ಕನ್ನಡ ರಾಜ್ಯೋತ್ಸವಕ್ಕೆ ಕೆಜಿಎಫ್​ ಸಿನಿಮಾ ರೀ-ರಿಲೀಸ್​ : ರಾಕಿಭಾಯ್​​ ಯಶ್​ ಅಬ್ಬರ

ರೈಸಿಂಗ್ ಕನ್ನಡ : ರಾಕಿಂಗ್​ ಸ್ಟಾರ್​ ಯಶ್​​ಗೆ ಈಗ ಡಬಲ್​ ಸಂಭ್ರಮ. ಎರಡನೇ ಮಗು ಆಗಿರೋ ಖುಷಿ ಒಂದು ಕಡೆಯಾದ್ರೆ, ಕನ್ನಡ ಚಿತ್ರರಂಗದ ಹೆಮ್ಮೆ ಎಂದೇ ಖ್ಯಾತಿ ಪಡೆದಿದ್ದ ಕೆಜಿಎಫ್​ ಸಿನಿಮಾ ಮತ್ತೆ ರೀ-ರಿಲೀಸ್​ ಆಗ್ತಿರೋದು ಮತ್ತೊಂದು ಖುಷಿ ವಿಚಾರ. ಯೆಸ್​, ಕೆಜಿಎಫ್​​ ಚಾಪ್ಟರ್​​​-2ಗಾಗಿ ಪ್ರೇಕ್ಷಕರು ಕಾತರದಿಂದ ಕಾಯ್ತಿದ್ರೆ, ಇತ್ತ ರಾಜ್ಯೋತ್ಸವ ಕೆಜಿಎಫ್​ ಮೊದಲ ಪಾರ್ಟ್​​​​ ರೀ-ರಿಲೀಸ್​ ಆಗ್ತಿದೆ..

ಕಳೆದ ವರ್ಷ ಐದು ಭಾಷೆಗಳಲ್ಲಿ ದೇಶಾದ್ಯಂತ ತೆರೆಕಂಡು ಸುಮಾರು 250 ಕೋಟಿ ಬಾಚಿದ್ದ ಸಿನಿಮಾ ಕೆಜಿಎಫ್​. ಪ್ರಶಾಂತ್​ ನೀಲ್​ ಡೈರೆಕ್ಷನ್​, ಯಶ್​​ ಆ್ಯಕ್ಟಿಂಗ್​ಗೆ ಇಡೀ ಸಿನಿಮಾ ಪ್ರೇಕ್ಷಕರು ಮಾರುಹೋಗಿದ್ರು. ಕನ್ನಡದಲ್ಲೇ ಅಲ್ಲದೆ, ಹಿಂದಿಯಲ್ಲೂ ದೊಡ್ಡಮಟ್ಟದ ಕ್ರೇಜ್​ ಹುಟ್ಟು ಹಾಕಿತ್ತು ಕನ್ನಡದ ಕೆಜಿಎಫ್​​. ಇದೀಗ ಕನ್ನಡ ರಾಜ್ಯೋತ್ಸವದ ಸಂಭ್ರಮಕ್ಕೆ ಕೆಜಿಎಫ್​ ಚಾಪ್ಟರ್​ 1, ರೀ ರಿಲೀಸ್​ ಆಗ್ತಿದೆ.

ಕೆಜಿಎಫ್​ ರಿ ರಿಲೀಸ್​ ಆಗ್ತಿರೋ ವಿಚಾರವನ್ನ ಚಿತ್ರತಂಡ ಸ್ಪಷ್ಟಪಡಿಸಿದ್ದು, ರಾಜ್ಯೋತ್ಸವಕ್ಕೆ ಬೆಳ್ಳಿ ತೆರೆಮೇಲೆ ಮತ್ತೊಮ್ಮೆ ರಾಕಿ ಭಾಯ್​ ಅಬ್ಬರಿಸಲಿದ್ದಾರೆ.  30ಕ್ಕೂ ಹೆಚ್ಚು ಸ್ಕ್ರೀನ್​​ಗಳಲ್ಲಿ ಕೆಜಿಎಫ್​ ರಿಲೀಸ್​ ಆಗ್ತಿದ್ದು, ವಿಶೇಷ ಎನ್ನುವಂತೆ, ಟಿಕೆಟ್​ ದರದಲ್ಲಿ ಕಡಿತಗೊಳಿಸಲಾಗಿದೆ. ಬೆಂಗಳೂರಿನ ನಗರದ ಊರ್ವಶಿ, ಕಾವೇರಿ, ಸಂಪಿಗೆ ಸೇರಿ ಹಲವು ಮಲ್ಟಿಫ್ಲೆಕ್ಸ್​​ಗಳಲ್ಲೂ ಕೆಜಿಎಫ್​ ತೆರೆ ಕಾಣ್ತಿದೆ. ವಿಶೇಷ ಅಂದ್ರೆ, 200, 300 ರೂಪಾಯಿ ಇದ್ದ ಟಿಕೆಟ್​ ದರ, 30, 40 ಹಾಗೂ 50 ರೂಪಾಯಿಗೆ ಇಳಿಕೆ ಮಾಡಲಾಗಿದೆ.

ಸೋ, ಇನ್ಯಾಕೆ ತಡ, ಈಗಲೇ ಬುಕ್​​ ಮಾಡಿಕೊಳ್ಳಿ.. ಮತ್ತೊಮ್ಮೆ ಬಿಗ್​ ಸ್ಕ್ರೀನ್​ನಲ್ಲಿ ಕೆಜಿಎಫ್​ ನೋಡೋಕೆ ರೆಡಿಯಾಗಿ.