ಸಿಎಂ ಯಡಿಯೂರಪ್ಪಗೆ ನಂಬರ್​ 6 ಟೆನ್ಷನ್​ : ಸರ್ಕಾರದ ಉಳಿವಿಗೆ ಏನ್ಮಾಡೋದು..?

ಬೆಂಗಳೂರು : ರಾಜ್ಯದಲ್ಲಿ ಉಪಚುನಾವಣೆ ಘೋಷಣೆ ಆಗ್ತಿದ್ದಂತೆ ರಾಜಕೀಯ ಚಟುವಟಿಕೆ ಗರಿಗೆದರಿವೆ. ಯಡಿಯೂರಪ್ಪ ಸರ್ಕಾರ ಉಳಿಯಬೇಕು ಅಂದ್ರೆ, ಬೈ ಎಲೆಕ್ಷನ್​ ಆಗುವ 15 ಕ್ಷೇತ್ರಗಳ ಪೈಕಿ ಕನಿಷ್ಠ ಆರು ಕ್ಷೇತ್ರಗಳನ್ನ ಗೆಲ್ಲಲೇ ಬೇಕು. ಹೀಗಾಗಿ ಸಿಎಂ ಯಡಿಯೂರಪ್ಪಗೆ ಈಗ ನಂಬರ್ 6 ಟೆನ್ಷನ್​ ಶುರುವಾಗಿದೆ.

ಸದ್ಯ ಬಿಜೆಪಿಯಲ್ಲಿ 105 ಶಾಸಕರಿದ್ದಾರೆ. ಮುಳಬಾಗಿಲು ಶಾಸಕ ನಾಗೇಶ್​ ಪಕ್ಷೇತರರಾಗಿದ್ದು, ಬಿಜೆಪಿಗೆ ಬೆಂಬಲ ನೀಡಿದ್ದಾರೆ. ಅಲ್ಲಿಗೆ ಬಿಜೆಪಿ ಬಲ 106 ಆಗಿದೆ. 15 ಕ್ಷೇತ್ರಗಳಿಗೆ ಎಲೆಕ್ಷನ್​ ನಡೆದ್ರೆ, ಒಟ್ಟು ವಿಧಾನಸಭಾ ಸಂಖ್ಯೆ 222 ಆಗುತ್ತೆ. ಆಗ ಬಹುಮತಕ್ಕೆ 112 ಶಾಸಕರ ಬಲ ಬೇಕಾಗುತ್ತೆ. ಸದ್ಯ ಬಿಜೆಪಿಗೆ 106 ಶಾಸಕರ ಬಲ ಇದ್ದು, 112 ಶಾಸಕರ ಬಲ ಬೇಕು ಅಂದ್ರೆ, 15 ವಿಧಾನಸಭಾ ಕ್ಷೇತ್ರಗಳ ಪೈಕಿ ಕನಿಷ್ಠ 6 ಗೆಲ್ಲಲೇ ಬೇಕು. 

ಹೀಗಾಗಿಯೇ ಫುಲ್​ ಟೆನ್ಷನ್​ನಲ್ಲಿರೋ ಸಿಎಂ ಯಡಿಯೂರಪ್ಪ, ಚುನಾವಣೆ ಘೋಷಣೆ ಆಗ್ತಿದ್ದಂತೆ ಆ್ಯಕ್ಷನ್​ ಪ್ಲಾನ್​ಗೆ ಮುಂದಾಗಿದ್ದಾರೆ. ಅನರ್ಹ ಶಾಸಕರ ಜೊತೆ ಸಭೆ ನಡೆಸಿರೋ ಸಿಎಂ ಬಿಎಸ್​​ವೈ, ಹೇಗಾದರೂ ಮಾಡಿ, ಅನರ್ಹ ಶಾಸಕರ ಕ್ಷೇತ್ರಗಳಲ್ಲಿ ಬಿಜೆಪಿ ಗೆಲ್ಲಬೇಕು. ಇದಕ್ಕೆ ಯಾವೆಲ್ಲಾ ತಂತ್ರ, ಪ್ರತಿತಂತ್ರಗಳನ್ನ ಅನುಸರಿಸಬೇಕು ಅನ್ನೋದರ ಚರ್ಚೆ ನಡೆದಿದೆ.