ಪ್ರಭಾಸ್​​ ಫ್ಯಾನ್ಸ್​ ದಿಲ್​ ಖುಷ್​ : ಈ ವರ್ಷ ರಾಧೆ ಶ್ಯಾಮ್​​.. ಮುಂದಿನ ವರ್ಷ ಸಲಾರ್​ ರಿಲೀಸ್​​ಗೆ ಮುಹೂರ್ತ ಫಿಕ್ಸ್​​

ರೈಸಿಂಗ್​ ಕನ್ನಡ :

ಟಾಲಿವುಡ್​ ಯಂಗ್​ ರೆಬಲ್​ ಸ್ಟಾರ್​ ಪ್ರಭಾಸ್​​ ಹಾಗೂ ‘ಕೆಜಿಎಫ್​​’ ಮಾಂತ್ರಿಕ ಪ್ರಶಾಂತ್​ ನೀಲ್​ ಕಾಂಬಿನೇಷನಲ್ಲಿ ರೆಡಿಯಾಗ್ತಿರೋ ಪ್ಯಾನ್​ ಇಂಡಿಯಾ ಸಿನಿಮಾ ‘ಸಲಾರ್​’. ಸಟ್ಟೇರಿದ ದಿನದಿಂದಲೂ ಒಂದಲ್ಲ ಒಂದು ವಿಷಯದಲ್ಲಿ ‘ಸಲಾರ್​​’ ಸಿನಿಮಾ ಸಖತ್​ ಸೌಂಡ್​​ ಮಾಡ್ತಿದೆ. ದಿನಕೊಂದು ಅಪಡೇಟ್​​ ಕೊಡುವ ಮೂಲಕ, ಪ್ಯಾನ್​ ಇಂಡಿಯಾ ಲೆವೆಲ್​ನಲ್ಲಿ ಹೈಪ್​ ಕ್ರಿಯೇಟ್​ ಮಾಡ್ತಿದೆ. ಹೀಗಿರುವಾಗಲೇ ‘ಸಲಾರ್​’ ಅಡ್ಡದಿಂದ ಈಗ ಸಿನಿಪ್ರೇಕ್ಷಕರಿಗೆ ಮತ್ತೊಂದು ಸರ್​ಪ್ರೈಸ್​​ ನ್ಯೂಸ್​​ವೊಂದು ರಿವೀಲ್​ ಆಗಿದೆ.

ಒಂದೇ ಒಂದು ಪೋಸ್ಟರ್​​ ಮೂಲಕವೇ ಇಡೀ ವರ್ಲ್ಡ್​ ವೈಡ್​ ಸದ್ದು ಮಾಡ್ತಿರೋ ಸಲಾರ್​​ ಸಿನಿಮಾವನ್ನ, ಬೆಳ್ಳಿ ಪರದೆ ಮೇಲೆ ಯಾವಾಗಪ್ಪ ನೋಡ್ತಿವಿ ಅಂತ ಕಾತುರದಿಂದ ಕಾಯ್ತಿದ್ದ ಅಭಿಮಾನಿಗಳಿಗೆ ಸಲಾರ್​​ ಸಲಾಡ್​​​ ಕೊಟ್ಟೇ ಬಿಟ್ಟಿದೆ. ಏಪ್ರಿಲ್​​ 14ಕ್ಕೂ, 2022ಕ್ಕೆ ವರ್ಲ್ಡ್​ ವೈಡ್​​ ಪಂಚ ಭಾಷೆಗಳಲ್ಲಿ ರಿಲೀಸ್​​ ಆಗಲಿದೆ ಸಲಾರ್​. ಈಗಾಗ್ಲೇ ಮುತ್ತಿನ ನಗರಿ ಹೈದ್ರಾಬಾದ್​​​ನಲ್ಲಿ ಫಸ್ಟ್​ ಶೆಡ್ಯೂಲ್​ ಕಂಪ್ಲೀಟ್​​ ಆಗಿದ್ದು, ಸೆಕೆಂಡ್​ ಶೆಡ್ಯೂಲ್​ ಸದ್ಯದಲ್ಲಿಯೇ ಶುರುವಾಗಲಿದೆ.

ಈ ಹೈವೋಲ್ಟೇಜ್​ ಆ್ಯಕ್ಷನ್​ ಸಿನಿಮಾ, ಬಹುಕೋಟಿ ವೆಚ್ಚದಲ್ಲಿ ರಾರಾಜಿಸಲಿದ್ದು, ಹೊಂಬಾಳೆ ಫಿಲ್ಮ್ಸ್​ ಬ್ಯಾನರ್​ನಲ್ಲಿ ವಿಜಯ್​ ಕಿರಗಂದೂರ್​​​ ನಿರ್ಮಾಣ ಮಾಡ್ತಿದ್ದಾರೆ. ಇನ್ನು ಮಾಫಿಯಾ ಡಾನ್​ ಅವತಾರದಲ್ಲಿ ಪ್ರಭಾಸ್​​ ಮಿಂಚಿದ್ರೆ. ನಾಯಕಿಯಾಗಿ ಕಮಲ್​​​ ಪುತ್ರಿ ಶೃತಿ ಹಾಸನ್​​ ಕಾಣಿಸಿಕೊಳ್ಳಲಿದ್ದಾರೆ. ಈಗಾಗಲೇ ಕನ್ನಡದ ‘ಮಫ್ತಿ’, ‘ವಜ್ರಕಾಯ’ ಸೇರಿದಂತೆ ಅನೇಕ ಕನ್ನಡ ಸಿನಿಮಾಗಳಲ್ಲಿ ನಟಿಸಿರೋ ಮಧು ಗುರುಸ್ವಾಮಿ, ಖಡಕ್​ ವಿಲನ್​ ಆಗಿ ಕಾಣಿಸಿಕೊಳ್ಳಲಿದ್ದಾರೆ.