಸಿದ ಚಿತ್ರಗಳನ್ನು ಪ್ರಕಟಿಸಲಾಗುತ್ತದೆ.

ಇದರಿಂದ ಸುಲಭವಾಗಿ ಮಹಿಳೆಯರ ಲೈಂಗಿಕ ಆರೋಗ್ಯ ಮಾಹಿತಿ ವಿನಿಯಮಕ್ಕೆ ನೆರವಾಗುತ್ತದೆ. ಇನ್ ಸ್ಟಾಗ್ರಾಂ, ಫೇಸ್ಬುಕ್ ಸೇರಿ ಪ್ರಖ್ಯಾತ ಸಾಮಾಜಿಕ ಜಾಲತಾಣಗಳು ಅಶ್ಲೀಲತೆಯ ನೆಪವೊಡ್ಡಿ ಇಂತಹ ಪೋಸ್ಟ್ ಗಳನ್ನು ನಿರ್ಬಂಧಿಸಲಾಗುತ್ತಿದೆ. ಆದರೆ, ಅಶ್ಲೀತೆಯನ್ನು ಪ್ರಚಾರ ಮಾಡುವ ಚಿತ್ರಗಳುಳ್ಳ ಪೋಸ್ಟ್ ಗಳಿಗೆ ನಿರ್ಬಂಧವೇ ಇಲ್ಲ. ಇದು ಬೂಟಾಟಿಕೆ ಅಲ್ಲದೇ ಮತ್ತೇನು ಅಲ್ಲ ಅಂತಾ ಕೆಲವರು ಕಿಡಿಕಾರಿದ್ದಾರೆ.
ಸ್ತನ ಕ್ಯಾನ್ಸರ್, ಮೂತ್ರ ಸಂಬಂಧಿತ ರೋಗಗಳ ಕುರಿತು ಜಾಗೃತಿ ಮೂಡಿಸುವ ವೇಳೆ ಸ್ತನಗಳು ಮತ್ತು ಯೋನಿ ಸಂಬಂಧಿತ ಅಂಗಾಂಗ ರಚನೆಯ ಚಿತ್ರಗಳನ್ನು ಪ್ರಕಟಿಸಲಾಗುತ್ತದೆ.

ಆದರೆ, ಇದನ್ನು ಕಾಮ ಪ್ರಚೋದನೆ ನೀಡುವ ರೀತಿಯ ಅಶ್ಲೀಲ ಚಿತ್ರಗಳು ಎಂಬ ತಪ್ಪು ಕಾರಣ ನೀಡಿ ನಿರ್ಬಂಧ ವಿಧಿಸಲಾಗುತ್ತಿದೆ. ಕಳೆದೊಂದು ವರ್ಷದಲ್ಲಿ ಮಹಿಳೆಯರ ಆರೋಗ್ಯದ ಕುರಿತು ಮಾಹಿತಿ ನೀಡುವ 10 ಖಾತೆಗಳಲ್ಲಿ 9 ಖಾತೆಗಳನ್ನು ಈ ರೀತಿ ತಪ್ಪು ಕಾರಣ ನೀಡಿ ನಿರ್ಬಂಧಿಸಲಾಗಿದೆ. ಯಾಂತ್ರಿಕ ಕಲಿಕೆ ಮತ್ತು ಕೃತಕ ಬುದ್ಧಿಮತ್ತೆಯ ಸಾಧನಗಳನ್ನು ಬಳಸಿ ಮಾಹಿತಿಯ ಮೇಲೆ ಜಾಲತಾಣ ಕಂಪನಿಗಳು ಕಣ್ಣಿಟ್ಟಿರುತ್ತವೆ. ಆದರೆ, ಕೃತಕ ಬುದ್ಧಿಮತ್ತೆಯಲ್ಲಿ ಬಳಸುವ ಗಣಕಾಂಶಗಳು ಮಹಿಳೆಯ ಅಂಗಾಂಗಳನ್ನು ಅಶ್ಲೀಲತೆ ಎಂದು ತಿಳಿದು ಆರೋಗ್ಯ ಮಾಹಿತಿ ನೀಡುವ ಖಾತೆಗಳನ್ನು ಬಂದ್ ಮಾಡುತ್ತಿವೆ ಎಂದು ಮಹಿಳಾ ಆರೋಗ್ಯ ಕಾರ್ಯಕರ್ತೆಯರು ದೂರಿದ್ದಾರೆ.