ದುಬೈನಲ್ಲಿ ಆರ್ ಸಿಬಿ, ಚೆನ್ನೈ ನಡುವೆ ಬಿಗ್ ಫೈಟ್: ಗ್ರೀನ್ ಜೆರ್ಸಿಯಲ್ಲಿ ಕಣಕ್ಕಿಳಿಯಲಿದೆ ಆರ್ಸಿಬಿ

ರೈಸಿಂಗ್​ ಕನ್ನಡ:

ನ್ಯೂಸ್​ ಡೆಸ್ಕ್​:

ಐಪಿಎಲ್​ನ 44ನೇ ಪಂದ್ಯದಲ್ಲಿ ಆರ್​ಸಿಬಿ ಮತ್ತು ಚೆನ್ನೈ ಸೂಪರ್​ ಕಿಂಗ್ಸ್​ ತಂಡಗಳು ಮುಖಾಮುಖಿಯಾಗುತ್ತಿವೆ. ದುಬೈ ಅಂಗಳದಲ್ಲಿ ಐಪಿಎಲ್​ನ ಬದ್ಧ ವೈರಿಗಳು ಗೆಲುವಿಗಾಗಿ ಹೋರಾಡಲಿದ್ದು ಹೈ ಸ್ಕೋರಿಂಗ್​ ಮ್ಯಾಚ್​ ಆಗಿರಲಿದೆ. ಈ ಕದನದಲ್ಲಿ ಆರ್​ಸಿಬಿ ಗೆದ್ದರೆ  ಪ್ಲೇ ಆಫ್​ಗೆ ಹೋಗಲಿದೆ. ಇನ್ನು ಧೋನಿ ನೇತೃತ್ವದ ಚೆನ್ನೈ ಸೂಪರ್​ ಕಿಂಗ್ಸ್​ ಟೂರ್ನಿಯಿಂದ ಹೊರ ಬಿದ್ದಿದ್ದು  ಪ್ರತಿಷ್ಠೆಗಾಗಿ ಆಡಲಿದೆ. ಬೌಲಿಂಗ್​ ಬ್ಯಾಟಿಂಗ್​ ಎರಡರಲ್ಲೂ ಮಿಂಚುತ್ತಿರುವ ಆರ್​ಸಿಬಿ ಹಿಂದೆಂದಿಗಿಂತಲೂ ಬಲಿಷ್ಠವಾಗಿ ಕಾಣುತ್ತಿದೆ.

ಈ ಬಾರಿಯ ಟೂರ್ನಿಯಲ್ಲಿ 10 ಪಂದ್ಯಗಳನ್ನಾಡಿರುವ ಆರ್​ಸಿಬಿ 7ರಲ್ಲಿ ಗೆದ್ದು 3 ರಲ್ಲಿ ಸೋತು 14 ಅಂಕಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆದಿದೆ. ಕೆಲವು ದಿನಗಳ ಹಿಂದೆ ಇದೇ ದುಬೈ ಅಂಗಳದಲ್ಲಿ ನಡೆದಿದ್ದ ಪಂದ್ಯದಲ್ಲಿ ಆರ್​ಸಿಬಿ ಚೆನ್ನೈ ತಂಡವನ್ನ 37 ರನ್​ಗಳಿಂದ ಬಗ್ಗು ಬಡಿದು ಗೆಲುವು ದಾಖಲಿಸಿತ್ತು. ಇದೀಗ ಆರ್​ಸಿಬಿ ಚೆನ್ನೈ ತಂಡವನ್ನ ಮತ್ತೊಮ್ಮೆ ಸೋಲಿಸಲು ಸಜ್ಜಾಗಿದೆ. ಐಪಿಎಲ್​ನಲ್ಲಿ ಆರ್​ಸಿಬಿ ಮತ್ತು ಚೆನ್ನೈ ಸೂಪರ್​ ಕಿಂಗ್ಸ್​ ತಂಡಗಳು ಇದುವೆರೆಗೂ 26 ಬಾರಿ ಮುಖಾಮುಖಿಯಾಗಿವೆ ಇದರಲ್ಲಿ ಆರ್​ಸಿಬಿ 9 ಬಾರಿ ಗೆದ್ದರೆ ಚೆನ್ನೈ ತಂಡ 16 ಬಾರಿ ಗೆದ್ದು ಪರಾಕ್ರಮ ಮೆರೆದಿದೆ. ಅಂಕಿ ಅಂಶ ಏನೇ ಹೇಳಿದರೂ ಈ ಬಾರಿ ಆರ್​ಸಿಬಿ ಇತಿಹಾಸವನ್ನ ಬದಲಿಸಿದೆ.

ಇವತ್ತಿನ ಪಂದ್ಯದ ಮತ್ತೊಂದು  ವಿಶೇಷವೆಂದರೆ  ಗೋ ಗ್ರೀನ್​ ಅಭಿಯಾನದಡಿ ಚೆನ್ನೈ ವಿರುದ್ಧಧ ಪಂದ್ಯದಲ್ಲಿ ವಿರಾಟ್​ ಪಡೆ ಗ್ರೀನ್​ ಜೆರ್ಸಿಯಲ್ಲಿ ಕಣಕ್ಕಿಳಿಯಲಿದೆ. ಇದು ಆರ್​ಸಿಬಿ ಅಭಿಮಾನಿಗಳಿಗೆ ಇನ್ನಿಲ್ಲದ ಖುಷಿ ಕೊಟ್ಟಿದೆ. ಇನ್ನು ತಂಡದ ಪ್ಲೇಯಿಂಗ್​ ಇಲೆವೆನ್​ ಬಗ್ಗೆ ಹೇಳೊದಾದರೆ ಪ್ಲೇ ಆಫ್​ಗೆ ಹೋಗಲು ಇನ್ನೊಂದು ಗೆಲುವು ಬೇಕಾಗಿರುವುದರಿಂದ ಕ್ಯಾಪ್ಟನ್​ ವಿರಾಟ್​ ಎಕ್ಸ್​ಪೆರಿಮೆಂಟ್​ ಮಾಡುವು ಸಾಧ್ಯತೆ .ಅವಕಾಶಕ್ಕಾಗಿ ಕಾಯುತ್ತಿರುವ ಅನುಭವಿ ವಿಕೆಟ್​ ಕೀಪರ್ ಪಾರ್ಥಿವ್​ ಪಟೇಲ್​ಗೆ  ಆಡುವ ಹನ್ನೊಂದರ ಬಳಗಲದಲ್ಲಿ ಆಡಲು ಅವಕಾಶ ಸಿಗುತ್ತಾ ಅನ್ನೊದನ್ನ  ಕಾದು ನೋಡಬೇಕಿದೆ.

ಇನ್ನೂ ಚೆನ್ನೈ ಸೂಪರ್​​ ಕಿಂಗ್ಸ್​ ತಂಡ ಟೂರ್ನಿಯಿಂದಲ್ಲೇ ಹೊರ ಬಿದ್ದಿರುವುದರಿಂದ ನಾಯಕ ಧೋನಿ ಯುವ ಆಟಗಾರರಿಗೆ ಅವಕಾಶ ಕೊಡಬಹುದು. ಒಟ್ಟರೆ  ಸೂಪರ್​ ಸಂಡೇ ಫೈಟ್​ನಲ್ಲಿ ಯಾರು ಗೆಲ್ಲುತ್ತಾರೆ ಅನ್ನೋದನ್ನ ಕಾದು ನೋಡಬೇಕಿದೆ.