ನಿರ್ಮಾಣಗೊಂಡ ಕಟ್ಟಡ ಕಾಮಗಾರಿಗಳು ಲೋಕಾರ್ಪಣೆ – ರೇಣುಕಾಚಾರ್ಯ ನೇತೃತ್ವದಲ್ಲಿ ಉದ್ಘಾಟನೆ

ರೈಸಿಂಗ್ ಕನ್ನಡ :

ದಾವಣಗೆರೆ :

ಹೊನ್ನಾಳಿ ಸುತ್ತಮುತ್ತ ಸಾಕಷ್ಟು ಯೋಜನೆಗಳು ಉದ್ಘಾಟನೆಗೊಂಡವು. ಶಾಸಕ ರೇಣುಕಾಚಾರ್ಯ ಎಲ್ಲೆಡೆ ಬಂದು ಕಾರ್ಯಕ್ರಮಗಳನ್ನ ನೆರವೇರಿಸಿಕೊಟ್ರು. ಹೊನ್ನಾಳಿಯ ಬೀರಗೊಂಡನಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ದಾಶಿವಪುರ ಗ್ರಾಮದಲ್ಲಿ ಅಂಗನವಾಡಿ ಕೇಂದ್ರ ನಿರ್ಮಿಸಲಾಗಿದ್ದು, ಸೋಮವಾರ ಅದರ ಉದ್ಘಾಟನೆಯಾಯಿತು. ಉದ್ಯೋಗ ಖಾತ್ರಿ ಯೋಜನೆಯಡಿ ಎಂಟು ಲಕ್ಷ ರೂಪಾಯಿ ವೆಚ್ಚದಲ್ಲಿ ನಿರ್ಮಾಣಗೊಂಡಿರುವ ಅಂಗನವಾಡಿ ಕೇಂದ್ರವನ್ನ ಶಾಸನ ರೇಣುಕಾಚಾರ್ಯ ಉದ್ಘಾಟಿಸಿದ್ರು.

ಅದೇ ರೀತಿ ಉಜ್ಜನೀಪುರದಲ್ಲೂ ಎಂಟು ಲಕ್ಷ ರೂಪಾಯಿ ವೆಚ್ಚದಲ್ಲಿ ಅಂಗನವಾಡಿ ಕಟ್ಟಡ ನಿರ್ಮಿಸಿದ್ದು ಲೋಕಾರ್ಪಣೆ ಮಾಡಲಾಯಿತು. ಇನ್ನೂ ಬೀರಗೊಂಡನಹಳ್ಳಿ ಗ್ರಾಮ ಪಂಚಾಯಿತಿ ಮೇಲ್ಬಾಗದಲ್ಲಿ ನಾಲ್ಕುವರೆ ಲಕ್ಷ ರೂಪಾಯಿ ವೆಚ್ಚದಲ್ಲಿ ಸಭಾಂಗಣ ನಿರ್ಮಾಣ ಮಾಡಿದ್ದು ಅದರ ಉದ್ಘಾನೆಯೂ ನೆರವೇರಿತು.

ಜೊತೆಗೆ ಉಜ್ಜನೀಪುರ ಗ್ರಾಮದ ಗಣಪತಿ ಅವರ ಮನೆಯಿಂದ ಪತಿನಾಯ್ಕ ಅವರ ಮನೆಗೆ ಮುಂಭಾಗ ಹತ್ತು ಲಕ್ಷ ರೂಪಾಯಿ ವೆಚ್ಚದಲ್ಲಿ ಸಿಸಿ ರಸ್ತೆ ನಿರ್ಮಿಸಿದ್ದು ಲೋಕಾರ್ಪಣೆ ಮಾಡಲಾಯಿತು.

ಜೊತೆಗೆ ಉಜ್ಜನೀಪುರದಿಂದ ಗುಡ್ಡಕ್ಕೆ ತೆರಳುವ ರಸ್ತೆಯನ್ನು 40 ಲಕ್ಷ ರೂಪಾಯಿ ವೆಚ್ಚದಲ್ಲಿ ಮೆಟ್ಲಿಂಗ್ ಮಾಡಿಸುತ್ತಿದ್ದು ಉದ್ಘಾಟನೆಯಾಯ್ತಲ್ಲದೇ, ಚಾನಲ್ ಮೂಲಕ ಸದಾಶಿವಪುರ ಗ್ರಾಮಕ್ಕೆ ತೆರಳುವ ರಸ್ತೆಯನ್ನು ಮೂವತ್ತು ಲಕ್ಷ ರೂಪಾಯಿ ವೆಚ್ಚದಲ್ಲಿ ಸಿಸಿ ರಸ್ತೆ ಮಾಡಿಸಿದ್ದು ಉದ್ಘಾಟನೆಯಾಯ್ತು.