ಸತತ ಐದನೇ ದಿನವೂ ಕೊರೊನಾಸುರನ ಆರ್ಭಟ : 5072 ಕೇಸ್, ರಾಜ್ಯದಲ್ಲಿ ಇಂದಿನ ಬಲಿ ಎಷ್ಟು ಗೊತ್ತಾ?

ರೈಸಿಂಗ್ ಕನ್ನಡ :

ಬೆಂಗಳೂರು :

ರಾಜ್ಯದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಲ್ಲೇ ಇದ್ದು ಸತತ ಐದನೇ ದಿನವೂ 5 ಸಾವಿರ ಗಡಿ ದಾಟಿದೆ. ಶನಿವಾರ 72 ಮಂದಿ ಬಲಿಯಾಗಿದ್ದಾರೆ.

ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿರುವ ವರದಿಯಲ್ಲಿ ಶನಿವಾರ 5072 ಕೊರೊನಾ ಪ್ರಕರಣಗಳು ದಾಖಲಾಗಿವೆ.  ಇದರೊಂದಿಗೆ ಸೋಂಕಿತರ ಸಂಖ್ಯೆ 90 ಸಾವಿರ ತಲುಪಿದೆ. ಒಟ್ಟು ಸೋಂಕಿತರ ಸಂಖ್ಯೆ 90,942 ಏರಿಕೆಯಾಗಿದೆ.

ಸಂತಸದ ವಿಚಾರವೇನೆಂದರೆ 2403 ಜನ ಆಸ್ಪತ್ರೆಯಿಂದ ಡಿಸ್​ಚಾರ್ಜ್​ ಆಗಿದ್ದಾರೆ.  ಒಟ್ಟು ಚೇತರಿಸಿಕೊಂಡವರು  ಸಂಖ್ಯೆ 33,750 ಏರಿದೆ.  ಒಟ್ಟು 1804 ಮಂದಿ ಇದುವರೆಗೂ ಉಸಿರು ಬಿಟ್ಟಿದ್ದಾರೆ. 55,388 ಸಕ್ರಿಯ ಪ್ರಕರಣಗಳಿವೆ.

ಇನ್ನು ರಾಜಧಾನಿ ಬೆಂಗಳೂರಿನಲ್ಲಿ 2036 ಹೊಸ ಸೋಂಕಿನ ಪ್ರಕರಣ ಬೆಳಕಿಗೆ ಬಂದಿದ್ದು ಒಟ್ಟು ಸೋಂಕಿತರ ಸಂಖ್ಯೆ 43,503ಕ್ಕೆ ಏರಿಕೆಯಾಗಿದೆ.  ಶನಿವಾರ 30 ಮಂದಿ ಬಲಿಯಾಗಿದ್ದಾರೆ. ಶುಕ್ರವಾರಕ್ಕಿಂತ ಸಾವಿನ ಸಂಖ್ಯೆ ಕಡಿಮೆಯಾಗಿದೆ.