Featured
ನಾಳೆ ನಿರ್ಧಾರವಾಗಲಿದೆ ಲಾಕ್‌ಡೌನ್ ಭವಿಷ್ಯ! – ಬೆಳಗ್ಗೆ 11 ಗಂಟೆಗೆ ಮಹತ್ವದ ಕ್ಯಾಬಿನೆಟ್ ಸಭೆ.
ರೈಸಿಂಗ್ ಕನ್ನಡ :
ಬೆಂಗಳೂರು :
ರಾಜ್ಯದಲ್ಲಿ ಮತ್ತೆ ಲಾಕ್‌ಡೌನ್ ಮಾಡಬೇಕಾ… ಮಾಡ್ಲೇಬೇಕು. ಯಾಕಂದ್ರೆ, ಕೊರೊನಾ ಸಂಪೂರ್ಣವಾಗಿ ಸಮುದಾಯಕ್ಕೆ ಹಬ್ಬೋದನ್ನ ತಡಿಯಬೇಕು ಅಂದ್ರೆ, ಲಾಕ್‌ಡೌನ್ ಮಾಡಲೇಬೇಕು. ಆರೋಗ್ಯ ಸಚಿವ ಶ್ರೀರಾಮುಲು ಈ ವಿಚಾರವಾಗಿ ಟ್ವೀಟ್ ಮಾಡಿದ್ದರು. ಇನ್ನೂ ವೈದ್ಯಕೀಯ ಶಿಕ್ಷಣ ಸಚಿವರ ಕುಟುಂದಲ್ಲೇ ಕೊರೊನಾ ಪಾಸಿಟಿವ್ ಬಂದಿದೆ.
ಎಲ್ಲಕ್ಕಿಂತ ಹೆಚ್ಚಾಗಿ ಬೆಂಗಳೂರಿನಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ದಿನೇ ದಿನೇ ಏರುತ್ತಲೇ ಇದೆ. ಕೊರೊನಾ ಹೆಚ್ಚಾಗುತ್ತಿದ್ರು, ಜನರು ಮಾತ್ರ ತಲೆಕೆಡಿಸಿಕೊಂಡಿಲ್ಲ. ನಗರದಲ್ಲಿ ಜನಜೀವನ ಸಹಜಸ್ಥಿಯಲ್ಲೇ ಇದೆ. ಟ್ರಾಫಿಕ್ ಹೆಚ್ಚಾಗಿದೆ. ಕೆಲವೊಂದು ವಾರ್ಡ್‌ಗಳನ್ನ ಬಿಟ್ಟರೇ ಮತ್ತೆಲ್ಲವೂ ಸಾಮಾನ್ಯಸ್ಥಿತಿಯಲ್ಲೇ ಇದೆ. ಕೊರೊನಾ ಕಡಿಮೆ ಇದ್ದಾಗ ಲಾಕ್‌ಡೌನ್ ಮಾಡಲಾಗಿತ್ತು. ಆದ್ರೀಗ ಹೆಚ್ಚಾಗುತ್ತಿರುವಾಗ ಸುಮ್ಮನೆ ಇರೋದು ಎಷ್ಟು ಸರಿ ಅನ್ನೋ ಪ್ರಶ್ನೆ ಮಾಡಿದೆ.
ಈ ನಿಟ್ಟಿನಲ್ಲಿ ರಾಜ್ಯಸರ್ಕಾರ ನಾಳೆ ಮಹತ್ವದ ಸಭೆ ಕರೆದಿದೆ. ಬೆಳಗ್ಗೆ 11 ಗಂಟೆಗೆ ಸಿಎಂ ನೇತೃತ್ವದಲ್ಲಿ ಕ್ಯಾಬಿನೆಟ್ ಸಭೆ ಕರೆಯಲಾಗಿದೆ. ಉನ್ನತ ಮೂಲಗಳ ಪ್ರಕಾರ, ಮತ್ತೆ ಲಾಕ್‌ಡೌನ್ ಮಾಡೋದು ಪಕ್ಕಾ ಎನ್ನಲಾಗುತ್ತಿದೆ. ರಾಜ್ಯಾದ್ಯಂತ ಇಲ್ಲದಿದ್ರೂ, ಬೆಂಗಳೂರಿನಲ್ಲಿ ಲಾಕ್‌ಡೌನ್ ಮಾಡಲೇಬೇಕಾದ ಅನಿವಾರ್ಯತೆ ಇದೆ. ಹೀಗಾಗಿ ನಾಳಿನ ಸಭೆ ಮೇಲೆ ಎಲ್ಲರ ಕಣ್ಣು.
