Featured
ಪ್ರತಿಮೆ ಮೇಲೆ ಎಸ್ಡಿಪಿಐ ಬಾವುಟ: ಬೆಂಗಳೂರಿನ ರಾಮಕೃಷ್ಣ ಆಶ್ರಮದಲ್ಲಿ ಪ್ರತಿಭಟನೆ
ರೈಸಿಂಗ್ ಕನ್ನಡ :
ಬೆಂಗಳೂರು:
ಶೃಂಗೇರಿಯ ಶಂಕರಾಚಾರ್ಯರ ವೃತ್ತದಲ್ಲಿ ಶಂಕರಾಚಾರ್ಯರ ಪ್ರತಿಮೆ ಮೇಲೆ ಎಸ್.ಡಿ.ಪಿ.ಐ. ಬಾವುಟ ಹಾರಿಸಿರುವ ಕಿಡಿಗೇಡಿಗಳ ಕೃತ್ಯವನ್ನು ಖಂಡಿಸಿ ಶುಕ್ರವಾರ ಬೆಂಗಳೂರು ಬಸವನಗುಡಿ ಯಲ್ಲಿರುವ ರಾಮಕೃಷ್ಣ ಆಶ್ರಮದ ಬಳಿ ಪ್ರತಿಭಟನೆ ಮಾಡಲಾಯಿತು.
ಕರ್ನಾಟಕ ಬ್ರಾಹ್ಮಣ ಅಭಿವೃದ್ಧಿ ಮಂಡಳಿ ಅಧ್ಯಕ್ಷ ರಾದ ಹೆಚ್.ಎಸ್.ಸಚ್ಚಿದಾನಂದ ಮೂರ್ತಿ ಅವರು ಪ್ರತಿಭಟನೆ ಯಲ್ಲಿ ನೆರೆದಿದ್ದವರನ್ನು ಉದ್ದೇಶಿಸಿ ಮಾತನಾಡಿ ಇತ್ತೀಚಿನ ದಿನಗಳಲ್ಲಿ ಹಿಂದೂಗಳ ಮೇಲೆ ನಿರಂತರವಾಗಿ ದೌರ್ಜನ್ಯ ನಡೆಯುತ್ತಿದೆ.
ಬೆಂಗಳೂರು ನಗರದಲ್ಲಿ ನಡೆದ ಘಟನೆ ಹಾಗೂ ಶೃಂಗೇರಿ ಯಲ್ಲಿ ನಡೆದ ಕಿಡಿಗೇಡಿಗಳ ಕೃತ್ಯವನ್ನು ಖಂಡಿಸಿದರು, ತಕ್ಷಣವೇ ಕಿಡಿಗೇಡಿಗಳ ಮೇಲೆ ಕ್ರಮ ಕೈಗೊಳ್ಳಬೇಕು ಹಾಗೂ ಮತೀಯ ಸಂಘಟನೆಗಳಾದ SDPI ಹಾಗೂ PFI ಗಳನ್ನು ನಿಷೇದಿಸಬೇಕು ಎಂದು ಒತ್ತಾಯಿಸಿದರು, ಪ್ರತಿಭಟನೆ ಯಲ್ಲಿ ಮತೀಯ ಸಂಘಟನೆಯ ವಿರುದ್ದ ಘೋಷಣೆ ಕೂಗಲಾಯಿತು.
ನಿರ್ದೇಶಕರಾದ ಕೆ.ಎನ್.ಛಾಯಾಪತಿ, ಡಿ.ವಿ.ರಾಜೇಂದ್ರ ಪ್ರಸಾದ್, ರಾಘವೇಂದ್ರ ಭಟ್, ಮಹಾಸಭೆಯ ಮಾಜಿ ಖಜಾಂಚಿ ತಾರಾನಾಥ್, ಬಸವನಗುಡಿ ಕ್ಷೇತ್ರ ಬ್ರಾಹ್ಮಣ ಸಂಘದ ಪದಾಧಿಕಾರಿಗಳಾದ ಟಿ.ಎಲ್.ಎಸ್.ಕುಮಾರ್, ಎಸ್.ವಿಜಯಕುಮಾರ್, ಶಂಕರ ಪ್ರಸಾದ್, ನರಸಿಂಹ ಹೆಗಡೆ, ಸತೀಶ್, NCB ಯ ಉಪಾಧ್ಯಕ್ಷ ಸತ್ಯನಾರಾಯಣ, ಬ್ರಾಹ್ಮಣ ಸಂಘಗಳ ಪದಾಧಿಕಾರಿಗಳು ರಥಯಾತ್ರೆ ಸುರೇಶ್, ಬಸವನಗುಡಿ ಕ್ಷೇತ್ರ ಬ್ರಾಹ್ಮಣ ಸಂಘ ಹಾಗೂ ಮಟದ ಭಕ್ತರು ಭಾಗವಹಿಸಿದ್ದರು,
