ಹೊಸ ಭರವಸೆ ಮೂಡಿಸಿದ ಕಿರಿಕ್ ಕೀರ್ತಿಯ ತಿರುಮಲ ವೈನ್​ ಸ್ಟೋರ್

ರೈಸಿಂಗ್ ಕನ್ನಡ ಸಿನಿಮಾ :

ಪತ್ರಕರ್ತ, ಕನ್ನಡ ಪರ ಹೋರಾಟಗಾರ ಹಾಗೂ ಬಿಗ್​ ಬಾಸ್ ಖ್ಯಾತಿಯ ಕಿರಿಕ್​ ಕೀರ್ತಿ ಈಗ ನಾಯಕ ನಟನಾಗಿ ಮಿಂಚೋಕೆ ರೆಡಿಯಾಗಿದ್ದಾರೆ. ಕಿರಿಕ್ ಕೀರ್ತಿ ಅಭಿನಯದ ತಿರುಮಲ ವೈನ್​ ಸ್ಟೋರ್ ಸಿನಿಮಾದ ಟೀಸರ್ ಬಿಡುಗಡೆಯಾಗಿದೆ. ಒಬ್ಬ ಯುವಕ ವೈನ್ಸ್​​ ಸ್ಟೋರ್​​ನಲ್ಲಿ ಸಿಲುಕಿಕೊಂಡು ಪಡುವ ಪೀಕಲಾಟ, ಪಾಡೇ ಈ ಸಿನಿಮಾದ ಕಥೆ.

ಮೊದಲ ಟೀಸರ್​​​ನಲ್ಲೇ ಹೊಸ ಭರವಸೆಯನ್ನ ಮೂಡಿಸಿರೋ ಸಿನಿಮಾ ಮೇಲೆ ಸಾಕಷ್ಟು ನಿರೀಕ್ಷೆಗಳಿವೆ. ಕೀರ್ತಿ ನಟನೆ ಹಾಗೂ ಚಿತ್ರದ ಕಥೆಯೇ ಸಿನಿಮಾದ ಹೈಲೆಟ್ಸ್​. ಬಹುತೇಕ ಸಿನಿಮಾ ವೈನ್ ಸ್ಟೋರ್​ನಲ್ಲೇ ಚಿತ್ರೀಕರಣವಾಗಿದೆ. ಕೀರ್ತಿ ಪತ್ನಿ ಅರ್ಪಿತಾ ಕೀರ್ತಿ ಈ ಸಿನಿಮಾದ ನಿರ್ಮಾಪಕರು.

ಇನ್ನು, ಈ ಸಿನಿಮಾವನ್ನ ಓಟಿಟಿಯಲ್ಲಿ ಬಿಡುಗಡೆ ಮಾಡೋಕೆ ಸಿನಿಮಾ ತಂಡ ಈಗಾಗ್ಲೇ ತಯಾರಿ ನಡೆಸಿದೆ. ಓಟಿಟಿಗೆ ಹೇಳಿ ಮಾಡಿಸಿದಂತೆ ಈ ಸಿನಿಮಾ ಇದೆ ಅಂತ ಸೋಶಿಯಲ್ ಮೀಡಿಯಾದಲ್ಲಿ ಆಗ್ಲೇ ಚರ್ಚೆ ಶುರುವಾಗಿದೆ. ಅದೇನೇ ಆಗ್ಲಿ, ಕಿರಿಕ್ ಕೀರ್ತಿಗೆ ರೈಸಿಂಗ್ ಕನ್ನಡದಿಂದ ಆಲ್​ ದಿ ಬೆಸ್ಟ್​..