Featured
ಟ್ವಿಟ್ಟರ್ನಲ್ಲೇ ರಾಜ್ಯ ಸರ್ಕಾರಕ್ಕೆ ಪ್ರಶ್ನೆ- ಪರಿಹಾರದ ಲೆಕ್ಕ ಕೇಳಿದ ಕೆಪಿಸಿಸಿ ಕಾರ್ಯಾಧ್ಯಕ್ಷ ಈಶ್ವರ್ ಖಂಡ್ರೆ…!
ರೈಸಿಂಗ್ ಕನ್ನಡ:
ವಿಶ್ವಕುಮಾರ್, ಬೀದರ್:
ಪ್ರವಾಹದ ಹೆಸರಿನಲ್ಲಿ ಕಳೆದ ವರ್ಷ ರಾಜ್ಯ ಸರ್ಕಾರ ಪ್ರವಾಹ ಪೀಡಿತರಿಗೆ ಎಷ್ಟು ಪರಿಹಾರ ಕೊಟ್ಟಿದೆ..? ಮೊದಲು ಅದರ ಲೆಕ್ಕ ಕೊಡಿ ಎಂದು ರಾಜ್ಯ ಸರ್ಕಾರಕ್ಕೆ ಭಾಲ್ಕಿ ಶಾಸಕ ಈಶ್ವರ್ ಖಂಡ್ರೆ ಪ್ರಶ್ನೆ‌ಹಾಕಿದ್ದಾರೆ. ಕಳೆದ ವರ್ಷ ಕೂಡ ರಾಜ್ಯದ ಅರ್ಧಭಾಗ ಪ್ರವಾಹಕ್ಕೆ ತುತ್ತಾಗಿತ್ತು. ಆ ಸಂಧರ್ಭದಲ್ಲಿ ಪ್ರವಾಹ ಪಿಡಿತರಿಗೆ ಎಷ್ಟು ಪರಿಹಾರ ನೀಡಿದ್ದಿರಾ..? ಎಷ್ಟು ಜನರಿಗೆ ಪುನರ್ವಸತಿ ಕಲ್ಪಿಸಿದ್ದಿರಾ..? ಕೊಚ್ಚಿಹೋಗಿದ್ದ ಎಷ್ಟು ರಸ್ತೆಗಳು ಸೇತುವೆಗಳು ಮರು ನಿರ್ಮಾಣ ಮಾಡಿದ್ದಿರಾ ಎಂದು ಖಂಡ್ರೆ ಪ್ರಶ್ನಿಸಿದ್ದಾರೆ.
ಕೇವಲ ಬಾಯಿ ಮಾತಿನಿಂದ ಪರಿಹಾರ ಘೊಷಣೆ ಮಾಡಿದರೆ ಸಾಲದು, ನೆರೆಪಿಡಿತರಿಗೆ ಮೊದಲು ಬದುಕು ಕಟ್ಟಿಕೊಡಿ ಎಂದು ತಮ್ಮ ಟ್ವಿಟ್ಟರ್ನಲ್ಲಿ ರಾಜ್ಯ ಸರ್ಕಾರದ ವಿರುದ್ದ ಕಿಡಿಕಾರಿದ್ದಾರೆ. ಈಗ ಮತ್ತೆ ಪ್ರವಾಹ ಸೃಷ್ಠಿಯಾಗಿದೆ ಹೊಸ ಪರಿಹಾರ ಘೊಷಣೆ‌ಗೆ ಮುನ್ನ ಹಿಂದಿನ ಪರಿಹಾರದ ಲೆಕ್ಕ ಕೊಡಿ ಎಂದು ಹೇಳಿಕೊಂಡಿದ್ದಾರೆ.
