ರಣರಾಕ್ಷಸ ಕೊರೊನಾ ಅಬ್ಬರ : ಒಂದೇ ದಿನ ಬರೋಬ್ಬರಿ 104 ಮಂದಿ ಬಲಿ- 24 ಗಂಟೆಯಲ್ಲಿ 4,169 ಸೋಂಕು, ಬೆಂಗಳೂರಲ್ಲಿ ಕೊರೊನಾಸುರನ ಆರ್ಭಟ

ರೈಸಿಂಗ್​ ಕನ್ನಡ:

ಬೆಂಗಳೂರು :

ಹೆಮ್ಮಾರಿ ಕೊರೊನಾ ರಣರಾಕ್ಷಸನಂತೆ ಅಬ್ಬರಿಸಿದ್ದಾನೆ. ಗುರುವಾರ ಒಂದೇ ದಿನ ಕಿಲ್ಲರ್​ ಕೊರೊನಾ ಶತಕ ಬಾರಿಸಿದೆ. ಬರೋಬ್ಬರಿ 104 ಮಂದಿ ಮಹಾಮಾರಿಗೆ  ಬಲಿಯಾಗಿದ್ದಾರೆ. ಬೆಂಗಳೂರಿನಲ್ಲಿ 70 ಮಂದಿ ಉಸಿರು ನಿಲ್ಲಿಸಿದ್ದಾರೆ.

ಕಳೆದ 24 ಗಂಟೆಯಲ್ಲಿ 4,169 ಸೋಂಕಿತರಾಗಿದ್ದಾರೆ. ರಾಜಧಾನಿ ಬೆಂಗಳೂರಿನ ಅಬ್ಬರಿಸುತ್ತಿರುವ  ಕಿಲ್ಲರ್​ ಕೊರೊನಾ 2,344 ಮಂದಿಗೆ  ಸೋಂಕು ತಗುಲಿದೆ. ಇದರೊಂದಿಗೆ ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 51,422ಕ್ಕೇ ಏರಿದೆ. ಬರೀ ಬೆಂಗಳೂರಲ್ಲೇ 25,288 ಸೋಂಕಿತರಾಗಿದ್ದಾರೆ. ಕಳೆದ 24 ಗಂಟೆಯಲ್ಲಿ 1263 ಮಂದಿ ಡಿಸ್ಚಾರ್ಜ್​ ಆಗಿದ್ದಾರೆ. ಇಲ್ಲಿಯವರಗೆ ಒಟ್ಟು 19,729 ಮಂದಿ ಚೇತರಿಸಿಕೊಂಡಿದ್ದಾರೆ.

ರಾಜ್ಯದಲ್ಲಿ ಈಗ 30, 655 ಪ್ರಕರಣಗಳು ಸಕ್ರಿಯವಾಗಿವೆ. 539 ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇನ್ನು ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಹೊಸ ಸೋಂಕಿತರ ಸಂಖ್ಯೆ

ದಕ್ಷಿಣ ಕನ್ನಡದಲ್ಲಿ 238, ಧಾರವಾಡ 176, ವಿಜಯಪುರ 144, ಮೈಸೂರು 130, ಕಲಬುರಗಿ 123, ಉಡುಪಿ 113, ರಾಯಚೂರು 101, ಬೆಳಗಾವಿ 92, ಉತ್ತರ ಕ್ನನಡ 79, ಚಿಕ್ಕಬಳ್ಳಾಪುರ 77, ಬೀದರ್​ 53, ಶಿವಮೊಗ್ಗ 46, ಬಳ್ಳಾರಿ 44, ಗದಗ 44, ಕೋಲಾರ 43, ಬಾಗಲಕೋಟೆ 39, ಯಾದಗಿರಿ 34, ಕೊಪ್ಪಳ 32, ಹಾಸನ 31, ಬೆಂಗಳೂರು ಗ್ರಾಮಾಂತರ 31, ಚಿಕ್ಕಮಗಳೂರು 30, ಚಿತ್ರದುರ್ಗ 21, ಹಾವೇರಿ 18, ಕೊಡಗು18, ಚಾಮರಾಜನಗರ 16, ತುಮಕೂರು 12, ಮಂಡ್ಯ 11, ಮತ್ತು ರಾಮನಗದರಲ್ಲಿ 4 ಜನರಿಗೆ ಪಾಸಿಟಿವ್​ ಎಂದು ಸಾಬೀತಾಗಿದೆ.