ರಾಜ್ಯದಲ್ಲಿ ಕೊರೊನಾ ರಣ ಕೇಕೆ : ದಾಖಲೆಯ 9,386 ಕೇಸ್: 141 ಬಲಿ

ರೈಸಿಂಗ್ ಕನ್ನಡ

ಬೆಂಗಳೂರು:

ರಾಜ್ಯದಲ್ಲಿ ಮಹಾಮಾರಿ ಕೊರೊನಾ ರಣಕೇಕೆ ಹಾಕಿದೆ. ಕಳೆದ 24 ಗಂಟೆಯಲ್ಲಿ 9 ಸಾವಿರಕ್ಕೂ ಹೆಚ್ಚು ಹೊಸ ಕೊರೊನಾ ಸೋಂಕಿತರು ಪತ್ತೆಯಾಗಿದ್ದಾರೆ.

ರಾಜ್ಯ ಆರೋಗ್ಯ ಇಲಾಖೆ ಬಿಡುಗಡ ಮಾಡಿದ ವರದಿಯಲ್ಲಿ  ಗುರುವಾರ ದಾಖಲೆಯ 9,386 ಹೊಸ ಕೊರೊನಾ ಪ್ರಕರಣ ದಾಖಲಾಗಿದೆ. ಇದರೊಂದಿಗೆ ಸೋಂಕಿತರ ಸಂಖ್ಯೆ 3.09 ಲಕ್ಷಕ್ಕೆ ಎರಿದೆ.

ಇನ್ನು ಸಾವಿನಲ್ಲೂ ಕೊರೊನಾ ಅಬ್ಬರಿಸಿದೆ. ಕ್ರೂರಿ ಹೊಡೆತಕ್ಕೆ 141 ಮಂದಿ ಕೊನೆಯುಸಿರೆಳೆದಿದ್ದಾರೆ. ಇದರೊಂದಿಗೆ ರಾಜ್ಯದಲ್ಲಿ ಕೋವಿಡ್​ಗೆ ಬಲಿಯಾದವರ ಸಂಖ್ಯೆ 5,232ಕ್ಕೆ ಏರಿದೆ. ರಾಜ್ಯದಲ್ಲಿ  84,987 ಸಕ್ರಿಯ ಪ್ರಕರಣಗಳಿವೆ.

ಗುರುವಾರ ದಾಖಲೆಯ 7,866 ಮಂದಿ ಡಿಸ್ಚಾರ್ಜ್​ ಆಗಿದ್ದಾರೆ. ಇದರೊಂದಿಗೆ ಡಿಸ್ಚಾರ್ಜ್​ ಆದವರ ಒಟ್ಟು ಸಂಖ್ಯೆ 2,19,554 ಆಗಿದ್ದಾರೆ.

ಇನ್ನು ರಾಜಧಾನಿ ಬೆಂಗಳೂರಿನಲ್ಲಿ  3,357 ಹೊಸ ಕೇಸ್​ ಪತ್ತೆಯಾಗಿದ್ದು  59 ಮಂದಿ ಮೃತಪಟ್ಟಿದ್ದಾರೆ. 3,362  ಮಂದಿ ಡಿಸ್ಚಾರ್ಜ್​ ಆಗಿದ್ದಾರೆ.