Featured
ಎಚ್‌-1ಬಿ ವೀಸಾ ಉಳ್ಳವರಿಗೆ ಕೊಂಚ ರಿಲೀಫ್ – ಅಮೆರಿಕಾ ಪ್ರಯಾಣಕ್ಕೆ ಷರತ್ತುಬದ್ಧ ಅನುಮತಿ
ರೈಸಿಂಗ್ ಕನ್ನಡ :
ವೆಬ್ ಡೆಸ್ಕ್ :
ಕಳೆದ ಜೂನ್ 22 ರಂದು ಎಚ್‌-1ಬಿ ಉದ್ಯೋಗದ ವೀಸಾ ವಿತರಿಸುವುದನ್ನ ಈ ವರ್ಷದ ಕೊನೆಯವರೆಗೂ ಟ್ರಂಪ್ ಸರ್ಕಾರ ರದ್ದುಗೊಳಿಸಿತ್ತು. ಇದೀಗ ಆ ಆದೇಶಕ್ಕೆ ಸ್ವಲ್ಪ ಮಟ್ಟಿನ ಸಡಿಲಿಕೆ ನೀಡಿದೆ.
ಎಚ್‌-1ಬಿ ವೀಸಾ ಇರುವವರು ಅಮೆರಿಕ ಪ್ರವೇಶಿಸಲು ಟ್ರಂಪ್ ಸರ್ಕಾರ ಷರತ್ತು ಬದ್ಧ ಅನುಮತಿ ನೀಡಿದೆ. ಇದಕ್ಕಾಗಿ ವೀಸಾ ನಿಯಮಗಳನ್ನೂ ಸ್ವಲ್ಪ ಮಟ್ಟಿಗೆ ಸಡಿಲಿಸಲಾಗಿದೆ.
ಎಚ್‌-1ಬಿ ವೀಸಾ ಹೊಂದಿದ್ದ ಉದ್ಯೋಗಿ, ವೀಸಾ ನಿಷೇಧದ ಘೋಷಣೆಗೆ ಮುಂಚಿತವಾಗಿ ತಾನು ಮಾಡುತ್ತಿದ್ದ ಉದ್ಯೋಗಕ್ಕೇ ಮರಳುವಂತಿದ್ದರೇ ಅವರು ಅಮೆರಿಕ ಪ್ರವೇಶಿಸಬಹುದು ಎಂದು ಅಮೆರಿಕ ಸರ್ಕಾರ ಹೇಳಿದೆ.
ಈ ಹಿಂದಿನ ಕಂಪೆನಿಯ ಅದೇ ಉದ್ಯೋಗ ಪ್ರಾರಂಭಿಸಲು ಬಯಸುವವರು ಅದೇ ವೀಸಾ ವರ್ಗೀಕರಣದೊಂದಿಗೆ ಅಮೆರಿಕಕ್ಕೆ ಪ್ರಯಾಣಿಸಬಹುದು ಎಂದು ಟ್ರಂಪ್ ಸರ್ಕಾರ ತಿಳಿಸಿದೆ. ಪ್ರಾಥಮಿ ವೀಸಾ ಹೊಂದಿರುವರ ಜೊತೆ ಅವಲಂಬಿತರೂ ಅಮೆರಿಕಕ್ಕೆ ಬರಲು ಅವಕಾಶ ನೀಲಾಗವುದು ಎಂದು ರಾಷ್ಟ್ರೀಯ ಸಲಹಾ ಇಲಾಖೆ ತಿಳಿಸಿದೆ.
ಅಮೆರಿಕದ ತ್ವರಿತ ಮತ್ತು ಮುಂದುವರಿದ ಆರ್ಥಿಕ ಪುನಶ್ಚೇತನಕ್ಕೆ ಅನುಕೂಲವಾಗುವ ಅಗತ್ಯಗಳನ್ನು ಪೂರೈಸಬಲ್ಲ ತಜ್ಞರು, ಹಿರಿಯ ವ್ಯವಸ್ಥಾಪಕರು ಮತ್ತು ಎಚ್‌-1ಬಿ ವೀಸಾಗಳನ್ನು ಹೊಂದಿರುವ ಇತರ ಕಾರ್ಮಿಕರ ಪ್ರಯಾಣಕ್ಕೂ ಸರ್ಕಾರ ಅನುಮತಿ ನೀಡಿದೆ.
