ನಿತ್ಯಾನಂದನ ಕೈಲಾಸ ರಾಷ್ಟ್ರದಲ್ಲಿ ಹೊಸ ಕರೆನ್ಸಿ- 1 ಕೈಲಾಶಿಯನ್ ಡಾಲರ್​ನಲ್ಲಿ 11.66 ಗ್ರಾಂ ಚಿನ್ನ..!

ರೈಸಿಂಗ್​ ಕನ್ನಡ ನ್ಯೂಸ್​ ಡೆಸ್ಕ್​:

ಸ್ವಯಂ ಘೋಷಿತ ದೇವಮಾನವ ಬಿಡದಿ ನಿತ್ಯಾನಂದ, ಸ್ವತಃ ತಾನೇ ಕಟ್ಟಿಕೊಂಡಿರುವ ಕೈಲಾಸ ದೇಶದಲ್ಲಿ ರಿಸರ್ವ್​ ಬ್ಯಾಂಕ್​​ ಆಫ್​​ ಕೈಲಾಸ ಸ್ಥಾಪಿಸಿರುವುದಾಗಿ ಹೇಳಿಕೊಂಡಿದ್ದಾನೆ.  ಈ ಬ್ಯಾಂಕ್​ ಮೂಲಕ ಕೈಲಾಶಿಯನ್​ ಡಾಲರ್​​ ಎಂಬ ಕರೆನ್ಸಿ ಬಿಡುಗಡೆ ಮಾಡಿರುವುದಾಗಿ ತಿಳಿಸಿದ್ದಾರೆ. ಈ ಕೈಲಾಶಿಯನ್​​ ಡಾಲರ್​ ಅನ್ನು  ಕೈಲಾದ ರಾಷ್ಟ್ರದ ಜೊತೆಗೆ ರಾಜ ತಾಂತ್ರಿಕ ಒಪ್ಪಂದ ಮಾಡಿಕೊಳ್ಳುವ ರಾಷ್ಟ್ರದ ಜೊತೆಗೆ ಅದನ್ನು ಚಲಾವಣೆಗೆ ತರಲು ಪ್ರಯತ್ನಿಸಲಾಗುತ್ತಿದೆ ಎಂದು ಹೇಳಲಾಗುತ್ತಿದೆ.

ರಿಸರ್ವ್ ಬ್ಯಾಂಕ್​ ಆಫ್​ ಕೈಲಾಸ 8 ವಿವಿಧ ಮುಖಬೆಲೆಯುಳ್ಳ 77 ಬಂಗಾರದ ನಾಣ್ಯವನ್ನು ಬಿಡುಗಡೆ ಮಾಡಿದೆ. ಒಂದು ಕೈಲಾಶಿಯನ್​ ಡಾಲರ್​ ನಾಣ್ಯವು 1 ತೊಲ ಬಂಗಾರ ಅಂದ್ರೆ 11.66 ಗ್ರಾಂ ಚಿನ್ನ ಹೊಂದಿರಲಿದೆ.  ಕಾಲು ಭಾಗದ ಕೈಲಾಶಿಯನ್‌ ಡಾಲರ್‌ನಲ್ಲಿ 2.91 ಗ್ರಾಂ ಚಿನ್ನ, ಅರ್ಧ ಕೈಲಾ ಶಿಯನ್‌ ಡಾಲರ್‌ನಲ್ಲಿ 5.81 ಗ್ರಾಂ ಚಿನ್ನ ಹಾಗೂ ಮುಕ್ಕಾಲು ಭಾಗದ ಕೈಲಾಶಿಯನ್‌ ಡಾಲರ್‌ನಲ್ಲಿ 8.77 ಗ್ರಾಂನಷ್ಟು ಚಿನ್ನ ಇರಲಿದೆ. 2 ಕೈಲಾಶಿಯನ್‌ ಡಾಲರ್‌ಗಳು ಸೇರಿದರೆ ಒಟ್ಟು 23.32 ಗ್ರಾಂ ಚಿನ್ನವಾಗಲಿದೆ ಎಂದು ನಿತ್ಯಾನಂದ ವಿವರಿಸಿದ್ದಾನೆ. ತನ್ನ ಫೇಸ್‌ಬುಕ್‌ ಪುಟ KAILASA’s HDH Nithyananda Paramashivam ನಲ್ಲಿ ಈ ಕುರಿತಂತೆ  ಪ್ರಕಟಣೆ ನೀಡಲಾಗಿದೆ.