ದೇವ ಮಾನವ ಕಲ್ಕಿ ಭಗವಾನ್​​ ಆಶ್ರಮದಲ್ಲಿ ಸಿಕ್ಕಿದ್ದು ಬರೋಬ್ಬರಿ 490 ಕೋಟಿ ಅಕ್ರಮ ಕ್ಯಾಶ್​..!

ರೈಸಿಂಗ್ ಕನ್ನಡ / ಬೆಂಗಳೂರು :  

ಆದಾಯ ತೆರಿಗೆ ಅಧಿಕಾರಿಗಳು ಕಳೆದ ಎರಡು ದಿನಗಳಿಂದ ನಡೆಸಿದ ದಾಳಿಯಲ್ಲಿ, ಕಲ್ಕಿ ಭಗವಾನ್​ ಆಶ್ರಮ ಹಾಗೂ ಮನೆಯಲ್ಲಿ ಅಪಾರ ಪ್ರಮಾಣದ ಹಣ ಪತ್ತೆಯಾಗಿದೆ. ಬೆಂಗಳೂರು, ಹೈದ್ರಾಬಾದ್​, ತಮಿಳುನಾಡು ಸೇರಿದಂತೆ ಸುಮಾರು 40 ಪ್ರದೇಶಗಳಲ್ಲಿ ಏಕಕಾಲದಲ್ಲಿ ಐಟಿ ಅಧಿಕಾರಿಗಳು ದಾಳಿ ನಡೆಸಿದ್ರು. ದಾಳಿ ಮುಗಿದ ಮೇಲೆ ಎಲ್ಲಾ ಲೆಕ್ಕ ಹಾಕಿದ್ರೆ, ಬರೋಬ್ಬರಿ 490 ಕೋಟಿ ಕ್ಯಾಶ್​ ಸಿಕ್ಕಿದೆ. ಈ ಹಣಕ್ಕೆ ಯಾವುದೇ ರೀತಿ ದಾಖಲೆಗಳು ಇಲ್ಲ ಎಂದು ಐಟಿ ಇಲಾಖೆ ಪತ್ರಿಕಾ ಪ್ರಕಟಣೆ ಹೊರಡಿಸಿದೆ.

ಈ ಹಣ ಕಲ್ಕಿ ಭಗವಾನ್ ಹಾಗೂ ಅವರ ಮಗ ಕೃಷ್ಣಾ ಅವರಿಗೆ ಸೇರಿದ್ದಾಗಿದೆ. ಆದ್ರೆ, ಹಣದ ಮೂಲ ಎಲ್ಲೂ ನಮೂದಾಗಿಲ್ಲ. ಹೀಗಾಗಿ, 490 ಕೋಟಿ ಕ್ಯಾಶ್​ ಸೀಜ್​ ಮಾಡಿದ್ದು, ಅಕ್ರಮ ಹಣ ಎಂದು ಘೋಷಿಸಲಾಗಿದೆ. 1980ರಲ್ಲಿ ಕಲ್ಲಿ ಭಗವಾನ್​ ಆಶ್ರಮ ಆರಂಭಿಸಿ, ಬಳಿಕ ಹಲವು ರೀತಿಯ ಉದ್ಯಮಗಳಲ್ಲಿ ಕಲ್ಕಿ ಭಗವಾನ್​ ತೊಡಗಿಸಿಕೊಂಡಿದ್ರು. ಇದಕ್ಕೆ ತಮ್ಮ ಪುತ್ರ ಕೃಷ್ಣಾ ಸಾಥ್ ನೀಡಿದ್ರು.

ತನ್ನನ್ನು ತಾನು ವಿಷ್ಣುವಿನ 10ನೇ ಅವತಾರ ಎಂದು ಕರೆದುಕೊಳ್ಳುವ ಸ್ವಯಂ ಘೋಷಿತ ದೇವ ಮಾನವ ಈ ಕಲ್ಕಿ ಭಗವಾನ್​. ಕರ್ನಾಟಕ, ಆಂಧ್ರ, ತೆಲಂಗಾಣ ಹಾಗೂ ತಮಿಳುನಾಡಿನಲ್ಲಿ ಅಪಾರ ಭಕ್ತ ಸಮೂಹವನ್ನೇ ಕಲ್ಕಿ ಭಗವಾನ್ ಹೊಂದಿದ್ದಾರೆ.

ಕಲ್ಕಿ ಆಶ್ರಮದಲ್ಲಿ ಏನೇನು ಸಿಕ್ಕಿದೆ..?

• 93 ಕೋಟಿ ರೂ. ಕ್ಯಾಶ್​
• 18 ಕೋಟಿ ವಿದೇಶಿ ಕರೆನ್ಸಿ
• 88 ಕೆಜಿ ಚಿನ್ನ, 26 ಕೋಟಿ ರೂ.ಮೌಲ್ಯ
• 1271 ಕ್ಯಾರೆಟ್​ ವಜ್ರದ ಮೌಲ್ಯ 5 ಕೋಟಿ ರೂ.
• 500 ಕೋಟಿ ರೂಗೂ ಹೆಚ್ಚು ಅಕ್ರಮ ಆಸ್ತಿ

ಒಟ್ಟಿನಲ್ಲಿ ಕಲ್ಕಿ ಭಗವಾನ್​ ನಿಜ ಸ್ವರೂಪ ಬಯಲಾಗಿದ್ದು, ಐಟಿ ಅಧಿಕಾರಿಗಳ ಮುಂದಿನ ನಡೆ ಏನು ಅನ್ನೋದು ಕುತೂಹಲ ಮೂಡಿಸಿದೆ. ಇನ್ನೂ, ಐಟಿ ಅಧಿಕಾರಿಗಳ ದಾಳಿ ಹಾಗೂ ವಿಚಾರಣೆ ನಡೆಯುತ್ತಿದೆ.