ಜಲಮಂಡಳಿಯಿಂದ ಹೊಸ ಪ್ರಯೋಗ : ಮಿನಿ ಟ್ಯಾಂಕರ್ ಗಳನ್ನ ನಿರ್ಮಿಸಿ ನೀರು ಪೂರೈಕೆ ಮುಂದಾದ ಜಲಮಂಡಳಿ

ಬೆಂಗಳೂರು : ಸಿಲಿಕಾನ್​ ಸಿಟಿಯಲ್ಲಿ ಬೇಸಿಗೆ ಮುನ್ನವೇ ನೀರಿನ ಅಭಾವ ದಿನದಿಂದ ದಿನಕ್ಕೆ ಜಾಸ್ತಿಯಾಗುತ್ತಲೇ ಇದೆ. ಹೀಗಾಗಿ ಬೆಂಗಳೂರು ಜಲಮಂಡಳಿ ಅಧಿಕಾರಿಗಳು ಫೀಲ್ಡ್​ಗಿಳಿದು ಉಚಿತ ನೀರು ಪೂರೈಕೆಗೆ ಮುಂದಾಗಿದ್ದಾರೆ. 

ನಗರದಲ್ಲಿ ಟ್ಯಾಂಕರ್ ಮಾಫಿಯಾಗೆ ರೋಸಿ ಹೋಗಿರೋ ಜನ, ಹೀಗಾಗಿ ನೀರಿನ ಬೇಡಿಕೆ ಹೆಚ್ಚಿದ ಬೆನ್ನಲ್ಲೇ ಜಲಮಂಡಳಿಯಿಂದ ಹೊಸ ಪ್ರಯೋಗಕ್ಕೆ ಮುಂದಾಗಿದ್ದಾರೆ. ಮಿನಿ ಟ್ಯಾಂಕರ್ ಗಳನ್ನ ನಿರ್ಮಿಸಿ ನೀರು ಪೂರೈಕೆ ಮಾಡ್ತಿದ್ದಾರೆ. ಈಗಾಗಲೇ ಕಾವೇರಿ ನದಿಯಿಂದ ನಿತ್ಯ 1450 MLD ನೀರು ಕಾವೇರಿ ನದಿಯಿಂದ ಸರಬರಾಜು ಆಗ್ತಿದೆ. 

ಇನ್ನು, ನಗರದಲ್ಲಿ ಹೆಚ್ಚಿನ ಜನ ಬೋರ್ವೆಲ್ ನೀರು ಉಪಯೋಗಿಸುತ್ತಿದ್ದಾರೆ. ಆದ್ರೆ ಬೋರ್ವೆಲ್ ಗಳಲ್ಲಿ ನೀರಿನ ಮಟ್ಟ ತೀವ್ರ ಕುಸಿತಗೊಂಡಿದ್ದು, ಸಾವಿರಾರು ಬೋರ್ವೆಲ್ ಗಳಲ್ಲಿ ನೀರೇ ಬರ್ತಿಲ್ಲ. ಅದಲ್ಲದೇ ಬಿಬಿಎಂಪಿ ಗೆ ಹೊಸದಾಗಿ ಸೇರ್ಪಡೆಯಾಗಿರೋ ಹಳ್ಳಿಗಳಲ್ಲಿ ನೀರಿಗೆ ಭಾರೀ ಹಾಹಾಕಾರ ಉಂಟಾಗಿದೆ. ಹೀಗಾಗಿ ನೀರಿನ ಬೇಡಿಕೆ ತಗ್ಗಿಸಲು ಮಿನಿ ಟ್ಯಾಂಕ್ ಗಳ ಮೂಲಕ ಜಲಮಂಡಳಿ ಕಾವೇರಿ ನೀರು ಕೊಡ್ತಿದೆ.