Featured
ಮಧ್ಯಪ್ರದೇಶ ರಾಜ್ಯಪಾಲ ಲಾಲ್ಜಿ ಟೆಂಡನ್ ವಿಧಿವಶ : ಪ್ರಧಾನಿ ನರೇಂದ್ರ ಮೋದಿ ಕಂಬನಿ
ರೈಸಿಂಗ್ ಕನ್ನಡ :
ನ್ಯೂಸ್ ಡೆಸ್ಕ್ :
ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದ ಮಧ್ಯ ಪ್ರದೇಶ ರಾಜ್ಯಪಾಲ ಲಾಲ್ಜಿ ಟೆಂಡನ್ (85) ವಿಧಿವಶರಾಗಿದ್ದಾರೆ.
ಕೆಲವು ದಿನಗಳಿಂದ ಲಖ್ನೊ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಲಾಲ್ಜಿ ಟೆಂಡನ್ ಉಸಿರಾಟದ ತೊಂದರೆ ಜೊತೆಗೆ ಜ್ವರದಿಂದ ಬಳಲಿದ್ದರು.
ಲಾಲ್ಜಿ ಟೆಂಡನ್ ನಿಧನಕ್ಕೆ ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್ ಮೂಲಕ ಸಂತಾಪ ಸೂಚಿಸಿದ್ದಾರೆ. ಸಮಾಜದ ಏಳಿಗೆಗಾಗಿ ಬಿಡುವಿಲ್ಲದೇ ದುಡಿದ ಲಾಲಾಜಿ ಟೆಂಡನ್ ನೆನಪಿನಲ್ಲಿರುತ್ತಾರೆ.
ಉತ್ತರ ಪ್ರದೇಶದಲ್ಲಿ ಬಿಜೆಪಿ ಬಲವರ್ಧನೆಯಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಸಮಾಜದ ಒಳಿತಿಗೆ ಮಹತ್ವ ಕೊಡುತ್ತಿದ್ದ ಅವರು ಓರ್ವ ಪರಿಣಾಮಕಾರಿ ಆಡಳಿತಗಾರರಾಗಿದ್ದರು. ಅವರ ಅಗಲಿಕೆ ನನಗೆ ದುಃಖ ತಂದಿದೆ ಎಂದು ಬರೆದಿದ್ದಾರೆ.
