ಆರ್ಸಿಬಿ-ಮುಂಬೈ ಪ್ಲೇ ಆಫ್ ಫೈಟ್: ಸೇಡು ತೀರಿಸಿಕೊಳ್ಳುತ್ತಾ ಹಾಲಿ ಚಾಂಪಿಯನ್ ?

ರೈಸಿಂಗ್​ ಕನ್ನಡ:

ನ್ಯೂಸ್​ ಡೆಸ್ಕ್​:

ಮಿಲಿಯನ್​ ಡಾಲರ್​ ಟೂರ್ನಿ ಐಪಿಎಲ್​ನಲ್ಲಿ ಆರ್​ಸಿಬಿ ಮತ್ತು ಹಾಲಿ ಚಾಂಪಿಯನ್​ ಮುಂಬೈ ಇಂಡಿಯನ್ಸ್​ ತಂಡಗಳು ಮುಖಾಮುಖಿಯಾಗುತ್ತಿವೆ.

 ಪ್ಲೇ ಆಫ್​ಗೆ ಹೋಗಲು ಎರಡೂ ತಂಡಗಳಿಗೂ ಇನ್ನೊಂದು ಗೆಲುವು ಬೇಕಾಗಿದೆ. ಆರ್​ಸಿಬಿ 11 ಪಂದ್ಯಗಳಿಂದ 7ರಲ್ಲಿ ಗೆದ್ದು 4ರಲ್ಲಿ ಸೋಲು ಕಂಡಿದೆ. ಮುಂಬೈ ಕೂಡ 11 ಪಂದ್ಯಗಳಿಂದ 7ರಲ್ಲಿ ಗೆದ್ದು 4ರಲ್ಲಿ ಸೋಲು ಕಂಡಿದೆ.ಈಗಾಗಲೇ ಒಂದು ಬಾರಿ ಮುಖಾಮುಖಿಯಾಗಿದ್ದ ರೋಚಕ ಪಂದ್ಯದಲ್ಲಿ ಆರ್​ಸಿಬಿ ಸೂಪರ್​ ಓವರ್​ನಲ್ಲಿ ಗೆದ್ದಿತ್ತು.

ಇದೀಗ ಮತ್ತೊಂದು ರೋಚಕ ಕದನದಲ್ಲಿ ಹೋರಾಡಲು ಉಭಯ ತಂಡಗಳು ಸಜ್ಜಾಗಿವೆ. ಇಂದಿನ ಪಂದ್ಯವನ್ನ ಆರ್​ಸಿಬಿ ಗೆದ್ದರೆ ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೆ ಏರಲಿದೆ.ಎರಡೂ ತಂಡಗಳಿಗೂ ಗಾಯದ ಸಮಸ್ಯೆ ದೊಡ್ಡ ತಲೆ ನೋವಾಗಿದೆ.

 ಮುಂಬೈ ಪರ ನಾಯಕ ರೋಹಿತ್​ ಶರ್ಮಾ ಗಾಯದಿಂದಾಗಿ ತಂಡದಿಂದ ಹೊರಗುಳಿದ್ರೆ  ಆರ್​ಸಿಬಿ ತಂಡದ ವೇಗಿ ನವದೀಪ್​ ಸೈನಿ ಗಾಯಕ್ಕೆ ಗುರಿಯಾಗಿ ತಂಡದಿಂದ ಹೊರಗುಳಿದಿದ್ದಾರೆ. ಇನ್ನು ಮುಂಬೈ ತಂಡದ ದೊಡ್ಡ ಶಕ್ತಿ ಹಿಟ್​ಮ್ಯಾನ್​ ರೋಹಿತ್​ ಶರ್ಮಾ ಆಡದಿದ್ದರೇ ಆರ್​ಸಿಬಿ ತುಂಬ ಲಾಭವಿದೆ. ​ಇನ್ನು ಆರ್​ಸಿಬಿ ಪ್ಲೇಯಿಂಗ್​ ಇಲೆವೆನ್​ ಬಗ್ಗೆ ಹೇಳುವುದಾದರೇ ಓಪನರ್​ ಆ್ಯರಾನ್​ ಫಿಂಚ್​ ಬ್ಯಾಟಿಂಗ್​ ವೈಫಲ್ಯ ಅನುಭವಿಸುತ್ತಿದ್ದಾರೆ. ಹೀಗಾಗಿ ಜೋಸ್​ ಫಿಲಿಪ್​ ಅವರನ್ನ ಓಪನರ್​ರಾಗಿ ಕಳಿಸಬಹುದು. ನವದೀಪ್​ ಸೈನಿ ಸ್ಥಾನಕ್ಕೆ ಉಮೇಶ್​ ಯಾದವ್​ಗೆ ಅವಕಾಶ ಕೊಡಬಹುದು.

 ಇನ್ನು ಮುಂಬೈ ತಂಡದಲ್ಲಿ ಮುಂಬೈ ಇಂಡಿಯನ್ಸ್​ ತಂಡದಲ್ಲಿ ಇಶನ್​ ಕಿಶನ್​, ಕ್ವಿಂಟಾನ್​ ಡಿ ಕಾಕ್​ ಸೂರ್ಯಕುಮಾರ್​ ಯಾದವ್​, ಸೌರಭ್​ ತಿವಾರಿ, ಹಾರ್ದಿಕ್​ ಪಾಂಡ್ಯ, ನಾಯಕ ಕಿರಾನ್​ ಪೊಲಾರ್ಡ್​, ಬೌಲಿಂಗ್​ ವಿಭಾಗದಲ್ಲಿ ಟ್ರಂಟ್​ ಬೌಲ್ಟ್​, ಜಸ್​ಪ್ರೀತ್​ ಬೂಮ್ರಾ ಇದ್ದಾರೆ. ಒಟ್ಟಾರೆ ಹೈಸ್ಕೋರಿಂಗ್​ ಪಂದ್ಯಕ್ಕೆ ಅಬುಧಾಬಿ ಸಜ್ಜಾಗಿದೆ.