ಕೊರೊನಾ ಮನುಷ್ಯರಿಗಷ್ಟೇ ಅಲ್ಲ, ಪ್ರಾಣಿ, ಪಕ್ಷಿ, ವೃಕ್ಷಗಳಿಗೂ ಬರುವ ಅವಕಾಶವಿದೆ – ಕೋಡಿ ಮಠ ಶ್ರೀಗಳ ಎಚ್ಚರಿಕೆ ಸಂದೇಶ..!

ರೈಸಿಂಗ್ ಕನ್ನಡ :

ಹಾಸನ :

ಜಗತ್ತಿನಾದ್ಯಂತ ಪಸರಿಸಿರೋ ಈ ಮಾರಕ ರೋಗ ಕೊರೊನಾ ಮನುಕುಲಕ್ಕೆ ಕಂಟಕ ಪ್ರಾಯವಾಗಲಿದೆ ಎಂದು ಕೋಡಿ ಮಠ ಶ್ರೀಗಳು ನುಡಿದಿದ್ದಾರೆ.  ಇದು ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವುದು ಶೋಚನೀಯ ಪ್ರಸಂಗ. ಇದು ಕೇವಲ ಮನುಕುಲ ಅಲ್ಲದೆ ಪ್ರಾಣಿ, ಪಕ್ಷಿ, ವೃಕ್ಷಗಳ ಮೇಲೆ ಬರುವ ಅವಕಾಶವಿದೆ ಎಂದು ಭವಿಷ್ಯ ನುಡಿದಿದ್ದಾರೆ.

ಮನುಷ್ಯ ತನ್ನ ಸ್ವಾರ್ಥದಿಂದಾಗಿ ಇಂತ ಸೋಂಕು ಆವರಿಸುತ್ತಿದೆ. ವಿಶಾಲ ಬುದ್ದಿಯಿಂದ ಹೋಗಿ ಮನುಷ್ಯರಿಂದಲೇ ಹುಷಾರಾಗುವ ಲಕ್ಷಣ ಇದೆ.   ಸ್ವಚ್ಚತೆ ಬಹಳ ಮುಖ್ಯ, ಸ್ವಚ್ಚತೆ ಅನುಸರಿಸಿದರೆ ಇದರ ಪ್ರಮಾಧವಿಲ್ಲ ಎಂದು ಕೋಡಿ ಮಠ ಶ್ರೀಗಳು ಸ್ವಚ್ಛತೆ ಬಗೆಗೆ ಅರಿವು ಮೂಡಿಸಿದ್ದಾರೆ. ಅಲ್ಲದೇ, ಅನೇಕ ರೀತಿಯ ಮದ್ದು, ಅನೇಕ ವೈದ್ಯರಿದ್ದಾರೆ.  ಇದು ಎಂತಹ ಮಟ್ಟಕ್ಕೆ ಹೋದರು ಹೆದರುವ ಅವಶ್ಯಕತೆ ಇಲ್ಲ ಎಂದಿದ್ದಾರೆ. ಇತ್ತೀಚೆಗೆ ಕೋಡಿಮಠದ ಒಬ್ಬ ಶಾಸ್ತ್ತ್ರಿಗಳಿಗೆ ರೋಗ ಹರಡಿದೆ ಎಂಬ ಸುದ್ದಿ ನಾವು ಕೇಳಿದ್ದೇವೆ..

ಆ ಶಾಸ್ತ್ರಿ ಎಂಬ ಹುಡುಗ ನಮ್ಮ ಮಠದ ಶಿಷ್ಯನೇ.. ಇಲ್ಲೇ ಪಕ್ಕದ ಜಾವಗಲ್ ಗ್ರಾಮದವನು.  ಆತ ಮಠದಲ್ಲಿ ಇಲ್ಲ. ಬೆಂಗಳೂರಿನಲ್ಲಿ ಇದ್ದಾನೆ.  ಬೆಂಗಳೂರಿನಲ್ಲಿ ಹೋಮ, ಪೂಜೆ ಮಾಡುತ್ತಿದ್ದಾನೆ ಎಂದು ನುಡಿದರು.  ಅಲ್ಲದೇ, ಹಿಂದೆ ಈ ರೋಗದ ಬಗ್ಗೆ ಎಲ್ಲ ಹೇಳಿದ್ದೇವೆ.  ಬರುವ ಹುಣ್ಣಿಮೆ ಕಳೆದ ತಕ್ಷಣ ಇದರ ಬಗ್ಗೆ ವಿಸ್ತಾರವಾಗಿ ಹೇಳುತ್ತೇನೆ, ಮುಂದೆ ಯುದ್ಧ ಅಂತಹದ್ದೇನು ಜರುಗಲ್ಲ, ಗಾಬರಿಯಾಗುವ ಅವಶ್ಯಕತೆ ಇಲ್ಲ ಎಂದು ಸಮಾದಾನದ ಮಾತುಗಳನ್ನಾಡಿದ್ದಾರೆ.