ಕಿಮ್ ಜಾನ್ ಬದುಕಿದ್ದಾನಾ? – ಗೊತ್ತಾಗುತ್ತಲೇ ಇಲ್ಲ ಕೊರಿಯಾ ಸರ್ವಾಧಿಕಾರಿಯ ಸಾವಿನ ರಹಸ್ಯ?

ರೈಸಿಂಗ್ ಕನ್ನಡ :

ವೆಬ್ ಡೆಸ್ಕ್ :

ಉತ್ತರ ಕೊರಿಯಾ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಮೃತಪಟ್ಟಿರುವುದಾಗಿ ಕೆಲವು ಮಾಧ್ಯಮಗಳು ವರದಿ ಮಾಡಿವೆ. ಆದರೆ ಕಿಮ್ ಜಾಂಗ್ ಉನ್ನತ ಸಭೆಯೊಂದರಲ್ಲಿ ಏಕಾಏಕಿ ಪ್ರತ್ಯಕ್ಷರಾಗಿದ್ದು, ಆತನ ಸಾವಿನ ಕುರಿತಾದ ಊಹಾಪೋಹಕ್ಕೆ ತೆರೆಎಳೆದಿದ್ದಾರೆ.

ದಕ್ಷಿಣ ಕೊರಿಯಾ ಮಾಜಿ ಅಧ್ಯಕ್ಷ ಕಿಮ್ ಡೇ-ಜಂಗ್ ಅವರ ಆಪ್ತ ಸಹಾಯಕೊರೊಬ್ಬರು, ಉತ್ತರ ಕೊರಿಯಾ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಮೃತಪಟ್ಟಿರುವುದಾಗಿ ತಮ್ಮ ಫೇಸ್‌ಬುಕ್ ಖಾತೆಯಲ್ಲಿ ಘೋಷಿಸಿದ್ದಾರೆ.

ಆದರೆ ಉತ್ತರ ಕೊರಿಯಾ ಸರ್ಕಾರಿ ಮಾಧ್ಯಮ ಮಾತ್ರ ಕಿಮ್ ಜಾಂಗ್ ಉನ್ ಸಭೆಯಲ್ಲಿ ಮಾತನಾಡುತ್ತಿರುವ ದೃಶ್ಯಾವಳಿಗಳನ್ನು ಬಿತ್ತರಿಸಿದೆ. ಈ ಮೂಲಕ ಸರ್ವಾಧಿಕಾರಿ ಇನ್ನೂ ಜೀವಂತವಾಗಿದ್ದಾನೆ ಎಂದೇ ಉತ್ತರ ಕೊರಿಯಾ ವಾದಿಸುತ್ತಿದೆ.

ಆದರೆ ಕಿಮ್ ಯೋ ಜಾಂಗ್ ಸಂಪೂರ್ಣ ಆಧಿಕಾರವನ್ನು ತನ್ನ ಸುಪರ್ದಿಗೆ ಪಡೆದ ಕುರಿತು ಉತ್ತರ ಕೊರಿಯಾ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ. ಅಲ್ಲದೇ ಕಿಮ್ ಜಾಂಗ್ಉನ್‌ ಸಭೆಯಲ್ಲಿ ಭಾಗವಹಿಸಿ ಮಾತನಾಡುತ್ತಿರುವ ವಿಡಿಯೋ ಪ್ರದರ್ಶಿಸಿ ತನ್ನ ಸರ್ವಾಧಿಕಾರಿ ಜೀವಂತವಾಗಿದ್ದಾನೆ ಎಂದು ಬಿಂಬಿಸುತ್ತಿದೆ.

ಆದರೆ ಕಿಮ್ ಜಾಂಗ್ ಉನ್ ಸಾವಿನ ಅಸಲಿಯತ್ತು ಏನು ಎಂಬುದನ್ನು ಖಚಿತಪಡಿಸಿಕೊಳ್ಳಲು ದಕ್ಷಿಣ ಕೊರಿಯಾ ಹಾಗೂ ಅಮೆರಿಕ ತೀವ್ರ ಪ್ರಯತ್ನ ನಡೆಸುತ್ತಲೇ ಇವೆ.