ಕೆ.ಎಲ್. ರಾಹುಲ್ ಅಬ್ಬರ: ಪಂಜಾಬ್ ಕಿಂಗ್ಸ್ ಎದುರು ಮಂಡಿಯೂರಿದ ಆರ್​ಸಿಬಿ

ರೈಸಿಂಗ್​ ಕನ್ನಡ:

ನ್ಯೂಸ್​ ಡೆಸ್ಕ್​: 

ನಾಯಕ ಕೆ.ಎಲ್​.ರಾಹುಲ್​ ಅವರ ಆಕರ್ಷಕ ಶತಕದ ನೆರವಿನಿಂದ ಕಿಂಗ್ಸ್​ ಇಲೆವೆನ್​ ಪಂಜಾಬ್​ ತಂಡ ಆರ್​ಸಿಬಿ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದೆ.

ದುಬೈನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಗೆದ್ದ ಆರ್​ಸಿಬಿ ಫೀಲ್ಡಿಂಗ್​ ಆಯ್ಕೆ ಮಾಡಿಕೊಂಡಿತ್ತು.

ಕಿಂಗ್ಸ್ ಇಲೆವೆನ್​ ಪಂಜಾಬ್​ ತಂಡದ ಪರ ಆರಂಭಿಕರಾಗಿ ಕಣಕ್ಕಿಳಿದ ನಾಯಕ ಕೆ.ಎಲ್.ರಾಹುಲ್​ ಮತ್ತು ಮಯಾಂಕ್​ ಅಗರ್​ವಾಲ್ ಮೊದಲ ವಿಕೆಟ್​ಗೆ 57 ಸೇರಿಸಿ ಭರ್ಜರಿ ಆರಂಭ ಕೊಟ್ಟರು.

ನಂತರ ಬಂದ ನಿಕೊಲೊಸ್​ ಪೂರಾನ್​ 17,ಗ್ಲೇನ್​ ಮ್ಯಾಕ್ಸ್​ ವೆಲ್​ 5, ಕರುಣ್​ ನಾಯರ್ 15 ರನ್ ಗಳಿಸಿದರು. ಕೊನೆಯವರೆಗೂ ರನ್​ ಸುನಾಮಿ ಎಬ್ಬಿಸಿದ ಕೆ.ಎಲ್​.ರಾಹುಲ್ಅಜೇಯ 132 ರನ್​ ಗಳಿಸಿದರು. ಇದರೊಂದಿಗೆ ಟೂರ್ನಿಯಲ್ಲಿ ಮೊದಲ ಶತಕ ದಾಖಲಾಗಿದೆ.

207  ರನ್​ಗಳ ಬಿಗ್​ ಗುರಿ ಬೆನ್ನತ್ತಿದ ಆರ್​ಸಿಬಿ ರವಿ ಬಿಶ್ನೊಯಿ ಮತ್ತು ಮುರ್ಗನ್​ ಅಶ್ವಿನ್​ ದಾಳಿಗೆ ತತ್ತರಿಸಿ ಹೋಯ್ತು. ಆ್ಯರಾನ್​ ಫಿಂಚ್ 20, ಎಬಿಡಿ ವಿಲಿಯರ್ಸ್​ 28,ವಾಷಿಂಗ್ಟನ್ ಸುಂದರ್ 30, ಶಿವಂ ದುಬೆ 12 ರನ್​ ಗಳಿಸಿದ್ದು ಬಿಟ್ಟರೇ ಇನ್ನುಳಿದ ಆಟಗಾರರು ಒಂದಂಕಿ ರನ್​ ಗಳಿಸಿದರು.

ಶತಕ ಸಿಡಿಸಿ ಅಬ್ಬರಿಸಿದ ಕೆ.ಎಲ್​.ರಾಹುಲ್ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ​ ​