Featured
ಎನ್ಐಎ ಕಾರ್ಯಾಚರಣೆ: ಕೇರಳ, ಪ.ಬಂಗಾಳದಲ್ಲಿ 9 ಅಲ್ ಖೈದಾ ಉಗ್ರರ ಬಂಧನ
ರೈಸಿಂಗ್ ಕನ್ನಡ:
ನ್ಯೂಸ್ ಡೆಸ್ಕ್:
ಮಹತ್ವದ ಬೆಳವಣಿಗೆಯೊಂದರಲ್ಲಿ ದೇಶದಲ್ಲಿರುವ ಭಯೋತ್ಪಾದನೆ ಮತ್ತು ಭಯೋತ್ಪಾದಕ ಜಾಲದ ಮೇಲೆ ರಾಷ್ಟ್ರೀಯ ತನಿಖಾ ದಳ (ಎನ್ಐಎ) ಬೃಹತ್ ಕಾರ್ಯಾಚರಣೆ ಕೈಗೊಂಡು9 ಮಂದಿ ಅಲ್ ಖೈದಾ ಉಗ್ರರನ್ನ ಬಂಧಿಸಿದ್ದಾರೆ.
ಶನಿವಾರ ಬೆಳ್ಳಂ ಬೆಳಗ್ಗೆ ಕಾರ್ಯಾಚರಣೆ ನಡೆಸಿದ ಎನ್ಐಎ ಪಶ್ಚಿಮ ಬಂಗಳಾದ ಮುರ್ಷಿದಾಬಾದ್ ಮತ್ತು ಕೇರಳದ ಎರ್ನಾಕುಲಂ ಜಿಲ್ಲೆಯಲ್ಲಿ ದಾಳಿ ನಡೆಸಿ ಅಲ್ ಖೈದಾ ಉಗ್ರರನ್ನ ಬಂಧಿಸಿದೆ.
ಬಂಧಿತರಿಂದ ಆಘಾತಕಾರಿ ಸುದ್ದಿ ಹೊರ ಬಿದ್ದಿದ್ದೆ. ಇವರ ಬಂಧನದಿಂದ ಭಾರೀ ಅನಾಹುತ ತಪ್ಪಿದಂತಾಗಿದೆ ಎಂದು ಎನ್ಐಎ ಅಧಿಕಾರಿಗಳು ತಿಳಿಸಿದರು. ಪಾಕ್ ಮೂಲದ ಅಲ್ ಖೈದಾ ಸಂಘಟನೆ ಸೋಶಿಯಲ್ ಮೀಡಿಯಾ ಮೂಲಕ ಇವರನ್ನ ಸಂಪರ್ಕಿಸಿ ತಮ್ಮ ಸಂಘಟನೆ ಪರ ಕೆಲಸ ಮಾಡುವಂತೆ ಹೇಳಿ ನೇಮಕ ಮಾಡಿಕೊಂಡಿತ್ತು.
ಬಂಧಿತರು ಹಣ ಸಂಗ್ರಹಣೆ ಮಾಡಿ ರಾಷ್ಟ್ರ ರಾಜಧಾನಿ ದೆಹಲಿ ಸೇರಿದಂತೆ ಹಲವಾರು ಸ್ಥಳಗಳಲ್ಲಿ ದಾಳಿ ಮಾಡಲು ಸಂಚು ರೂಪಿಸಿದ್ದರು ಎಂದು ಸುದ್ದಿ ಮಾಧ್ಯಮಗಳು ವರದಿ ಮಾಡಿವೆ.
ದಾಳಿ ನಡೆಸಿದಾಗ ಜಿಹಾದಿ ಸಾಹಿತ್ಯ, ಡಿಜಿಟಲ್ ಉಪಕರಣ, ಆಯುಧ , ದೇಸಿ ಶಸ್ತ್ರಾಸ್ತ್ರಗಳು, ಸ್ಫೋಟಕ ತಯಾರಿಸುವ ಪುಸ್ತಕಗಳು ವಶಪಡಿಸಿಕೊಳ್ಳಲಾಗಿದೆ.
ಸಿಕ್ಕಿಬಿದ್ದಿರುವ ಉಗ್ರರನ್ನ ಕೇರಳ ಮತ್ತು ಪಶ್ಚಿಮ ಬಂಗಾಳದಲ್ಲಿ ಪೊಲೀಸ್ ಕಸ್ಟಡಿಗೆ ಒಪ್ಪಿಸಲಾಗಿದ್ದು ಹೆಚ್ಚಿನ ವಿಚಾರಣೆಗಾಗಿ ಆಯಾಯ ನ್ಯಾಯಲಯಗಳ ಮುಂದೆ ಹಾಜರುಪಡಿಸಲಾಗುತ್ತದೆ.
