ಜೆಡಿಎಸ್​​ 12 ಶಾಸಕರು ಬಿಜೆಪಿಗೆ ಬರ್ತಾರಾ..? ಡಿಸಿಎಂ ಗೋವಿಂದ ಕಾರಜೋಳ ಮಾತಿನ ಅರ್ಥವೇನು..?

ಕಲಬುರಗಿ : ಜೆಡಿಎಸ್​ನಲ್ಲಿ ಸಮಾಧಾನದ ಹೊಗೆ ಇರೋ ಟೈಮಲ್ಲೇ ಇದಕ್ಕೆ ಪುಷ್ಠಿ ನೀಡುವಂತಹ ಸುದ್ದಿ ಹೊರಬಿದ್ದಿದೆ. ಈಗಾಗಲೇ ಅತೃಪ್ತ ಎಂಎಲ್​ಸಿಗಳು ಸಭೆ ನಡೆಸಿದ್ದಾರೆ. ಇತ್ತ ಜೆಡಿಎಸ್​ ವರಿಷ್ಠರು ಸಭೆ ನಡೆಸಿ, ಎಲ್ಲಾ ಅಸಮಾಧಾನವನ್ನ ಬಗೆಹರಿಸೋ ಪ್ರಯತ್ನ ನಡೆಸ್ತಿದ್ದಾರೆ. ಆದ್ರೆ, ಉಪ ಚುನಾವಣೆ ಬಳಿಕ ಜೆಡಿಎಸ್​ನ 12 ಶಾಸಕರು ಬಿಜೆಪಿಗೆ ಸೇರ್ತಾರೆ ಅನ್ನೋ ಸುದ್ದಿ ಜೋರಾಗಿದೆ. ಇದಕ್ಕೆ ಡಿಸಿಎಂ ಗೋವಿಂದ ಕಾರಜೋಳ ಮಾತು ಪುಷ್ಠಿ ನೀಡುವಂತಿದೆ.

ಕಲಬುರಗಿಯಲ್ಲಿ ಮಾತ್ನಾಡಿರೋ ಡಿಸಿಎಂ ಗೋವಿಂದ ಕಾರಜೋಳ, ಜೆಡಿಎಸ್​ನ 12 ಶಾಸಕರ ಬಗ್ಗೆ ಯಾವುದೇ  ವಿಚಾರ ನನಗೆ ಗೊತ್ತಿಲ್ಲ. ಆದ್ರೆ ನಮ್ಮ ಪಕ್ಷದ ಬಾಗಿಲು ಯಾವಾಗಲೂ ತೆರೆದಿರುತ್ತೆ. ಯಾರೇ ನಮ್ಮ ಪಕ್ಷಕ್ಕೆ ಬಂದ್ರೂ ಸ್ವಾಗತ ಮಾಡ್ತೇವೆ ಎಂದು ಹೇಳಿಕೆ ನೀಡಿದ್ದಾರೆ. ಈ ಮೂಲಕ ಪರೋಕ್ಷವಾಗಿ, ಜೆಡಿಎಸ್ ಶಾಸಕರಿಗೆ ಡಿಸಿಎಂ ಕಾರಜೋಳ ಆಫರ್ ಕೊಟ್ಟಿದ್ದಾರೆ.

ಹಾಗಿದ್ರೆ, ಬಿಜೆಪಿ ನಾಯಕರು ಮತ್ತೊಮ್ಮೆ ಆಪರೇಷನ್​ಗೆ ಮುಂದಾಗಿದ್ದಾರಾ..? ಉಪ ಚುನಾವಣೆಯಲ್ಲಿ ಬಿಜೆಪಿಗೆ ಹೆಚ್ಚಿನ ಸ್ಥಾನ ಬಾರದೇ ಇದ್ರೆ, ಈ ತಂತ್ರ ಪಾಲಿಸ್ತಾರಾ ಅನ್ನೋ ಕುತೂಹಲ ಸದ್ಯ ರಾಜ್ಯ ರಾಜಕೀಯದಲ್ಲಿ ಗರಿಗೆದರಿದೆ.