ಮಲೆನಾಡಿನಲ್ಲಿ ಗರಿಗೆದರಿದ ಕೃಷಿ ಚಟುವಟಿಕೆ: ಆಧುನಿಕ ಯುಗದಲ್ಲಿ ಜೀವಂತವಾಗಿದೆ ಗದ್ದೆ ನಾಟಿಯ ಹಾಡುಗಳು

ರೈಸಿಂಗ್​ ಕನ್ನಡ :

ಭರತ್​ ಕುಮಾರ್,​ ಚಿಕ್ಕಮಗಳೂರು:

ಎಲ್ಲೆಡೆ ಮುಂಗಾರು ಶುರುವಾಗಿದೆ.ಮಲೆನಾಡಿನಲ್ಲಿ ಕೃಷಿ ಚಟುವಟಿಕೆಗಳು ಗರಿಗೆದರಿವೆ. ಚಿಕ್ಕಮಗಳೂರಿನಲ್ಲಿ ಮಳೆ ಚೆನ್ನಾಗಿ ಸುರಿಯುತ್ತಿರುವುದರಿಂದ ಇಲ್ಲಿನ ರೈತರ ಸಂಭ್ರಮವನ್ನ ಹೆಚ್ಚಾಗುವಂತೆ ಮಾಡಿದೆ. ಇಲ್ಲಿನ ರೈತರು ಖುಷಿಯಿಂದಲೇ  ಹೊಲದಲ್ಲಿ ನಾಟಿ ಮಾಡಿ ಸಂತಸಪಡುತ್ತಿದ್ದಾರೆ.

ಇತ್ತಿಚ್ಚಿನ ದಿನಗಳಲ್ಲಿ ಗದ್ದೆ ಕೆಲಸದಲ್ಲಿ ಆಳುಗಳಿಗಿಂತ ಹೆಚ್ಚಾಗಿ ಯಂತ್ರೋಪಕರಣಗಳೆ ಕಾಣುತ್ತವೆ ಮನುಷ್ಯ ಆಧುನಿಕತೆಗೆ ಹೊಂದಿಕೊಂಡತೆ. ಪುರಾತನ ಪದ್ಧತಿಗಳು ಮರೆ ಮಾಚುತ್ತಿವೆ ಆದರೆ ಚಿಕ್ಕಮಗಳೂರಿನ ರೈತರೊಬ್ಬರು ಗದ್ದೆಯಲ್ಲಿ ಇಂದಿಗೂ ಪುರಾತನ ಶೈಲಿಯ ಗದ್ದೆ ನಾಟಿಯನ್ನು ಮಾಡುತ್ತಿರುವುದು ಕಾಣಬಹುದು.

ಜೊತೆಗೆ…ನೀರಿನಲ್ಲಿ ನೆಂದು ಕೆಲಸ ಮಾಡುವ ಸಂದರ್ಭ ಕೊಂಚ ದಣಿವು ನೀವಾರಿಸಿಕೊಳ್ಳಲು  ರೈತ ಮಹಿಳೆಯರು ಹಾಡುವ ಹಾಡುಗಳು ತಮಾಷೆ ಮಾತುಗಳನ್ನ ಇಂದಿಗೂ ಇಲ್ಲಿ ಕೇಳಬಹುದಾಗಿದೆ. ಮಲೆನಾಡಿನಲ್ಲಿ ಈ ಬಾರಿ ಮುಂಗಾರು ಚುರುಕಾಗಿರುವುದರಿಂದ ರೈತರಿಗೆ ಗೆದ್ದೆಯಲ್ಲಿ ಕೆಲಸ ಮಾಡಲು ಉತ್ಸಾಹ ತುಂಬಿದೆ.