ಶಾರ್ಜಾ ಅಂಗಳದಲ್ಲಿ ಆರ್ಸಿಬಿಗೆ ಸನ್ ರೈಸರ್ಸ್​ ಸವಾಲು: ಪ್ಲೇ ಆಫ್ ಗೆ ಇನ್ನೊಂದೇ ಹೆಜ್ಜೆ

ರೈಸಿಂಗ್​ ಕನ್ನಡ:

ನ್ಯೂಸ್​ ಡೆಸ್ಕ್​:

ಐಪಿಎಲ್​ನ 52ನೇ ಪಂದ್ಯದಲ್ಲಿ ಇಂದು ಆರ್​ಸಿಬಿ ಸನ್​ರೈಸರ್ಟ್​ ತಂಡವನ್ನ ಎದುರಿಸಲಿದೆ. ಐತಿಹಾಸಿಕ ಶಾರ್ಜಾ ಅಂಗಳದಲ್ಲಿ ನಡೆಯಲಿರುವ ಪಂದ್ಯದಲ್ಲಿ  ಆರ್​ಸಿಬಿ ಪ್ಲೇ ಆಫ್​ಗೆ ಹೋಗಲು ಇನ್ನೊಂದು ಗೆಲುವು ಬೇಕಾಗಿದ್ದು  ಗೆಲ್ಲಲ್ಲೇಬೇಕಾದ ಒತ್ತಡ ಎದುರಿಸುತ್ತಿದೆ.

ಟೂರ್ನಿಯಲ್ಲಿ ಆರ್​ ಸಿಬಿ 12 ಪಂದ್ಯಗಳಿಂದ  8ರಲ್ಲಿ ಗೆಲುವು ಸಾಧಿಸಿ 4ರಲ್ಲಿ ಸೋಲು ಕಂಡಿದೆ. ಇನ್ನು ಅಂಕಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿರುವ ಸನ್​ರೈಸರ್ಸ್ ತಂಡ ನೆಟ್ ರೇಟ್​ ಆಧಾರದ ಮೇಲೆ ಪ್ಲೇ ಆಫ್​ ಕನಸು ಕಾಣುತ್ತಿದೆ.ಶಾರ್ಜಾ ಅಂಗಳದಲ್ಲಿ ಆರ್​ಸಿಬಿ ಆಡಿದ ಎರಡು ಪಂದ್ಯಗಳಲ್ಲಿ  ಒಂದರಲ್ಲಿ ಗೆದ್ದು ಬೀಗಿದೆ.

ಇನ್ನು ಸನ್​ರೈಸರ್ಸ್​ ಹೈದ್ರಾಬಾದ್​ ಈ ಅಂಗಳದಲ್ಲಿ  ​ ವಿರುದ್ಧ ಸೋಲು ಕಂಡಿದೆ ಹೀಗಾಗಿ ಆರ್​ಸಿಬಿ ಇದು  ಪ್ಲಸ್​ ಪಾಯಿಂಟ್​ ಆಗಿದೆ. ಕಳೆದ ಎರಡು ಪಂದ್ಯಗಳಿಂದ ಸೋತಿರುವ ರಾಯಲ್​ ಚಾಲಂಜರ್ಸ್​ ಮಾಡಿದ ತಪ್ಪುಗಳಿಂದ ಪಾಠ ಕಲಿಯಬೇಕಾಗಿದೆ. ಆಯಾ ಕೋಟಾಕ್ಕೆ ಸೂಕ್ತ ಆಟಗಾರನಿಗೆ ಅವಕಾಶ ಕೊಟ್ಟು ಸನ್​ರೈಸರ್ಸ್​ ಮೇಲೆ ಸವಾಲಿ ಮಾಡಬೇಕಿದೆ.

ಮುಖ್ಯವಾಗಿ ತಂಡದ ಮಿಡ್ಲ್​ ಆರ್ಡರ್​ ಬ್ಯಾಟಿಂಗ್ ಲೈನ್​ ಅಪ್​ನಲ್ಲಿ  ಸಿಡಿಯಬೇಕಿದೆ.  ತಂಡದ ಮಿಸ್ಟರ್​ 360 ಎಬಿಡಿ ವಿಲಿಯರ್ಸ್​ ಮತ್ತೆ ಅಬ್ಬರದ ಬ್ಯಾಟಿಂಗ್​ ಮಾಡಬೇಕಿದೆ. ಇಂಜುರಿ ಸಮಸ್ಯೆ ಎರಡೂ ತಂಡಗಳನ್ನ ಕಾಡಿದೆ. ಆರ್​ಸಿಬಿ ಪರ ನವದೀಪ್​ ಸೈನಿ ಆಡೋದು ಅನುಮಾನದಿಂದ ಕೂಡಿದ್ರೆ. ಕಳೆದ ಪಂದ್ಯದಲ್ಲಿ  ಆರ್​ಸಿಬಿ ವಿರುದ್ಧ ಅಬ್ಬರಿಸಿದ್ದ ಸನ್​ರೈಸರ್ಸ್​ ತಂಡ ವೃದ್ದಿಮನ್​ ಸಾಹಾ ಇಂಜುರಿಗೆ ಒಳಗಾಗಿದ್ದಾರೆ ಹೀಗಾಗಿ ಆರ್​ಸಿಬಿಗೆ ಇದು ಅಡ್ವಾಂಟೇಜ್​ ಆಗಲಿದೆ.

ಇದಲ್ಲದೇ ಕಳೆದ ಪಂದ್ಯದಲ್ಲಿ ಆರ್​ಸಿಬಿ  ಸನ್​ರೈಸರ್ಸ್​ ತಂಡವನ್ನ ಬಗ್ಗುಬಡಿದಿತ್ತು ಇದು ಆರ್​ಸಿಬಿ ತಂಡದ ಆತ್ಮ ವಿಶ್ವಾಸವನ್ನ ಇನ್ನಷ್ಟು  ಹೆಚ್ಚಿಸಿದೆ. ಒಟ್ಟಿನಲ್ಲಿ ರನ್​ ಮಳೆ ಸುರಿಯುವ ಶಾರ್ಜಾ ಅಂಗಳದಲ್ಲಿ ಆರ್​ಸಿಬಿ ಸನ್ ರೈಸರ್ಸ್​ ಮಹಾ ಕದನಲ್ಲಿ ಯಾರು ಗೆಲ್ಲುತ್ತಾರೆ ಅನ್ನೋದನ್ನ ಕಾದು ನೋಡಬೇಕಿದೆ.