ಮಹಾರಾಷ್ಟ್ರಗೆ ಕರ್ನಾಟಕದ ನೀರು : ಯಡಿಯೂರಪ್ಪ ಹೇಳಿಕೆಗೆ ಕುಮಾರಸ್ವಾಮಿ, ಮಹಾದಾಯಿ ಹೋರಾಟಗಾರರ ಆಕ್ರೋಶ

ರೈಸಿಂಗ್ ಕನ್ನಡ : ಮಹಾರಾಷ್ಟ್ರ ಚುನಾವಣಾ ಪ್ರಚಾರದ ವೇಳೆ ಯಡಿಯೂರಪ್ಪ ಕೊಟ್ಟಿರೋ ಯಡವಟ್​ ಹೇಳಿಕೆ ಸದ್ಯ ವಿವಾದಕ್ಕೆ ಕಾರಣವಾಗಿದೆ. ಯಡಿಯೂರಪ್ಪ ಹೇಳಿಕೆಗೆ ಆಕ್ರೋಶ ವ್ಯಕ್ತಪಡಿಸಿರೋ ಮಾಜಿ ಸಿಎಂ ಕುಮಾರಸ್ವಾಮಿ, ಮಹಾದಾಯಿಗೆ ಅನುಮತಿ ಕೊಡಲಿಲ್ಲ ಅಂತ ರೈತರು ಹೋರಾಟ ಮಾಡ್ತಿದ್ದಾರೆ. ಮೊದಲು ಅ ಜನರ ಕಷ್ಟ ನೋಡಿ. ನಮ್ಮ ಜನರನ್ನ ಮೊದಲು ನೋಡಿ, ಅಮೇಲೆ ಮಹಾರಾಷ್ಟ್ರದವರನ್ನ ಸಿಎಂ ಗಮನಿಸಲಿ ಎಂದು ಕುಮಾರಸ್ವಾಮಿ ಕಿಡಿಕಾರಿದ್ದಾರೆ.

ಇತ್ತ, ಯಡಿಯೂರಪ್ಪ ಹೇಳಿಕೆಗೆ ಕಳಸಾ ಬಂಡೂರಿ ಹೋರಾಟಗಾರರು ಕೂಡ ಆಕ್ರೋಶ ಹೊರಹಾಕಿದ್ದಾರೆ. ಮೊದಲು ಕೃಷ್ಣಾ ವಿವಾದವನ್ನು ಬಗೆಹರಿಸಿ ಅಧಿಸೂಚನೆ ಹೊರಡಿಸಿ. ಕರ್ನಾಟಕದ ಜನ ವೋಟು ಕೊಟ್ಟಿದ್ದು, ಕರ್ನಾಟಕದ ಜನರ ಬಗ್ಗೆ ತಲೆಕೆಡಿಸಿಕೊಳ್ಳಲಿ ಎಂದು. ನಮಗೇ ಈವರೆಗೆ ನೀರು ಕೊಟ್ಟಿಲ್ಲ. ಇನ್ನು ಅಲ್ಲೇನು ಹೋಗಿ ನೀರು ಕೋಡ್ತೀವಿ ಅಂತ ಯಾಕೆ ಹೇಳ್ತೀರಿ ಎಂದು ರೈತರು ಯಡಿಯೂರಪ್ಪ ವಿರುದ್ಧ ಕಿಡಿಕಾರಿದ್ದಾರೆ.

ಮಹಾರಾಷ್ಟ್ರದಲ್ಲಿ ನಿಮ್ಮ ಪಕ್ಷದ ಇಮೇಜ್ ಕ್ರಿಯೇಟ್ ಮಾಡೋಕೆ ಈ ರೀತಿಯ ಹೇಳಿಕೆ ಕೊಡಬೇಡಿ. ಅಧಿಕಾರಕ್ಕೆ ಬಂದ ಹದಿನೈದು ದಿನಕ್ಕೆ ಮಹದಾಯಿ ವಿವಾದ ಬಗೆಹರಿಸ್ತೀನಿ ಅಂತಾ ಹೇಳಿದ್ದು, ಬಹುಶಃ ಯಡಿಯೂರಪ್ಪ ಮರೆತಂತೆ ಇದೆ ಎಂದು ನೋವನ್ನ ಹೊರಹಾಕಿದ್ದಾರೆ.

ಅದೇನೇ ಆಗ್ಲಿ, ಸದ್ಯ ಯಡಿಯೂರಪ್ಪ ಅವರ ಹೇಳಿಕೆ ವಿವಾದಕ್ಕೆ ಎಡೆ ಮಾಡಿದೆ. ಇದನ್ನ ಯಡಿಯೂರಪ್ಪ ಹೇಗೆ ಸಮರ್ಥಿಸಿಕೊಳ್ತಾರೆ ಅನ್ನೋದು ಕಾದುನೋಡಬೇಕಿದೆ.