#ByElection : ಮಂಡ್ಯದಲ್ಲಿ ಸಂಸದೆ ಸುಮಲತಾ ಬೆಂಬಲ ಯಾರಿಗೆ..?

ಮಂಡ್ಯ : ಮಂಡ್ಯ ಲೋಕಸಭಾ ಚುನಾವಣೆಯಲ್ಲಿ ಐತಿಹಾಸಿಕ ಜಯ ಸಾಧಿಸಿದ ನಟಿ, ಸಂಸದೆ ಸುಮಲತಾ, ಮುಂಬರುವ ಉಪ ಚುನಾವಣೆಯಲ್ಲಿ ಯಾರಿಗೆ ಸಪೋರ್ಟ್​ ಮಾಡ್ತಾರೆ..? ಸದ್ಯ ಹೀಗೊಂದು ಚರ್ಚೆ ಇಡೀ ರಾಜಕೀಯ ವಲಯದಲ್ಲಿ ಶುರುವಾಗಿದೆ.

ಯಾಕಂದ್ರೆ, ಮಂಡ್ಯ ಲೋಕಸಭಾ ಚುನಾವಣೆ ಸಮಯದಲ್ಲಿ ಸುಮಲತಾಗೆ ಬಿಜೆಪಿ ಬಹಿರಂಗವಾಗಿಯೇ ಬೆಂಬಲ ನೀಡಿತ್ತು. ಅಭ್ಯರ್ಥಿಯನ್ನೂ ಹಾಕಿರಲಿಲ್ಲ. ಅದರಂತೆ ಕಾಂಗ್ರೆಸ್​ನ ಬಹುತೇಕ ನಾಯಕರು, ತೆರೆಮರೆಯಲ್ಲಿ ಬೆಂಬಲ ನೀಡಿದ್ರು.

ಭಾನುವಾರಷ್ಟೇ ಸಭೆ ನಡೆಸಿದ್ದ ಕಾಂಗ್ರೆಸ್ ಮಾಜಿ ಶಾಸಕ, ಕೆ.ಆರ್. ಪೇಟೆ ಕಾಂಗ್ರೆಸ್​ ಮುಖಂಡ ಕೆ.ಬಿ. ಚಂದ್ರಶೇಖರ್ ಮಾತ್ನಾಡಿ, ಸುಮಲತಾ ಗೆಲುವಿಗೆ ಕಾಂಗ್ರೆಸ್​ ನಾಯಕರೇ ಕಾರಣ. ಶೇಕಡಾ 90ರಷ್ಟು ಕಾಂಗ್ರೆಸ್​ ನಾಯಕರು, ಕಾರ್ಯಕರ್ತರು ಸುಮಲತಾ ಬೆಂಬಲಿಸಿದ್ವಿ ಎಂದು ಸೀಕ್ರೆಟ್​ ಬಿಚ್ಚಿಟ್ಟಿದ್ದರು.

ಇದೀಗ, ಕೆ.ಆರ್. ಪೇಟೆಗೆ ಬೈ ಎಲೆಕ್ಷನ್ ಬಂದಿದೆ. ಜೆಡಿಎಸ್​ ಹಾಗೂ ಕಾಂಗ್ರೆಸ್ ಜೊತೆಗೆ ಬಿಜೆಪಿಯೂ ಅಭ್ಯರ್ಥಿಯನ್ನ ಹಾಕಲಿದೆ. ಎಲ್ಲರಿಗೂ ಪ್ರತಿಷ್ಠೆ. ಹೀಗಾಗಿ ಸಂಸದೆ ಸುಮಲತಾ ಬೆಂಬಲ ಯಾರಿಗೆ ಅನ್ನೋದು ಕುತೂಹಲ ಮೂಡಿಸಿದೆ.

ಈ ಬಗ್ಗೆ ಸುಮತಲಾ ಅಥವಾ ಬೆಂಬಲಿಗರು ಇನ್ನೂ ಯಾವುದೇ ನಿರ್ಧಾರ ಪ್ರಕಟಿಸಿಲ್ಲ. ಈ ಹಿಂದೆ ಮೈಸೂರಿಗೆ ಪ್ರಧಾನಿ ನರೇಂದ್ರ ಮೋದಿ ಬಂದಾಗ, ಸುಮಲತಗೆ ಮತ ನೀಡುವಂತೆ ಹೇಳಿದ್ರು. ಇದೀಗ, ಸುಮಲತಾ ಬೆಂಬಲ ಯಾರಿಗೆ..? ಕಾಂಗ್ರೆಸ್​​ಗಾ..? ಬಿಜೆಪಿಗಾ..? ಕಾದುನೋಡೋಣ..