ವಿಶ್ವದ ಯಾವ ಶಕ್ತಿಯೂ ನಮ್ಮ ಸೈನ್ಯವನ್ನ ಗಸ್ತು ತಿರುಗದಂತೆ ತಡೆಯಲು ಸಾಧ್ಯವಿಲ್ಲ: ರಕ್ಷಣ ಸಚಿವ ರಾಜನಾಥ್ ಸಿಂಗ್

ರೈಸಿಂಗ್​ ಕನ್ನಡ:

ನ್ಯೂಸ್​ ಡೆಸ್ಕ್​:

ವಿಶ್ವದ ಯಾವ ಶಕ್ತಿಯೂ ನಮ್ಮ ಸೈನಿಕರ ಗಸ್ತು ತಿರುಗುವುದನ್ನ ತಡೆಯಲು ಸಾಧ್ಯವಿಲ್ಲ ಎಂದು ಕೇಂದ್ರ ರಕ್ಷಣ ಸಚಿವ ರಾಜನಾಥ್ ಸಿಂಗ್ ಚೀನಾಗೆ ಪರೋಕ್ಷ ಎಚ್ಚರಿಕೆ ನೀಡಿದ್ದಾರೆ.

ರಾಜ್ಯಸಭೆಯಲ್ಲಿ ಕಾಂಗ್ರೆಸ್​ ನಾಯಕ ಎ.ಕೆ.ಆ್ಯಂಟನಿ ಮಾತಿಗೆ ಪ್ರತಿಕ್ರಿಯಿಸಿದ ಕೇಂದ್ರ ರಕ್ಷಣ ಸಚಿವ ರಾಜನಾಥ್ ಸಿಂಗ್, ಪೂರ್ವ ಲಡಾಖ್​ನ ಗಡಿ ವಾಸ್ತವ ರೇಖೆಯ ಬಳಿ ನಮ್ಮ ಸೈನಿಕರು ಗಸ್ತು ಮತ್ತು ನಿಲುಗಡೆಯನ್ನ ತಡೆಯಲು ಚೀನಾ ಸೇನೆ (ಪೀಪಲ್ಸ್ ಲಿಬರೇಶನ್​ ಆರ್ಮಿ) ಸಾಕಷ್ಟು ಪ್ರಯತ್ನಿಸುತ್ತಿದೆ ಎಂದು ದೂರಿದರು.

ನಮ್ಮ ಸೈನಿಕರು ಗಸ್ತು ತಿರುಗುವುದು ಅದು ನಮ್ಮ ಸಾಂಪ್ರದಾಯಿಕ ಮಾದರಿ. ಇದಕ್ಕಾಗಿ ನಮ್ಮ ಸೈನಿಕರು ಪ್ರಾಣ ತ್ಯಾಗ ಮಾಡಿದ್ದಾರೆ.

ಗಸ್ತು ತಿರುಗುವ ಮಾದರಿಯಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ಎ.ಕೆ.ಆ್ಯಂಟನಿಗೆ ತಿಳಿಸಿದರು. ಸದ್ಯ ಈ ವಿಚಾರ ತುಂಬ ಸೂಕ್ಷ್ಮವಾಗಿರುವುದರಿಂದ ಹೆಚ್ಚಿನ ಮಾಹಿತಿಯನ್ನ ನೀಡಲು ಸಾಧ್ಯವಿಲ್ಲ ಎಂದರು.

ರಾಜ್ಯಸಭಾ ಸಭಾಪತಿ ವೆಂಕಯ್ಯ ನಾಯ್ಡು, ಎಲ್ಲಾ ಪಕ್ಷಗಳ ಸದಸ್ಯೆರುಗಳನ್ನ ವಿಶ್ವಾಸಕ್ಕೆ ತೆಗೆದುಕೊಂಡು ಸರ್ಕಾರ ಯೋಜನೆ ರೂಪಿಸಬೇಕು. ಗಡಿಯಲ್ಲಿ ನಡೆಯುತ್ತಿರುವ ಬೆಳವಣಿಗೆಗಳ ಬಗ್ಗೆ ಮಾಹಿತಿ ನೀಡಬೇಕೆಂದು ಹೇಳಿದರು.

ಇದೇ ವೇಳೆ ಕುತಂತ್ರದ ಬುದ್ಧಿ ಹೊಂದಿರುವ ಚೀನಾ ಜೊತೆ ಎಚ್ಚರಿಕೆಯ ಹೆಜ್ಜೆಗಳನಿಡಬೇಕೆಂದು ಇದೇ ವೇಳೆ ಹಲವು ಸದಸ್ಯರು ಸಲಹೆ ನೀಡಿದರು.