ನೀಟ್ ಪರೀಕ್ಷೆಯಲ್ಲಿ 9ನೇ ಸ್ಥಾನ : ಉಸ್ತುವಾರಿ ಸಚಿವ ಪ್ರಭುಚೌಹಾಣ್​ರಿಂದ ಅಭಿನಂದನೆ

ರೈಸಿಂಗ್​ ಕನ್ನಡ:

ಬೀದರ್:

 ನೀಟ್ (NIIT) ಪರೀಕ್ಷೆಯಲ್ಲಿ ರಾಜ್ಯಕ್ಕೆ ಪ್ರಥಮ ಹಾಗೂ ದೇಶಕ್ಕೆ ಒಂಬತ್ತನೇ ಱಂಕ್​ ಕಾರ್ತಿಕ್​ ರೆಡ್ಡಿಗೆ ಪಶು ಸಂಗೋಪನಾ ಹಾಗೂ ಬೀದರ್ ಜಿಲ್ಲಾ ಉಸ್ತುವಾರಿ ಸಚಿವ ಪ್ರಭುಚೌಹಾಣ್ ಅಭಿನಂದಿಸಿದರು.

 ಶೈಕ್ಷಣಿಕವಾಗಿ ಹಿಂದುಳಿದ ಜಿಲ್ಲೆ ಎಂದು ಹಣೆ ಪಟ್ಟಿ ಕಟ್ಟಿಕೊಂಡಿರುವ ಬೀದರ್ ನಿವಾಸಿ  ಕಾರ್ತಿಕ್ ನಿಟ್ ಪರಿಕ್ಷೆಯಲ್ಲಿ ರಾಜ್ಯಕ್ಕೆ ಪ್ರಥಮ‌ಸ್ಥಾನ ಹಾಗೂ ದೇಶದಲ್ಲೇ 9ನೇ ಱಂಕ್​ ಪಡೆಯುವ ಮೂಲಕ ಬೀದರ್ ಕೀರ್ತಿ ಹೆಚ್ವಿಸಿ ‌‌ಇಡೀ ದೇಶದಾದ್ಯಂತ ಬೀದರ ಜಿಲ್ಲೆಯ ಗಮನ ಸೆಳೆದಿದ್ದಾರೆ.

 ಹೀಗಾಗಿ ಬೀದರ್ ನಗರದ ಗುಂಪಾದಲ್ಲಿನ ಕಾರ್ತಿಕ್ ಅವರ ನಿವಾಸಕ್ಕೆ ಪಶುಸಂಗೋಪನಾ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ಪ್ರಭುಚೌಹಾಣ್ ಭೇಟಿ ನೀಡಿ  ಕಾರ್ತಿಕ್ ರೆಡ್ಡಿ ಅವರಿಗೆ ಸನ್ಮಾನಿಸಿ 11 ಸಾವಿರ ರೂಪಾಯಿ ನಗದು ಬಹುಮಾನ ನೀಡಿ ಪ್ರೋತ್ಸಾಹಿಸಿದರು.

ರಾಜ್ಯದಲ್ಲೇ ಬೀದರ್ ಜಿಲ್ಲೆ ಅಂದರೆ ಶೈಕ್ಷಣಿಕವಾಗೂ ಹಿಂದುಳಿದ ಜಿಲ್ಲೆ ಎಂದು ಹಣೆ ಪಟ್ಟಿ ಕಟ್ಟಿಕೊಂಡಿದೆ, ಇಂತಹ ಸಂಧರ್ಭದಲ್ಲೆ ಕಾರ್ತಿಕ್  ಅವರು ಕಷ್ಟಪಟ್ಟು ಓದಿದ ಪರಿಶ್ರಮಕ್ಕೆ ಉತ್ತಮ ಱಂಕ್ ಪಡೆಯುವ ಮೂಲಕ ಜಿಲ್ಲೆಯಲ್ಲಿ ಶೈಕ್ಷಣಿಕ ವಾಗಿ ಅಭಿವೃದ್ಧಿ ಯತ್ತ ಸಾಗಿದೆ ಎಂದು ದೇಶಕ್ಕೆ ತೋರಿಸಿಕೊಟ್ಟಿದ್ದಾರೆ. ಈ ಸಾಧನೆಗೆ ತುಂಬು ಹೃದಯದ ಅಭಿನಂದನೆ ಸಲ್ಲಿಸುತ್ತೇನೆ ಎಂದು ಸಚಿವ ಪ್ರಭುಚೌಹಾಣ್​ ಹೇಳಿದರು.