ರಾಜ್ಯದಲ್ಲಿ ಕೊರೊನಾ ಅಬ್ಬರ: 115 ಬಲಿ, 6,317 ಹೊಸ ಕೇಸ್, 7071 ಡಿಸ್ಚಾರ್ಜ್

ರೈಸಿಂಗ್ ಕನ್ನಡ :

ಬೆಂಗಳೂರು: 

ರಾಜ್ಯದಲ್ಲಿ  ಕೊರೊನಾ ಅಬ್ಬರ ಜೋರಾಗಿದ್ದು ದಾಖಲೆಯ 115 ಮಂದಿ ಬಲಿಯಾಗಿದ್ದಾರೆ. 6 ಸಾವಿರಕ್ಕೂ ಹೆಚ್ಚು ಕೇಸ್ ಪತ್ತೆಯಾಗಿದೆ.

ರಾಜ್ಯ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿರುವ ವರದಿಯಲ್ಲಿ ಕಳೆದ 24 ಗಂಟೆಯಲ್ಲಿ ದಾಖಲೆಯ 115 ಮಂದಿ ಕೊರನಾ ಏಟಿಗೆ ಬಲಿಯಾಗಿದ್ದಾರೆ.ಇದರೊಂದಿಗೆ ರಾಜ್ಯದಲ್ಲಿ ಒಟ್ಟು ಕೊರೊನಾಗೆ ಬಲಿಯಾದವರ ಸಂಖ್ಯೆ 4,062ಕ್ಕೆ ಏರಿದೆ.

ಇನ್ನು ಸೋಂಕಿನಲ್ಲೂ ಕೊರೊನಾ ಆರ್ಭಟಿಸಿದ್ದು ಒಂದೇ ದಿನ  6,317 ಹೊಸ ಕೇಸ್​ ಪತ್ತೆಯಾಗಿದೆ.ರಾಜ್ಯದಲ್ಲಿ ಇದೀಗ ಒಟ್ಟು ಸೋಂಕಿತರ ಸಂಖ್ಯೆ  2,33,283ಕ್ಕೆ ಏರಿದೆ.

ರಾಜ್ಯದಲ್ಲಿ ಒಟ್ಟು  80,643ಕ್ಕೇ ಏರಿದೆ. ಸೋಮವಾರ 7071 ಮಂದಿ ಕೊರೊನಾದಿಂದ ಚೇತರಿಸಿಕೊಂಡು ಬಿಡುಗಡೆಯಾಗಿದ್ದು ಡಿಸ್ಚಾರ್ಜ್​ ಆದವರ ಸಂಖ್ಯೆ 14,8562 ಕ್ಕೆ ಏರಿದೆ.

ಇನ್ನು ರಾಜಧಾನಿ ಬೆಂಗಳೂರಿನಲ್ಲೂ ಕೊರೊನಾ ಅಟ್ಟಹಾಸ ಮೆರೆದಿದ್ದು 2053 ಹೊಸ ಕೊರೊನಾ ಕೇಸ್ ಪತ್ತೆಯಾಗಿದೆ. ನಗರದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 91,864ಕ್ಕೇ ಏರಿದೆ.

ಸೋಮವಾರ ಕೋವಿಡ್​ಗೆ 39 ಮಂದಿ ಸಾವನಪ್ಪಿದ್ದು  ಸಾವಿನ ಸಂಖ್ಯೆ 1,483ಕ್ಕೆ ಏರಿದೆ. ಬೆಂಗಳೂರಿನಲ್ಲಿ ಒಟ್ಟು 34,408 ಸಕ್ರಿಯ ಪ್ರಕರಣಗಳಿವೆ. ಸೋಮವಾರ 2,190 ಮಂದಿ ಡಿಸ್ಚಾರ್ಜ್​ ಆಗಿದ್ದಾರೆ.