ವಿಮಾನದ ಮೈಲೇಜ್ ಎಷ್ಟು ಗೊತ್ತಾ..?1000 ಕಿಲೋಮೀಟರ್ ವಿಮಾನ ಹಾರಿಸಲು ಖರ್ಚಾಗುವ ದುಡ್ಡು ಎಷ್ಟು ಗೊತ್ತಾ..?

ರೈಸಿಂಗ್​ ಕನ್ನಡ ನ್ಯೂಸ್​ ಡೆಸ್ಕ್​:

ಕಾರು, ಬೈಕ್​​​​​​​ಗಳ ಮೈಲೇಜ್​ಗಳ ಬಗ್ಗೆ ಒಂದು ಅದಾಜು ಇದೆ. ಸಣ್ಣ ಕಾರುಗಳಾದರೆ 1 ಲೀಟರ್​ ಇಂಧನಕ್ಕೆ 18ರಿಂದ 20 ಕಿಲೋಮೀಟರ್​ ಮೈಲೇಜ್​ ಕೊಡುತ್ತದೆ. ಮಧ್ಯಮ ಹಾಗೂ ಸ್ವಲ್ಪ ಪವರ್​ ಇರುವ ಕಾರುಗಳ ಮೈಲೇಜ್​​​ 10 ರಿಂದ 12 ಕಿಲೋಮೀಟರ್​​. ಇನ್ನು ಲಕ್ಸುರಿ ಕಾರುಗಳು ಒಂದು ಲೀಟರ್​ ಇಂಧನಕ್ಕೆ 2 ರಿಂದ 6 ಕಿಲೋಮೀಟರ್​ ಮೈಲೇಜ್​ ಕೊಡುವ ಕಾರುಗಳು ಕೂಡ ಇವೆ. ಬೈಕ್​​ಗಳಲ್ಲೂ ವಿವಿಧ ರೀತಿಯ ಮೈಲೇಜ್​ ಕೊಡುವ ವೆರೈಟಿ ಇದೆ.

ಆದರೆ ಆಕಾಶದಲ್ಲಿ ಹಾರುವ ವಿಮಾನ ಎಷ್ಟು ಮೈಲೇಜ್​ ಕೊಡುತ್ತದೆ. ವಿಮಾನದಲ್ಲಿ ಎಷ್ಟು ಲೀಟರ್​​ ಇಂಧನ ತುಂಬಿಕೊಳ್ಳಬಹುದು. ಇಂತಹದ್ದೆಲ್ಲಾ ಕುತೂಹಲಕಾರಿ ಪ್ರಶ್ನೆಗಳು ಸಾಮಾನ್ಯವಾಗಿ ಹುಟ್ಟಿಕೊಳ್ಳುತ್ತವೆ. ಅತೀ ವೇಗವಾಗಿ ಸಾಗುವ ಮತ್ತು ಆಕಾಶದಲ್ಲಿ ಹಾರುವ ವಿಮಾನಕ್ಕೆ ಸಾಮಾನ್ಯ ಪೆಟ್ರೋಲ್​ ಅಥವಾ ಡಿಸೇಲ್​ ಅನ್ನು ಬಳಕೆ ಮಾಡುವುದಿಲ್ಲ. ಬದಲಾಗಿ ಗ್ಯಾಸೋಲಿನ್​ ಅನ್ನುವ ಹೈ ಪವರ್​ ಮತ್ತು ಪ್ಯೂರ್​​​​ ಪೆಟ್ರೋಲ್​​​​​ ಅನ್ನು ಬಳಸಲಾಗುತ್ತದೆ. ಗ್ಯಾಸೋಲಿನ್​​​ನಿಂದ ಮಾತ್ರ ವಿಮಾನ ಚಲಿಸ ಬಲ್ಲದು.

ಅಂದಹಾಗೇ ವಿಮಾನದ ಮೈಲೇಜ್​ ಲೆಕ್ಕಾಚಾರ ಮಾಡುವುದು ಬಕಾಸುರನ ಹೊಟ್ಟೆಗೆ ಅನ್ನಹಾಕಿದ ಹಾಗೆ. ಯಾಕಂದ್ರೆ ವಿಮಾನ ಪ್ರತೀ ಸೆಕೆಂಡ್​ಗೆ ಸುಮಾರು 4 ಲೀಟರ್​ ಇಂಧನ ಬೇಕಾಗುತ್ತದೆ. ಅಂದರೆ ಒಂದು ನಿಮಿಷದ ವಿಮಾನ ಹಾರಾಟಕ್ಕೆ 240 ಲೀಟರ್​ ಇಂಧನ ಬೇಕು. ಬೋಯಿಂಗ್​ ಒಂದರ ವೆಬ್​ಸೈಟ್​ ಮಾಹಿತಿಯಂತೆ ಒಂದು ಲೀಟರ್​ ಗ್ಯಾಸೋಲಿನ್​ಗೆ ಬೋಯಿಂಗ್​ 747 ವಿಮಾನ ಜಸ್ಟ್​​​ 0.8 ಕಿಲೋಮೀಟರ್​ ಮೈಜೇಜ್​ ಕೊಡುತ್ತದೆ. ಈಗ ಲೆಕ್ಕಹಾಕಿ 1000 ಕಿಲೋಮೀಟರ್​ ವಿಮಾನದಲ್ಲಿ ಚಲಿಸಬೇಕಾದರೆ ಎಷ್ಟು ಇಂಧನ ಬೇಕು ಅನ್ನುವುದನ್ನ.